1 Timoteo 6:4 - Nuevo Testamento Toba Maskoy

⁴ koka apto m'a apkammakpo enenlhet anak, meihangveiakmo nhan, vanlha aptenia mota apkeliamenammap po'ok, netamen ma'a alvo'o neniasepkeskama, nennapommalhka, nentaknongkoma emmo'ok, mantemeskeskama iokhalhmek emmo'ok,

1 Timoteo 6:4 ပူးပေါင်းရင်းမြစ်များ

Hechos 15:2

Koka nkoihek nak apkellatemommap Pablo kakpota nhan Bernabe m'a, man nak nkolleklemok apvalho'ok aktemakha nak apketlhekmosekamok ma'a. Ka apkelvetai'o lhnak apkelemhama apmaniaie iglesia m'a, apkellapaskamo lhnak Pablo, Bernabe kakpota nhan aplhamakha apketlhelhma'ak akieto Jerusalen kakpota elpaqmetkasakpok nema allapaskamo kakpota nhan metno apketko'ok ma'a aktemakha apketlheianma apkeliaqtemenaikamok nekha tkok apkellammelhakha m'a. Ka apkeliekai'o lhnak iokhalhma Fenicia kakpota nhan Samaria, apkeleltennaseiangko lhnak ma'a nak hanet iokhalhma nak neksa apkeliekai'a ania'a aktemakha apkelvatesaikamok qaselha ngkolatsekama apkellanekamok metnangko judios kakpota meliaskamek na Eniapom Neten. Nkelpaihekhek nak apvalho'ok apkelialheng'a apkellengai'o ania'a m'a.

Hechos 8:9

Koka apnengkek nak na m'a lhema enenlhet apvesai'a Simon, apiolhma melatsekama lhnak ma'a. Apkelpelapkeskeskangkek na mota enenlhet'avok ko Samaria apkelvetai'o qaselha hempelapkeskama apkelanai'a m'a, aptemeskesammakpo pankek neten apankek aknema apmopvana.

Romanos 12:16

Elienlhanmamok hata nhan ellanangkok metka akmaska apieseksek ketlhengkap, metnamo nkek apkellammakpo eltemeskasentak koneng metka nak apkelletsekama, ntasek koka elpasmekhak ma'a, metnamo nkek apketlhenammakpo apankavek nema apkeliangveiakmo.

Romanos 13:13

Koka elloka m'a malha atsak'elha lhma nak, ellanamok qaselha altaqmelo. Melpasengvom ankek melleskama etavangkok aptekamok, melleskama nak einangkok anmen, menmensangvomanke lhma, mellanamo nkek na qaselha ngkollatsekama, metka apkennapommap nahan, metka nhan apiasepkeskaiam qaselha apanko'ok la po'ok.

Romanos 14:1

Enmamok hata takha engelialheng'a mankoliennaktema nak meliaskeiam mokhom, mellatemmongap apanko ie' aklhamakho aktemakha aptangkolha la'a.

Romanos 2:8

Koka eienientak hata apiaqmongkasekha aploma takhaplhet'ok apkellelto apkenmeiavkesammakpo pankek qaselhaha, apkellammelhma nhan akto akpeivomo, koka apkellasekhavek ma'a mankopeivomo nak.

1 Corintios 11:16

Moklhem'a kelha apieseksek anak ketlhengkap apkenmak'o la helelpaqmetkesakpok ma'a aniem'o mankolleklemo apvalho'ok asketlhekmoskama nak, koka ennengko'o ka nhan aplhamakho iglesias apankok Eniapom Neten nengelieplavkaskek nentaiangkolha engankave nak.

1 Corintios 11:18

Mankolhnemo mo'ok apvalho'ok na lhta nhan apkenmak'akha la etnangkok apieseksek anak ketlhengkap ham apkaqnakho la mota, have kelha niapak aktemakha aslengai'a ania'a.

