1 Timoteo 6:20 - Nuevo Testamento Toba Maskoy

²⁰ Lheiap Timoteo, etaqmelkes hata nema aikamok anak apmakmekama, mepasengvoma nkek na ngkolatsekama la apkelpakmetkesammap, meniailhengvomho nhan mankoietemo nak apketlhekmosekamok apkeleltaiangko nak akvesai'a Nenianveiakmo akto Have niapak ankek ma'a,

1 Timoteo 6:20 ပူးပေါင်းရင်းမြစ်များ

Hechos 16:1

Apvekhek nak Pablo m'a akieto iokhalhma Derbe kakpota nhan Listra, aplomaka lhnak na m'a lhema apketkok nema altameskama apvesai'a Timoteo, ngken noka akto judia mankoiaskeiam nak na m'a, apiapom noka apto griego.

Hechos 17:18

Apketlhekmoskangkek nak Pablo m'a aptemakha Jesús kakpota nhan aktemakha nema apnaklhatekhaskeiam hata apieseksek apkenmaskengvaiakmo. Koka apkellammelhmek nak na m'a moklhem'a enenlhet apkelvesai'a Epicureos kakpota nhan po'ok apasmekha apkelvesai'a Estoicos, lhna aptaiangkok: —¿Se lha aplheno ham enenlhet anak aplhamasammap, he? —lhna aptaiangkok. Lhnak na aptaiangkok apketlhelhma'ak: —Malha nak apketlhekmoskama apkeltemakha dioses mo'ok apkellavakha —lhna aptaiangkok.

Hechos 17:21

Lhna ngkanek enenlhet'avok ko Atenas kakpota nhan po'ok enenlhet apkellelto apkellomakha nhan ma'a, vanlha lhna mota apkeltemakha apkelelpengkamekho qaselha akvaiam la m'a, apkelteniai'a nhan ania'a alhnankok la'a.

Romanos 1:22

Apketlhenammakpave lhta mota nema apkeliamo m'a, koka malha metka apaqto'ok ma'a,

Romanos 3:2

Hai', avanhek ankek aktemeskesaikamok neten apankavek ma'a aniemai'o m'a apkellaikamok apaivoma Eniapom Neten ma'a.

1 Corintios 2:6

Asketlhekmoske lhtoka apieseksek anak aliennaktema nak meliaskeiam akieplomo asiangveiakmo, have koka aniem'o nak enenlhet, nlho ka la m'a apkelemhama apmaniaie nak, akmaskengvaiam anak apkelientalhnemo.

1 Corintios 3:19

Aktaikama nkek ma'a napaqtek Eniapom Neten nenianveiakmo nak aniem'o engankok enganke. Ka ktemo nak aktalhesammalhka Eniapom Neten apaivoma hengke'e: «Aptemeskaskek Eniapom Neten nema nak apkeliangveiakmo nkonmok al·hanemmalhka aniem'o apkeliangveiakmo apanko'ok apankave».

Colosenses 2:18

Mellailho nkek enenlhet apkeliematkesaikama la'a ngkanek apkeliavenkaskesama mota apkelvesai'a ángeles ma'a, aptangke niekhe nalhep'avek apvalho'ok ma'a, apkenmopvanka ania'a koka, apketlheno alvetai'a apaqto'ok koka apkeltaikama apankek ma'a, nkeliephesekama mota apkellammakpo atlhenaikama apvalho'ok apanko'ok apankavek ma'a.

Colosenses 2:8

Ellaho ta enenlhet apkenmahai'a la eliennengkesek aniem'o apkeliangveiakmo apanko'ok apankave, apkelelpeiveskasekha nhan qaselha nak apkenmopvanka'a ania'a kanhan henganemakha apanko'ok apankavek, koka have aniem'o Cristo m'a.

2 Tesalonicenses 1:4

Vanlha mota netlhenaikama aktaqmanma apkelvesai'a ketlhengkap akieto mo'ok la iglesias apankok Eniapom Neten, ngkanek ketlhengkap nheklhek apketlhengkeskama aliennaktema apvalho'ok meliaskeiam neksa nema akmenlhenaikama kanhan apkellengaiangko akientalhnema.

2 Tesalonicenses 2:15

Ka ngkanek ntasek etlhengkesek meliaskeiam akiennaktema, melvankamankek na nellanemmalhkelha nak antangkok aniem'o vakkahak nennaktalheskeskama lhta nlho ka la nhan neliokho engankave lhta.

1 Timoteo 1:11

aktaqmanma nke nak ania'a apkeltemo nak na Eniapom Neten apaiaksek ko'o, apto nhan akietemo aniavenkaskesama mota apvesai'a m'a.

1 Timoteo 1:2

Nlhenkek ko evalhok lheiap Timoteo apto astemo lhemek moi'askeiam anak, apto nhan malha eietka. Askeltavek na Eniapom Neten kanhan Cristo Jesús Apveske engankok etaqmelkeskesek apkaniemhaikama lheiap, eietnok na napa'at, eniankok na aktaqmelaikama apvalhok lheiap ham.

