2 Corintios 11:20 - Nuevo Testamento Toba Maskoy

²⁰ Kanhan apkelvaskapak enenlhet'avok anak apkeliateiangko nak ellasennama m'a, apkelianmongkeskangkek na ketsek kianmoma ngkeskama koka apkenmakmekamaha, apkeliennengkeskangkek nahan, koneng na apkeltemeskeskamak, apkeltekpoikama nhan napaqta'a, koka apkellaiangkavek ketlhengkap ma'a.

2 Corintios 11:20 ပူးပေါင်းရင်းမြစ်များ

Marcos 12:40

Koka apkeltakmelkeskamavek apkenmenielhkeskama qaselha anko'ok lhentampak'a, aholhek ankek na apkelelmalhnongkoma m'a kakpota ngkolhek alleltangko apkeliamo lhma', ka ngkanek tep ankek hato ka ngkotnek nema aliaqmongkaskesekha aniem'o apkellanekamok ngkollatsekama m'a —lhna aptemak Jesús ma'a.

Lucas 6:29

Nnek hata nkek aktekpongo apmalhempenek lheiap, eniangkok hata nhan nekha apmalhempenek ma'a. Nnek hata nkek aklekkaso apkaqlammap lheiap, apvannangko la nhan ma'a elekkasekhak mokhom aptalhnema apvenaktema, eniangko ta nhan lheiap ma'a.

1 Corintios 4:11

Ampai'o sekhe lhta akvakmo nenvanlha nak hengennapma mek, aknem hengennapma, metka nelentalhnema, avanhek na hennaqtevaskamo enenlhet'avok, metka nengaqhaiangkolha nhan.

2 Corintios 1:24

Mankonmahai'ak ennengko'o antangkok malha apkelveskai'e la'a angellelpalhengkasama kakpota etnangkok meliaskeiam ketlhengkap, vanlha koka nengeleltavek angelpasmok kakpota nkolpaihekhak apvalho'ok ketlhengkap ham nkanek melleihaie' aniem'o meliaskeiam.

2 Corintios 10:5

Apmopvana nhan enaqtevaskesek akpaivoma akmovana ania'a akmahai'a la nkoiennenkesek enenlhet, apmopvana nhan enaqtevaskesek apkelammakpo apankavek enenlhet'avok apkeliasekamo na lhma enenlhet apkenmahai'a nak eliekpelkok Eniapom Neten. Apvankek na eliaqmongkaskesekhak alketamekama apvalho'ok apkellammelhma la Cristo, eltemeskasekhak atlhenaikama apvalho'ok eleliehekhok Cristo m'a.

2 Corintios 11:3

Nkak'avek ko eneniek nkoliennenkeskak menasma nkolienieskasekhak Cristo aptaikamok apkelleliehekho iokhalhmek ankek, akiennengkeskamo lhnak nanek na Eva m'a.

2 Corintios 12:16

Moklhem'a ketlhengkap apkeliavek moteniai'a lhta ko'o akianmoma asmakmekama, napokha lhna lhtoka hetlheianmak askeliennengkeskama asmahai'a apalesemma'.

Galatas 2:4

Hengelpalhakva'a lhta nhan apkelleltammakpo engelialheng'a, koka have lhta niekhe m'a vanlha lhta apkenmahai'a ellanama nentangkolha metka hengenmaikama nak henganemakha aniem'o Cristo Jesús, koka apkenmahai'a lhta henteskesangkok mokhom malha hengellasennaikama nema nelianmoma henganemakha ankok.

Galatas 4:25

Agar koka akietkesammalhka m'a metaimong akhaiam Sinai akieto Arabia, akietkesammalhka nhan malha temma Jerusalen nenvanlha nak, nema asennaikama nema akianmoma apkelieplomo nhan atkak ma'a.

Galatas 4:3

Nnavek na ennengko'o malha nematkak alhta hengenmaiangka lhta akmovana neniava nak.

Galatas 4:9

koka kolhvave nak apkeliavek aptemakha m'a aniem'o apmahai'a apanke lhta etnek apkeliekpelkemo napaqtavek ketlhengkap ma'a. ¿Se lha ntemak na ketlhengkap apkeleliehekho nak mokhom qaselha neniava nak mangkoliennaktema, metka akmovana nhan, he? ¿Se lha ntemak na apkenmahai'o nak mokhom etnangkok allasennaikama ankok nema apkelianmoma, he?

Galatas 5:1

Nne lhta hengelpaqnenkasakho nema hengenmaikama aniem'o lhta m'a Cristo. ¡Elienna toka ketlhengkap kakpota mankolatkeskatanie aiaspo'ok ankok akmahai'a nkolpathetek mokhom!

Galatas 5:10

Asiave ko'o Apveske ta elpasmok ketlhengkap kakpota mangkotnek mo'ok aktema aklhenaikama apvalho'ok astemakha ko'o. Koka apto la enenlhet apkeliasekamo mota lhma ketlhengkap, ngkolhek hata akiaqmongkaskesakho aptemakha m'a akmak'akha la nkoietoho.

Galatas 6:12

Ka enenlhet'avok apkenmahai'o lhta eliatangkok ketlhengkap eliaqtemenkeskesek nekhatkok apkellammelhakha, vanlha koka apkeleltemo nkollekok apvalho'ok enenlhet, mankonmahai'ak ellengangkok akientalhnema neksa apketlheianma ania'a apketsepma lhta neten iamet aktenneskama Cristo m'a.

Filipenses 3:19

Koka enenlhet'avok anak enaqtevasakpok hata ngkanek vanlha mota anmahai'o nkek apvalho'ok ellanangkok qaselha ngkolatsekama apanko'ok apankavek, apkelakpek apkellanengko la qaselha henmankaskama nak, vanlha mota atlheianma apvalho'ok qaselha aknaiangko nak hengke'e nalhepop anak.

1 Tesalonicenses 2:5

Apkelvetai'a lhta nentaiangkelha metka nellannengvaiam aktaqmanma nelpaqmeiasma angellanhok ketlhengkap, ma lhta nhan anteniaiangkok patakkom apanko'ok la ketlhengkap, apiavek koka Eniapom Neten akto have niapak ankek astakha nak alheianma.