1 Corintios 3:18

Apno la apieseksek ketlhengkap apkanema la nkoietnak apiangveiakmo apankok apanke', apiennengkasekpe pankek na m'a enenlhet anak, ntasek eihangvakhok apankok apanke apto meihangveiakmo, netamen hata m'a nkovak aptema apiangveiakmo m'a.

1 Corintios 3:3

ngkanek nheklhek apketlhengkeskama mokhom aliaspongkomakha nak apvalho'ok. Apkeliasepkeskama po'ok, apkeliamenammap nahan, malha enenlhet la aplhengkeskama akiaspongkomakha nak apvalhok.

2 Corintios 11:20

Kanhan apkelvaskapak enenlhet'avok anak apkeliateiangko nak ellasennama m'a, apkelianmongkeskangkek na ketsek kianmoma ngkeskama koka apkenmakmekamaha, apkeliennengkeskangkek nahan, koneng na apkeltemeskeskamak, apkeltekpoikama nhan napaqta'a, koka apkellaiangkavek ketlhengkap ma'a.

Galatas 5:15

Koka aptaklho la po'ok, aptavo la nhan, ¡eniaho! Apnaqtevasekpe pankavek ketlhengkap ma'a.

Galatas 5:26

Metnamo nkek apkellammakpoho, mongelvankesalhkek nahan emmo'ok kakpota angellammelhalhka, metka nhan neniasepkeskama qaselha apanko'ok emmo'ok la'a.

Galatas 6:3

Apto la enenlhet metka neten apiaspommap, koka nkolhenek apvalhok akto neten apankek apiaspommap ma'a, koka apiennengkasekpe pankek na m'a.

Filipenses 1:15

Moklhem'a lhta apkeleltennasema ania'a aplhenammap Cristo aniem'o heliasepkeskama ko'o apteniangke lhta nhan apkenmahai'a helammelhekha, napokha alhto ka apkeleltennasema ania'a aplhenammap Cristo altakmanma apvalho'ok

Filipenses 2:14

Ellanamok hata lhamakho qaselha metka apkelmalenioikama, metka nhan apkellatemommap po'ok

Filipenses 2:3

Metnamo nkek apkelammakpo, mellanamo nkek na qaselha apkelaskesammap ame', eltamok koka nalhep'avek apvalho'ok, eltemeskes hata nhan neten apankavek po'ok la'a have aptangko nak ketlhengkap.

Colosenses 2:18

Mellailho nkek enenlhet apkeliematkesaikama la'a ngkanek apkeliavenkaskesama mota apkelvesai'a ángeles ma'a, aptangke niekhe nalhep'avek apvalho'ok ma'a, apkenmopvanka ania'a koka, apketlheno alvetai'a apaqto'ok koka apkeltaikama apankek ma'a, nkeliephesekama mota apkellammakpo atlhenaikama apvalho'ok apanko'ok apankavek ma'a.

2 Tesalonicenses 2:4

Koka apto m'a apkammelhaikama Eniapom Neten, eniammelhek hata nhan lhamakho qaselha akietemo apkellai'o alleniem'o m'a Eniapom Neten. Avanhek hata ngkotnek ngkolatsekama, epekkanvomok hata aptanema akieto Eniapom Neten apnemakha, elhenakpok hata apankek na apto Eniapom Neten ma'a.

1 Timoteo 1:4

Ennaves hata nhan kakpota mankonmankaksek aknem aklhengama apketlheianvekho na mota lhennenga ania'a, eltaqneva ta nhan kakpota melvenaktese mota apketlhenaikama apkelieihengka'a, koka m'a qaselha nak ntepkaske mota apkeliamenammap ham, mankotepkeskamak meliaskeiam kanhan apkeliangveiakmo aktemakha apmahai'akha etnek Eniapom Neten.

1 Timoteo 1:7

apketlhenammakpek apankavek hengetlhekmoskama ley anak Moises, koka m'a eliangveiakmok aktemakha apketlheianma, apketlhekmosekamok nahan.

