2 Corintios 1:22 - Nuevo Testamento Toba Maskoy

²² Hennaktalheskamo nhan mongenatkeskama apankok engvalho'ok apvesai'a Espíritu Santo, akto aktemeskeskama have niapak ma'a apanko'ok ennengko'o Eniapom Neten.

2 Corintios 1:22 ပူးပေါင်းရင်းမြစ်များ

Juan 3:33

Koka apto la enenlhet mei'askeiam m'a, apiavek Eniapom Neten aplheianma mota iokhalhme.

Juan 6:27

Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

Romanos 8:23

Nellapentengkek na ennengko'o, niekhe akietnema Espíritu apkelientemongkeskamo lhta amanie hengellaikamok, nkaqhok koka avanhek nellengaiangko nengelel·halhanma ngkolhek hata hengeltemeskesakho Eniapom Neten apketkak akiokho nkoie, ngkolhek hata nhan akiaqmongkasakho mo'ok neniokha alhnankok nkanek neniokha nak anmaikama mota maniamolhma.

Romanos 8:9

Ketlhengkap koka melieplavkasak aliaspongkomakha nak apvalho'ok, apkelieplavkaskek koka m'a aptemakha Espíritu apankok Eniapom Neten. Koka metko la apvalho'ok Espíritu apankok Cristo, have nhan apkennemolhema m'a.

2 Corintios 5:5

Hengellangkek ennengko'o Eniapom Neten Espíritu akto aktemeskeskama have niapak ma'a angetlhevangkok hata ma'a.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

1 Tesalonicenses 4:8

Lhema enenlhet la aptaqnongkoma hengetlhekmoskama nak, manghengeltaknevak ennengko'o, aptaqnevakke koka m'a Eniapom Neten apto hengellaikamok Espíritu Santo

2 Timoteo 2:19

Koka Eniapom Neten hengellaiangkek lhema iamet akiennaktema nkek, malha anengkasemmalhka nenpathetma la'a, akieplomo koka alkasemmalhka ntemak hengke'e: «Apkeliekpelkavek Apveske enenlhet apanko'ok la'a». Ka ntemak na mo'ok hengke'e: «Ntasek elieniekhak ngkolatsekama apkellelto nak apkellasennaikama Apveske».

Apocalipsis 2:17

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu ka aklhamakho nke nak iglesias!: "Apkellelto ta apkeliephongveiakmo allangkok hata nentoma mana nema alposkama, ka nhan metaimong aktek anmopai'a akietno aktalhesammalhka nenvesai'a alhnankok melioho' mokhom, vanlha koka enenlhet apto aplhevai'a ta apiavek hata m'a", lhta aptak Espíritu.

Apocalipsis 7:3

—¡Ellaielh sekhe! Menaqteves ankek lhepop anak, kanhan alvata, iamet nahan. Nkaimelhkek sekhek annaktalhaksek alpaihakha napaqta'a apkellelto la apkellasennaikama Eniapom Neten engankok —lhta aptak ma'a.

Apocalipsis 9:4

Nne lhta aleltennaso meleltammap enaqtevaksek panaktema alielsellemo kakpota nhan iamet. Vanlha lhta apkelleltakpok enaqtevaksek metko la alelqasemmalhka alpaihakha napaqta'a apvesai'a Eniapom Neten.