2 Corintios 1:21 - Nuevo Testamento Toba Maskoy

²¹ Hengeliennakteske' ennengko'o Eniapom Neten kanhan ketlhengkap neksa neliepetkangvekha m'a Cristo, hengeliekieskek nahan.

2 Corintios 1:21 ပူးပေါင်းရင်းမြစ်များ

Juan 3:34

Apto apkapaskama Eniapom Neten aplhengke mota aptakha apaivoma m'a, ngkanek apkankek na aplanei'o apvalhok Espíritu m'a.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

Romanos 8:9

Ketlhengkap koka melieplavkasak aliaspongkomakha nak apvalho'ok, apkelieplavkaskek koka m'a aptemakha Espíritu apankok Eniapom Neten. Koka metko la apvalho'ok Espíritu apankok Cristo, have nhan apkennemolhema m'a.

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

2 Corintios 5:5

Hengellangkek ennengko'o Eniapom Neten Espíritu akto aktemeskeskama have niapak ma'a angetlhevangkok hata ma'a.

Colosenses 2:7

Etnamok hata apkeliennaktema aniem'o Cristo, malha aktonak pa'at aliennakteskama avhok anak, eliennaktes hata nhan meliaskeiam anak ka aktemakha lhta mota nema atlhekmoskama, etnamo ta nha mota gracias Eniapom Neten.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

2 Tesalonicenses 2:17

Nelelmalhnema nhan ma'a Eniapom Neten eliennakteskesekhok apvalho'ok, ellangkok nak apkeliennaktema kakpota ellanangkok, etlhenek na mota altaqmelo qaselha.

2 Tesalonicenses 2:8

netamen eiephongvak hata m'a. Koka evatak hata nhan ma'a Apveske akieplomo apkapommatema, apvatepnapma ta nhan nkotvaksek ma'a, metka apiennaktema ta nhan etnek ma'a.

2 Tesalonicenses 3:3

Eniapom Neten apto have niapak ankek apaivoma, elpasmok hata m'a kakpota nkoliennak meliaskeiam ketlhengkap, enmeivok hata nhan neksa akmahai'a la nkovak ngkolatsekama.

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

1 Juan 2:20

Ketlhengkap koka malha apkeliangkanma la apietsekso'ok aniem'o m'a apto Apokkenammap memangveiam ngkolatsekama nak, ka ngkanek nnankek neniekpelkemo nak aplhamakho ketlhengkap ma'a.

1 Juan 2:27

Koka mankaimommalhkak etlhekmoskak ma'a ngkanek Jesucristo malha apkeltemeskeskama apkeliangkanma apietsekso'ok ketlhengkap Espíritu Santo m'a, apkelloka nhan lhemek ketlhengkap ma'a. Hata etlhekmosangkok lhamakho aktemakha qaselha m'a, akto haveniapak ankek, metka akmovana ania'a nhan, apketlhekmoskamo lhta nhan ma'a etlhengkesek na apkelpasmekha Cristo.

Apocalipsis 1:6

Hengeltemeskaske lhta nhan malha apkeliav'akha apkelveskaie ennengko'o kakpota nhan sacerdotes kakpota angellasennama mota m'a Eniapom Neten apto apiapom ma'a. Ka ngkanek na ntasek ellaho mota apvesai'a m'a, etlhenama mota akietnema neten apankek apientalhnemo kanhan apmopvana panke metka akvaiam annelha aliekaikamok iantelhkapa. Amen.

Apocalipsis 3:18

Askangkek ko'o lhema aspaioma lheiap, ¡elheng hengke'e asnakha nak! Ema ta oro nema akiamasma natelh nema alalhnasekha kakpota etnek nkeskama apketsekama lheiap. Ema ta nhan apkelentalhnekha apkenmopei'o apankek kakpota memangkama lheiap aniem'o apkalhnai'o, eltelhnamok hata nhan apaqto'ok ponha kakpota etekhak na lhma lheiap ma'a.