2 Corintios 1:12 - Nuevo Testamento Toba Maskoy

¹² Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

2 Corintios 1:12 ပူးပေါင်းရင်းမြစ်များ

Hechos 23:1

Apkellanei'avek na lhta Pablo m'a apkelientalhnakha apkelveskaie m'a, lhna lhta aptemak: —Ketlhengkap eliepma'ak, mamma aktakha aklhenaikama evalhok napaqtek Eniapom Neten aniem'o asiamolhma —lhna lhta aptemak Pablo.

Hechos 24:16

Vanlha ko mota askelienlhaneiakmo alanak qaselha altaqmelo napaqtek Eniapom Neten, napaqtavek na enenlhet'avok kakpota mangkoitek malha henavesaikama evalhok alketamekama helhenkeskekha askelanai'a la ngkolatsekama.

Romanos 9:1

Have niapak ankek asmak'akha nak atnek alheianma, metka asmopvana ania'a ngkanek moi'askeiam Cristo, kanhan Espíritu Santo apmaikama mota aklhenaikama nak evalhok.

1 Corintios 1:17

Nkanek ma lhta heiapaskama Cristo kakpota allavkesangkok konne iemmen enenlhet'avok, vanlha koka heiapaskamo altennama ania'a aktaqmanma metka alhenammalhko ehenkok ehenkek nema asiamoho askeltennaikamaha, kakpota mankovaivente aklhenammalhka ania'a apketsepma lhta Cristo neten iamet aktenneskama. Ngkanek akto neten ankek akiaspommalhka m'a ania'a nak ma'a, mangkolhnok asmopvana nak ko altennama ania'a.

1 Corintios 12:8

Napokha nhan apketlhevangkok apkenmopvanka'a kakpota elpaqmetek nema apkeliamo aniem'o m'a vanlha lhema Espíritu, napokha nhan apketlhevangkok apkenmopvanka'a kakpota elpaqmetek ngkeskama apkeliangveiakmo m'a aniem'o koka nhan nheklhek ma'a Espíritu.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

1 Corintios 2:13

Neksa nengeltennaikama la ania'a aniem'o Eniapom Neten, nengelpaqmetkek ma'a aniem'o Espíritu apanko nak ma'a, have aniem'o m'a neliangveiakmo nak enganko'ok engankave'. Hai, neksa nengelpeiveskasekha mota aptemakha Eniapom Neten, nelpaqmetkek nelpaqmeiasma aniem'o m'a Espíritu apanko nak ma'a.

1 Corintios 4:4

Niekhe nhan aklhenaikama nak evalhok aktaqmanma askelanai'a ko'o, koka evankek kelha nhan mankoietek aklhenaikama evalhok ma'a. Vanlha koka Eniapom Neten apvankek elhenek akietemo nkek aktaqmanma nlho ka la ngkolatsekama.

1 Corintios 5:8

Hai, ntasek antangkok aktakmelaikama lhma la Pascua akieplomo panes metka apkeliepheskama, apkelvesai'a nak iokhalhmek anke, have niapak nahan. Menmama nkek alena apiepheskama aphapavok anak, apkelvesai'a koka m'a apnaqtevaskama mota po'ok, ngkolatsekama nhan.

2 Corintios 1:17

Koka mongvopvanak asmahai'o eniakhak ma'a, nkotlhenek hatelha apvalho'ok ketlhengkap ngkolatsekama akietnaikama ehaqtek, nkolhenek evalhok alhong nlho ka la mma'.

2 Corintios 11:3

Nkak'avek ko eneniek nkoliennenkeskak menasma nkolienieskasekhak Cristo aptaikamok apkelleliehekho iokhalhmek ankek, akiennengkeskamo lhnak nanek na Eva m'a.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

2 Corintios 4:2

Man na angellanengkok qaselha la nelielhaskeskamo henmankaskama nak, man na nteniangkok na neliennengkeskama la'a, mangeliaqmongkasekhak na mo'ok aktemakha ania'a aktaqmanma nak netlheianma hengellaikamo lhta nhan Eniapom Neten ma'a. Apiavek koka nhan Eniapom Neten akto netlheianma iokhalhmek, apkeliavek na enenlhet'avok ka ngkeniemai'ak manghengeliaskamek ma'a.

2 Corintios 8:8

Have akiennaktema ehetong askelanei'o ketlhengkap, vanlha askeltavek aliatekhoho kakpota ellangkok patakkom po'ok, aptaiangkolha lhna lhta ma'a engelialheng'a ko Macedonia, metka apkenmeiavkesammakpo lhna lhta patakkom apanko'ok ellangkok ma'a, etnamok hata nhan ketlhengkap ma'a kakpota elvetakpok have niapak ankek apkellasekhai'o po'ok.

Galatas 6:4

Ntasek koka moklhem'a nkotlhenalhko nkek apvalho'ok apkellanekamok kelha ngkolatsekama, aktaqmanma, netamen hata m'a nkollaqhama kelha apvalhok. Koka mangkolatsema m'a elietkeskamok aptakha la apkelanai'a po'ok,

Efesios 6:14

¡Eliennakteso ta nhan apkeliapnekha apkeliapnama akvesai'a koka have niapak ankek! ¡Elentalhnekha ta nhan apkelentalhnema anmasma apnenio'ok akvesai'a nak ma'a nempeivomo!

Filipenses 1:10

akietemo nke nak nentemakha. Netamen ma'a elloka ta metka apkellanekamok qaselha ngkolatsekama, mangkolhek hata nhan apketselhnanemmap napaqtek Cristo apvaktamo ta mokhom.

1 Tesalonicenses 2:10

Apkelvetai'a lhta ketlhengkap kanhan Eniapom Neten aktaqmanma akpeivomo nentaiangkolha apieseksek ketlhengkap meliaskeiam anak, nellanengke lhta nhan qaselha akpeivomo, mankollapvanke lhta nhan hengetlhenek enenlhet.

1 Timoteo 1:5

Askeltavek na ko'o ennavaksek enenlhet'avok lheiap ham kakpota eliaqmongkasekhak mo'ok aptaiangkolha, nkovak na apkellasekhai'o po'ok aniem'o alalhnai'o apvalho'ok, altaqmanma atlhenaikama apvalho'ok kanhan meliaskeiam iokhalhme.

Tito 2:7

elvetaskes na aptemakha apanke nak lheiap kakpota elvanangkok ma'a, eieplavkes hata nhan aktemakha nak apketlhekmoskama apankok, etaqmelkasakpo pankek nahan kakpota meliaskamek enenlhet lheiap,

Hebreos 13:18

Hengellelmalhneskes hata nhan ennengko'o ham, kakpota hengelpasmo mota Eniapom Neten ngkanek alhnai'o akietnaikama engaqto'ok, vanlha mota nelienlhanmekamok angeltakmelkasalhko mota.

Santiago 4:6

Avanhek ankek na hengelpasmoma aniem'o apiamolhma' panke', ka aktemo nak vakkahak Eniapom Neten apaivoma hengke'e: «Apkammelhmakha Eniapom Neten ma'a ammalhko engvalhok anak, koka apkeltakmelkeskaskek apkellangiemhaikama apkellelto nak nalhep'avek apvalho'ok».

1 Pedro 3:16

Eltaqmelkasakpo ta nhan kakpota nkoltaqmelkasok na alietnaikama apaqto'ok ketlhengkap, kakpota enmankangvomok apkellelto nak apkeliematkesaikama ketlhengkap neksa apkellanekamok qaselha altaqmelo.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,