1 Timoteo 3:6

Mankapvankek etnek metno apketkok aptema la kolhva mei'askeiam ngkanek mongkek kelha eniakpoho, netamen ngkolhek hata aktevaso m'a ka aktemo lhnak nanek aveske keliaqhameio'.

2 Timoteo 2:14

Etlhenkeskeskakho ta mota apvalho'ok enenlhet'avok lheiap hengke'e hengetlhekmoskama nak, eleltennasamok hata apkellanemakha etnangkok napaqtek Eniapom Neten metka apkellatemommap apieseksek anak ma'a, koka aqhemo m'a, vanlha koka akmovana nkoveskak aknaqtevaskama apkellelto la apkellailhemo.

2 Timoteo 2:23

Meniailho nkek nema aliamenammalhka la'a, koka aqhemo m'a, vanlha koka mota aktepkeskama nennapommalhka m'a.

2 Timoteo 3:4

Eliennengkasekhak hata nhan apketlhelhma'ak apankave', ellanangkok hata nhan qaselha ngkollatsekama aniem'o aliatekamok apvalho'ok koka metka atlhenaikama apvalho'ok akiaqmoiekha nkovak hata. Nkoliephesama ta nhan apkellammakpo, ellanangkok hata nhan qaselha atlheianmakha la apvalho'ok, meteniankek hata nhan ellanangkok apmahai'akha nak Eniapom Neten.

Tito 3:9

Melvanenvomangkek lheiap apkellatemommap anak aktaikama nkek apketlhenaikama apkelieihengka'a aptepekamok neptamna'ak ma'a, mevhanengvom ankek na apkeliamenammap apketlheianma apkellatemommap aktemakha henganemakha Moises anak, koka akhemo m'a, mankotaqmelkesek nenganiemhaikama m'a.

Santiago 1:19

Ketlhengkap elialheng'a askellamelaiam, eltaqmelkaso ta apkellailhemo asmak'akha nak atnek alheianma, ntase mota ketlhengkap ellailhok eniangkok sekhe' eliatak po'ok la'a, have elelientemmakpok apmaniaie' ketlhengkap, metnamok na nav'a apvaheiok apkenmak'o la ello'ok,

2 Pedro 2:12

Koka enenlhet'avok anak meliamolhma mankollapvanka'ak nkolketmok apvalho'ok, mankolatsema nhan apkelpakmeiasma apkellan'o neksa meliamo qaselhaha, ka ngkanek nkonnapekhok hata nkavek meliamolhma apankavek ma'a, malha kaselha nevhak la'a akieploma nak aktekhanekamok akmangkolha la'a ngvakmek ma'a al·hanemmalhkelha, mmatnek na m'a.

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.

Judas 1:10

Koka apkeltaknevakkek enenlhet'avok anak ma'a qaselha nak melioho mokhom, mankollapvanka'ak na nkolketamama apvalho'ok malha aktonak kaselha nevhak la'a aktevasemmalhko nkek aniem'o aktekhanekamok qaselha.

Judas 1:16

Ka enenlhet'avok anak apkellelto m'a apkeliematkesaikama po'ok, apkeltaqnevaikama, kanhan aptengiaikamo mota qaselha aleklemelha la apvalho'ok. Apkellammakpo pankavek, altakmanma niekhe apkelpaqmeiasma ellanhok po'ok napaqtek la'a, koka akhemo malha apkenmopvanka ania'a, vanlha koka mota nhan apteniaikamok qaselha apanko'ok apankavek.

Apocalipsis 3:17

Nlhenke mota apvalhok nkeskama apketsekama lheiap aniem'o aptemeskesammakpo apanke. Apkanek lheiap mankaimelhkak qaselha apanko'ok, koka malha niekhe metka la apketsekama lheiap napaqtek Eniapom Neten. Apiose mota, metka akpaihekha apvalhok, malha nhan apkalhnai'o, metka apaqto'ok nahan.