2 Corintios 11:26 - Nuevo Testamento Toba Maskoy

²⁶ Alhengamo lhta nhan akvenaktema nkek, asiekai'o nhan alvata asketsepma kelha lhta niekhe, man na ntek atlhengkeskama ngkolhek henmenielhkaso qaselha ehenkok, aspaiomo lhema ehenkek na heleliaikama apkenmahai'a henaqtevaksek kakpota nhan metnangko nak judios. Aslengaiangkek akientalhnema apiav'akha temma nak, iokhalhma, alvata kakpota nhan apieseksek engelialheng'a apkeltaikama nak apankavek apkelpeivomo.

2 Corintios 11:26 ပူးပေါင်းရင်းမြစ်များ

Hechos 13:45

Apkeliasepkeskangkek noka judios apkelvetai'o enenlhet'avok apentalhnema apkankesekha Pablo m'a, ka apkelempai'akha lhnak apkeliaskama apatno'ok kakpota nhan apkeltaknongkomo neksa apkeltennaikama Pablo m'a.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 14:19

Koka nietemavek nak na apkelvai'o judios apkelleniem'o Iconio kakpota nhan Antioquia, ka apkelpengkangvekho lhnak apvalho'ok enenlhet ma'a kakpota ellammelhkasekha Pablo. Ka apkeliaqneiangko lhnak metaimong ma'a, atlheianmo lhnak apvalho'ok enietsepmak ma'a, apkelienioseikokho lhnak na akieto nepiava temma.

Hechos 14:5

Ka netamen nak ma'a apiepetkekho lhnak po'ok moklhem'a judios, metnangko judios kakpota nhan apkelemhama apmaniaie apkeleltemo enaqtevaksek Pablo kakpota nhan Bernabe, eliaqnangkok na metaimong kakpota ennapok ma'a.

Hechos 15:40

Pablo lhnoka apiantemekhak Silas kakpota etnek aplhelhma, ka apkelpaiveseiangko lhnak Jesucristo apkennemolhema m'a apkeleltemo eltaqmelkeskesek apkellaniemhaikama m'a Apveske neksa apketlhengama.

Hechos 17:13

Koka apkellengai'ak nak judios akieto m'a Tesalonica apkeltennaikama Pablo Eniapom Neten apaivoma natemma Berea, ka apkenmeiekho lhnak ma'a, apkeltemeskeskekho lhnak na mokhom apkeliennengkeskama lhma enenlhet'avok aniem'o apkellammelhma Pablo.

Hechos 17:5

Koka napokha judios apkeliaskeiakmek nak ma'a kakpota nhan apkeliasepkeskama. Apkelleliaiangka lhnak moklhem'a enenlhet meliamolhma apkellomakha apankek la amai kakpota eliasangkolhma lhamakho temma nak. Apkelteniaiangkek nak apiempeiok apkelentalhnengvaiakmo apnemakha lhema enenlhet apvesai'a Jason. Apkelleliaiangka m'a Pablo kakpota nhan Silas kakpota eliantemekhak napaqtavek enenlhet'avok kakpota eleltangkok meliamolhma m'a.

Hechos 18:12

Netamen ma'a aptaiekho lhnak gobernador natemma Acaya lhema enenlhet apvesai'a Galion, apkaqnekho lhnak moklhem'a judios apkellammelhma Pablo, ka apkeliantemekho lhnak akieto aliekpelkammalhkelha nentaiangkolha m'a,

Hechos 19:1

Neksa apnema lhnak Apolo m'a akieto Corinto, Pablo lhnoka apiekai'ak iokhalhma metaimong avhak, apvekho natemma Efeso. Koka m'a apvetangveiakmo lhnak apentalhnema nema altamesaikamok ma'a,

Hechos 19:23

Ngvai'ak nak apkeliamenammap akieto m'a na temma Efeso apketlheianma aktemakha Alhnankok Amai.

Hechos 20:19

Askasennaikama mota Apveske metka askammalhko nhan, asvenema akpalleiam aimenek ehaqtek nahan neksa aslengaiangkok akientalhnema aniem'o judios.

Hechos 20:3

Ka apnekho lhnak m'a akvakmo apkanetolhem'a pelten, nkaikama lhnak aplhengama mokhom Pablo enianetvomok loma nemmen ma'a kakpota elhong akieto iokhalhma Siria. Ka aplengai'o lhnak ania'a apkellanekha aptangkolha judios apkenmahai'a ennaktevaksek ma'a, aklheianmo lhnak apvalhok etaqhok neptamen nalhepop apmenek eiekangvakhak Macedonia.

Hechos 23:10

Koka niaveiangkek na lhta apiennengkeskama lhma enenlhet'avok ma'a, ka apkeltemo lhna lhta apveske soldados ngkolhek aktepkeso Pablo m'a, ngkolhek na akiantemakho apkakhaiangkolha soldados ngkanek nlheianmek na lhta apvalhok ematong kelha Pablo.

Hechos 25:3

Ka apkellapiosemmakpo lhnak apkeleltemo ngkolhek akiantemantamo Pablo akieto Jerusalen, koka apkenmahai'ak na niekhe ellaqhek nalhet amai ma'a.

Hechos 27:42

Koka kempokhakme apkenmak'o lhta niekhe ennapok apkellelto apkenmammap ma'a kakpota menieniangkek enmankok nemmen ma'a.

Romanos 15:19

hempelapkeskama, qaselha mongenatkeskama nhan aniem'o Espíritu Eniapom Neten apankok. Aspaieske lhta ania'a aktaqmanma lhamakho apkellavakha askempai'o lhta Jerusalen akvakmo iokhalhma Iliria.

Romanos 8:35

Mamma qaselha akmovana hengiengiavkesek nengasekhai'o Cristo, niekhe nellengaiangko akientalhnema, niekhe akmaska, nema henmenlhenaikama, mek, metka netsekama, qaselha nengai'a, neletsepma aniem'o pelettav akvenaktema, mamma qaselha nak ma'a akmovana hengiengievkesek nengasekhai'o Cristo.

1 Corintios 15:30

Metko la nenlhatekhangveiam neksa nengetsepma, akhemo ngkotnek nellengaiangko mota akientalhnema neksa neleltennaikama ania'a aktaqmanma nak.

1 Corintios 15:32

Askennapommalhkek enenlhet ko Efeso malha qaselha nevhak la akloma m'a, malha akhemo lhta nhan ngkotnek metko la nennaklhatekhangveianlha. Akhemo lhta nhan ngkotnek asteniai'o eiempek ma'a, ntase niekhe antangkok apketlheianmo na mota enenlhet ka aptaiangkok ma'a: "Ntasek antavangkok nentekamok, anienangkok nahan nkanek sosekha kelha angeletsepok", ka aptaiangkok ma'a.

2 Corintios 11:32

Asmak'ak aleltennasama ketlhengkap aktakha lhta asvetai'a m'a Damasco, gobernador apto apkasennaikama apiav'akha apveske Aretas apkapaso lhta guardias kakpota hepathetek ko'o akieto atong apiav'akha temma nak ma'a.

Galatas 2:4

Hengelpalhakva'a lhta nhan apkelleltammakpo engelialheng'a, koka have lhta niekhe m'a vanlha lhta apkenmahai'a ellanama nentangkolha metka hengenmaikama nak henganemakha aniem'o Cristo Jesús, koka apkenmahai'a lhta henteskesangkok mokhom malha hengellasennaikama nema nelianmoma henganemakha ankok.