1 Timoteo 5:25 - Nuevo Testamento Toba Maskoy

²⁵ Moklhem'a nhan enenlhet apkellanekamok anak aktaqmanma apkelvetakpek iokhalhmek ankek nenvanlha nak, kanhan moklhem'a enenlhet anak apkellanekamok qaselha altaqmelo malha akielhammalhko nak, elvetakpok hata nhan ma'a.

1 Timoteo 5:25 ပူးပေါင်းရင်းမြစ်များ

Lucas 11:33

—¿Nengaleivaskek hata nkek talha alhankok envanke i'e ampekkenek koneng asota, he? Ma', neten nelhanmak ma'a kakpota nkotsaskese lhma' apkellelto apkelentalhnema la'a konne' pa'at.

Hechos 10:22

Ka apkellatemmoiangka lhnak enenlhet, lhna aptaiangkok: —Capitan Cornelio lhta hengellapaskama ennengko'o apkeltemo angeliama lheiap kakpota etlhekmoskakhak ma'a. Apto nak enenlhet apeivomo m'a, apkeliehekho nhan Eniapom Neten, enenlhet'avok judios avanhek ankek apketlheianma mota apiamolhma apankek ma'a Cornelio. Ka nkeniemai'ak ma'a apakmetkeskamo lhna lhta lhema ángel apokkenammap kakpota hengellapaksek ennengko'o hengke'e —lhna aptaiangkok ma'a.

Hechos 22:12

Apne lhta m'a lhema enenlhet apvesai'a Ananias, apiave panke lhta lhma, apkeliehekho lhta mota ley Moises, apketlheianme lhta mota enenlhet ko Damasco apiamolhma m'a.

Hechos 9:36

Nnengkek nak ma'a akieto na temma Jope lhema ngkelvana nema altameskama akvesai'a Tabita, nemaltema koka Dorcas griego apaivoma, vanlha lhnak alanai'a aktaqmanma kakpota nhan alpasmoma metka nak apkeletsekama.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

1 Timoteo 3:7

Ntasek na etnek metno apketkok apkellai'o m'a apieseksek anak metnangko nak Jesucristo apkennemolhema kakpota nhan metlhenek ngkollatsekama aptemakha enenlhet, ngkanek malha apteiam kelha ngkotnek aveske keliaqhameio' al·hanma m'a.

Apocalipsis 14:13

Netamen ma'a asleng'o lhta mokhom nema aliatekama neten, lhta ntak heiano: —Etalhes hata ham, aktakmelakho nke ta nkotnek apkellelto apkeletsepma nenvanlha nak ma'a kanhan emanie ta apkelpasmekha nak ma'a Apveske engankok. —Hai, ka aptemak na Espíritu m'a eliamposakpok hata m'a aniem'o apkenmakmekama ngkanek metka apkelvatesaikamo apkellanekamok qaselha altaqmelo neksa apkellangiemhaikama m'a nalhepop —lhta ntak ma'a.