1 Timoteo 6:9 - Nuevo Testamento Toba Maskoy

⁹ Koka apkellelto la aptengiaikamo mota nkeskama patakkom apanko'ok, nkovak na aklheianma apvalho'ok eltok eniankesangkok qaselha apanko'ok la'a, koka nkovak na aktevasekha nkek ma'a, malha ta nhan ngkotnek anmama al·hanemmalhka m'a nkonnaqtevaksek hata nhan aplhamakho akvakmo apsavhekpo m'a.

1 Timoteo 6:9 ပူးပေါင်းရင်းမြစ်များ

Lucas 12:21

Hata ngkotnek ma'a enenlhet apkankesaikamo mota apketsekama qaselha apanko'ok, koka m'a mamma nkek apketsekama napaqtek Eniapom Neten.

Hechos 8:20

Koka lhna aptemak Pedro apkatemmoiangka: —Enietsepo ta lhemek patakkom anak lheiap ngkanek nlhenkek apvalhok lheiap emok nema akianmoma patakkom qaselha metka akianmoma nak hengaikamok Eniapom Neten.

Efesios 4:22

Ka nkeniemai'ak na ketlhengkap ntasek elvatesangkok ngkollatsekama apkellaneiangko lhta mota lhennenga, etnangkok malha apkel·hatsosaikamok lhennenga apvalho'ok alpaisengkeskama aniem'o aliaspongkomakha nak apvalho'ok akmovana nak hengiennenkesek.

1 Timoteo 1:9

have akvai'a nkoliavak nkonnaveskak apkelpeivomo nak, koka ma'a meleliehekho nak, apkeliekai'a nak ley, meliamolhma nak kanhan apkellanekamo nak qaselha ngkollatsekama, apkellelto nak mellai'o Eniapom Neten kakpota nhan hengetlhekmoskama aktemakha apvesai'a, apkellelto nak apkennapma' apiapma'ak, ngkana'ak, apkellelto nhan ntekioma niapma'ak.

1 Timoteo 3:7

Ntasek na etnek metno apketkok apkellai'o m'a apieseksek anak metnangko nak Jesucristo apkennemolhema kakpota nhan metlhenek ngkollatsekama aptemakha enenlhet, ngkanek malha apteiam kelha ngkotnek aveske keliaqhameio' al·hanma m'a.

1 Timoteo 6:10

Hai', lhamakho qaselha ngkolatsekama aniem'o m'a nkeskama nenteniai'a patakkom, aplhaniek na apkelieniekha aptaikamo lhta meliaskeiam, apketselhnanemmakpo nhan akiavai'a nkek ma'a.

1 Timoteo 6:17

Elelto ta nhan lheiap menianek ellakpok apkellelto nak nema apkelletsekama nenvanlha nak, mellanek na nkolhnangkok alel·halhnekama apvalho'ok aniem'o nkeskama apkelletsekama ngkanek nkomaskengvomok hata m'a. Koka ntasek ma'a nkolhnangkok alel·halhnekama apvalho'ok aniem'o Eniapom Neten, hengellaiangko nhan nkeskama qaselha aimommalhkelha la m'a kakpota nkoltaqmelek nellaniemhaikama m'a.

2 Timoteo 2:26

kakpota nhan ma'a apvanka'ak nkolpaqnemekhak neksa anmama malha al·hanemmalhka la ankok aveske keliaqhameiok aniem'o altemo ellanak akmahai'akha nkek la m'a.

Tito 2:12

ka nkeniemai'ak ntasek angelvatesangkok nentaikamok mongeliamolhma, kanhan alletsepmakha ennenio'ok anak, kolhva koka ntasek angelloka atlhenaikama mota engelvalho'ok aktaqmanma qaselha nak, angellanangkok na akpeivomo, angellamelemmak na emmo'ok,

2 Pedro 2:3

Ka apketsekama ania'a nak avanhek ankek hata nha ngkotnek apteniaikamok patakkom, elvetak hata m'a aniem'o aptaikamok apkenmopvanka'a ania'a, koka nkovak hato ka nhan iokhalhmek ankek nema aliaqmongkaskesekha' apkeltemakha ngkollatsekama, lhennenga nhan nema akpeneskeskamo ngkolhek hata aliaqmongkaskesakho apkeltemakha m'a.

Judas 1:11

¡Aii enenlhet'avok la ie! Aptaiangkek ma'a aptemakha lhnak nanek Cain. Apkeliennengkeskangkek enenlhet aniem'o apteniaikamok patakkom ka aptemo lhnak nanek na Balaam ma'a. Eletsepok hata m'a aniem'o meleliehekhok ka aptemo lhnak nanek na Core m'a.