2 Corintios 10:4 - Nuevo Testamento Toba Maskoy

⁴ Apkenmak'a mota elammelhek akientalhnema akieplomo apkeliennaktema apanko'ok apankavek, ennengko'o koka nelammelhkek akientalhnema akieplomo apmopvana Eniapom Neten, apmopvana enaqtevaskesek na aliennaktema kasekapok av'alho'ok.

2 Corintios 10:4 ပူးပေါင်းရင်းမြစ်များ

Hechos 7:22

Ka aknemo lhnak atlhekmoskamo m'a lhamakho aptaiangkolha kakpota nhan aktemakha apkeliangveiakmo ko Egipto. Ngvaiakmek nak aknem aptema neten apankek apiaspommap Moises ma'a, kakpota nhan apmopvana apaivoma ka nhan apmopvana elanak qaselhaha.

Romanos 13:12

Nkanketva'ak nkotsak hata, mmak'a nkotiepok aknem, elvatesamok apkellanekamok qaselha alleniem'o ienaqtesakha lhma. Ntasek koka ellanangkok qaselha alleniem'o nak atsak'elha lhma.

Romanos 6:13

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

1 Corintios 2:5

Kakpota nkoliennak meliaskeiam aniem'o Eniapom Neten apmopvana, have aniem'o m'a nenianveiakmo aniem'o nak enenlhet.

1 Corintios 9:7

Malha aptonak lhema soldado la'a, nietavek elhkak akianmoma apmakmekama, malha aktonak na enenlhet apkanmo nak aknema nak akielhna, netamen ma'a ntaqmelkaskaskek apkaniemhaikama aniem'o aptoma akielhna, malha aptonak na apkelanekama nepkesek, ntaqmelkaskaskek na apkaniemhaikama m'a aniem'o apiama neme pankok nepkesek, nietavek ankek ma'a.

2 Corintios 10:8

Ka nkanek smak'ak atnek mokhom allanak ketlhengkap, Eniapom Neten hengellangkek nelientalhnemo kakpota angeleltennasangkok ketlhengkap etnangkok na m'a, have niapak ankek ma'a, askeliatema metka askammalhko, metka nhan asmangkaktema. Mankonmahai'ak na annaqtevaksek ketlhengkap, vanlha koka nengeleltemavek angeltakmelkeskesek apkellaniemhaikamaha.

2 Corintios 13:10

Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei'o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai'a anaktevaksek nahan.

2 Corintios 3:5

Lhta nhan metko la hengelpasmoma Eniapom Neten, mongellapvanke nlho lhta nhan angellanangkok nenmakmekama nak enganko'ok engankavek.

2 Corintios 4:7

Ka ania'a aktaqmanma nak malha akto nak qaselha akmennave nke aknaiangko nak neniokha nkoliennaktema malha aktonak nialpa ngvengka, apvanka'ak elvetak enenlhet'avok akmovana m'a aniem'o Eniapom have aniem'o ennengko'o.

2 Corintios 6:7

Apkeliavek na nelpaieskama ania'a akto have niapak anke kakpota nhan hengaikamok nenmopvanka'a aniem'o Eniapom Neten. Nelapkaselhkek, nelammelhkek hengellammelhmakha la'a malha akieplomo nenmaikama nennapommalhka nak anko'ok akvesai'a akpeivomo.

1 Tesalonicenses 5:8

ennengko'o koka nelloka mota aknem anko ie ka ngkanek ntasek montangkek malha hengelieihamalhma la'a, ntasek angelapkesek malha nelapkeskama la ennenio'ok alvesai'a m'a nengasekhai'o kanhan mongiaskeiam, angelletsavek hata nhan malha casco la'a akvesai'a nengel·halhanma angelvongkasalhkak hata tep.

1 Timoteo 1:18

Timoteo, malha eietka lheiap, ka askaikamok lhek aspaioma kakpota elanak lheiap ma'a aktemakha apketlheianmo lhta sekhek ankek ngkotnek hata apketsekama ania'a, kakpota ellammelhek lheiap ma'a apkellelto nak apkellammelhmakha mongiaskeiam.

2 Timoteo 2:3

Evaskap hata nhan akvo'o la akientalhnema ngkanek lheiap apto malha soldado nema apiamo apkasennaikama la nhan Cristo Jesús.

Hebreos 11:30

Meliaskeiam lhnak nanek na Israelitas aliaqnanmo aphalhtemommap temma Jerico neksa apkelel·halhiengkaiam ma'a, 7 knem noka ngvaiakmok ma'a apkelel·halhiengkaiam.