1 Timoteo 1:4

Ennaves hata nhan kakpota mankonmankaksek aknem aklhengama apketlheianvekho na mota lhennenga ania'a, eltaqneva ta nhan kakpota melvenaktese mota apketlhenaikama apkelieihengka'a, koka m'a qaselha nak ntepkaske mota apkeliamenammap ham, mankotepkeskamak meliaskeiam kanhan apkeliangveiakmo aktemakha apmahai'akha etnek Eniapom Neten.

1 Timoteo 1:6

Koka moklhem'a lhta apkelvatesaiangkok ma'a apkelieplavkeskama qaselha altaqmelo lhkaiek, nkenmankaskangke lhta aknem aklhengama aniem'o apkeliamenammap nkotno qaselha altaqmanma apketlheianma,

1 Timoteo 1:9

have akvai'a nkoliavak nkonnaveskak apkelpeivomo nak, koka ma'a meleliehekho nak, apkeliekai'a nak ley, meliamolhma nak kanhan apkellanekamo nak qaselha ngkollatsekama, apkellelto nak mellai'o Eniapom Neten kakpota nhan hengetlhekmoskama aktemakha apvesai'a, apkellelto nak apkennapma' apiapma'ak, ngkana'ak, apkellelto nhan ntekioma niapma'ak.

1 Timoteo 4:7

Meniailho nkek ania'a lhennenga nema atlheianveiam alhma ammelhma nak Eniapom Neten, aniem'o koka enenlhet apanko'ok apankavek ma'a, lheiap koka elana mota qaselha akpeivomo malha nhan aptak apkeleivesammap la'a.

1 Timoteo 6:11

Koka lheiap apto Eniapom Neten apkasennaikama, enieniamo ta kakpota mankomama m'a qaselha ngkolatsekama nak, elana toka akpeivomo, qaselha aktaqmelo, koietna mei'askeiam, nengasekhai'o emmo'ok, eliephekho ta apvaskapma neksa aplengaiangko akientalhnema, etne ta nhan nalhepek anko ie napaqtavek enenlhet'avok.

1 Timoteo 6:14

askeltavek eliehekhok lheiap astakha lhkek askanakha etnek, etaqmelkasakpo ta nhan, etne ta nhan aktaqmanma kakpota melhenakpek meihamolhma lheiap akvakmo apvaktamo ta apveske engankok Jesucristo,

2 Timoteo 2:1

Lheiap malha eietka, elhengkes hata mota apteniai'o apiempek koka aniemai'o nhan ma'a nengamelaiam anak aniem'o nhan lheiap apasmekha Cristo.

2 Timoteo 2:16

Melhen koka ania'a ngkolatsekama la'a mankoleklemelha nak apvalhok Eniapom Neten, ngkanek apto la aplheianma m'a nkoiavangkok hata m'a meihamolhma.

Tito 1:14

mellanko nkek na ellailhok ania'a nema altennaikama akmovana ania'a la'a koka aniem'o m'a apkelentepkeskama apankavek alietnaikama apaqto'ok. Eliennaho ta nhan kakpota mellailhek henganemakha aniem'o enenlhet apanke' apkellelto nak apkeliamasangveiam hengetlhekmoskama akto nak have niapak ankek.

Tito 1:4

Asmak'ak angvapaskesek vakkahak anak astalheskama lheiap Tito, apto nhan malha eietka aniem'o nhan aknemo mo'ok mongeliaskeiam. Askeltavek Eniapom Neten kanhan Jesucristo apto hengelvonkeskama tep etaqmelkeskesek apkaniemhaikama, eniankok na aktaqmelaikama apvalhok lheiap.

Tito 1:9

Nkaimelhkek na meiaqmonkasekhek mo'ok nema atlhekmoskama lhta aplhevai'a akto have niapak anke, etnek na apiatekhok po'ok akieplomo apketlhekmoskama aktaqmanma, etnek na apmopvana elpengkangvakhak apkellelto la apkellammelhekha m'a.

Tito 3:9

Melvanenvomangkek lheiap apkellatemommap anak aktaikama nkek apketlhenaikama apkelieihengka'a aptepekamok neptamna'ak ma'a, mevhanengvom ankek na apkeliamenammap apketlheianma apkellatemommap aktemakha henganemakha Moises anak, koka akhemo m'a, mankotaqmelkesek nenganiemhaikama m'a.

Apocalipsis 3:3

¡Eiaqmongkasekha mo'ok apvalhok, kolheianvakho no apvalhok nema atlhekmoskama alhta aplhevai'a lheiap, eliehekho ta mokhom, el·halhnama ta mota! Ka metno la m'a, kotlapkesek hata avatak ham malha akto nak enenlhet la apmenielhma maniamo nak aknem evak ma'a.