2 Corintios 1:23 - Nuevo Testamento Toba Maskoy

²³ Kolhva nhan asmak'ak alleltennaksek ketlhengkap se kla ktemo ko'o moniekho lhta ham Corinto sekhe lhta, ngkanek nkoihe lhta ngkotnek aspaioma askellaikamok asvakho la ko'o ham, have niapak ankek astakha nak, Eniapom Neten kelha heiaqhek asto la asmopvana ania'a.

2 Corintios 1:23 ပူးပေါင်းရင်းမြစ်များ

Hechos 18:1

Netamen nak ma'a, apteiapmek nak Pablo natemma Atenas apmeiekho lhnak natemma Corinto.

Hechos 18:8

Apkemhama apmanie nemaknekhelha apvesai'a Crispo kakpota nhan apketkak mang nak na eliaskeiakmok Apveske, kakpota nhan mantek enenlhet'avok ko Corinto, ka aknemo lhnak na allavkesaiangko konne iemmen ma'a.

Romanos 1:9

Eniapom Neten apto apveske ehenkok, askasennaikama mota asteniai'o nak eiempehek aspaieskamo nak ania'a aplhenammap Apketka, apiavek na m'a atlheianmo mota evalhok ketlhengkap ham.

Romanos 9:1

Have niapak ankek asmak'akha nak atnek alheianma, metka asmopvana ania'a ngkanek moi'askeiam Cristo, kanhan Espíritu Santo apmaikama mota aklhenaikama nak evalhok.

1 Corintios 4:21

¿Ko la apkeleltakha atnek asvaktamo ta ham apieseksek anak ketlhengkap, he. Aliamenvata, nlho ka allasekho kanhan nalhepek evalhok, he?

1 Corintios 5:5

Ellamok hata enenlhet anak Satanas kakpota nkotvaksek apiokha nak, koka vanlha ta nkovongkasalhkak tep aphangok apvaktamo ta Apveske engankok Jesús.

2 Corintios 1:1

Ko'o Pablo asto heiapaskama Cristo Jesús aniem'o nhan aptema Eniapom Neten, alhelhma koka ko'o Timoteo hengke'e. Nengenmak'ak angellapaksek atlheianma engvalho'ok apkellelto iglesia apankok Eniapom Neten ham na temma Corinto, kakpota nhan aplhamakho apkelpokkenammap apkakhangko m'a iokhalhma Acaya.

2 Corintios 1:18

¡Koka have ennengko'o nentaiangkolha aktonak ma'a, hai, nlho ka la mma'! Apiavek Eniapom Neten have niapak ankek astakha nak alheianma.

2 Corintios 11:10

Hai, nkalhkek ko evalhok ehenkok ehenkek ma'a, apkeliavek ketlhengkap have niapak ankek ma'a astakha nak, meltemo Cristo atnama asmopvana ania'a.

2 Corintios 11:11

Nkotlhenek hatelha apvalho'ok ketlhengkap mollasekhai'o ngkanek molelmalhnekama qaselha alaimommalhkelha la ko'o, koka apiavek Eniapom Neten avanhek askellasekhai'o ketlhengkap.

2 Corintios 11:31

Eniapom Neten apto apiapom Apveske engankok Jesús, nietavek aniavenkaskesama apvesai'a m'a, apiavek na motnema asmopvana ania'a alheno lhkek.

2 Corintios 12:20

Askak'ak ko'o m'a etnangkok asvaktamo ta ham ello'ok hellanhoho, ko'o telha nhan heliasangko lhma ketlhengkap asvaktamo ta ham. Askak'ak na ko alvetangvetak apkellatemommap, kno nak apkeliasepkeskama, apkelloma, atlhenammalhko nke apvalho'ok apanko'ok apankavek. Apkelentepkasekama apvesai'a po'ok aptaikamok apkenmopvanka ania'a, etlhenama apvesai'a po'ok aptakha la'a, elakpoho, lhamakho qaselha ngkolatsekama aptaiangkolha.

2 Corintios 13:10

Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei'o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai'a anaktevaksek nahan.

2 Corintios 13:2

Askeleltennaske lhta sekhe lhta astaiento lhta amaika'a ham aktemo hanet asvekta ham, atnek hata akiennaktema aspaioma askellanei'o apkellelto apkellanekamok anak ngkollatsekama, alhenekhok hata mokhom kolhvave nak, atnek hata askeliennai'o askellanei'o asto ta amaika'a mokhom ham.

2 Corintios 6:6

Apkeliave mota ketlhengkap neltaqmelkasemmalhkoho, neliave na akto have niapak anke iokhalhme, apkeliavek na ketlhengkap metka nelpekheskama kakpota nhan nalhep'avek engelvalho'ok angellanhok emmo'ok, apkeliavek na ketlhengkap apnaikamok engelvalho'ok Espíritu Santo, nengellasekhai'o nhan emmo'ok iokhalhmek engelvalho'ok.

Galatas 1:20

have niapak ankek lhta m'a aktemakha nak astalheskama, napaqtek na Eniapom Neten astakha nak.

Filipenses 1:8

Apiavek koka Eniapom Neten avanhek heliepvaiam asmahai'a alvetekhak ketlhengkap ham aniem'o akiavai'a askellamelaiam aniem'o nhan Cristo Jesús.

1 Tesalonicenses 2:5

Apkelvetai'a lhta nentaiangkelha metka nellannengvaiam aktaqmanma nelpaqmeiasma angellanhok ketlhengkap, ma lhta nhan anteniaiangkok patakkom apanko'ok la ketlhengkap, apiavek koka Eniapom Neten akto have niapak ankek astakha nak alheianma.

1 Timoteo 1:20

Ka aktonak ma'a apieseksek anak Himeneo kakpota nhan Alejandro, askangkongvakme lhta m'a Satanas kakpota melammelhek mokhom Eniapom Neten apvesai'a.