1 Timoteo 4:6 - Nuevo Testamento Toba Maskoy

⁶ Timoteo, askeltavek etlhekmoksek lheiap qaselha askeltennaso lhkek aplhamakho engelialheng'a ham, netamen nkovak hata aptema lheiap aptaqmanma apkasennaikama Cristo Jesús, apiennaktema aniem'o apkeliehekho mei'askeiam kanhan aktaqmanma apketlhekmoskama allaikamok malha nentoma al·haivekha apiempek kakpota nkankok apiennaktema.

1 Timoteo 4:6 ပူးပေါင်းရင်းမြစ်များ

Lucas 1:3

Teofilo, ko'o lhta nhan astaqmelkasavek asteniaikama ania'a nak ampai'osekha akvetammalhka m'a qaselha nak. Askeltavek kolhva atalhaksek angvempak hata alhenkesek akvakmo aktakha nnelha akvetammalhka lhnak ma'a kakpota elietsetek lheiap,

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Hechos 20:31

¡Elel·halhnama toka! Nkotlheianvakho ta mota apvalho'ok astemakha lhta mota asketlhekmosekamok lhamakho aknem akvakmo hanetolhema iantelhkapa neksa akientalhnema lhta niekhe m'a.

Hechos 20:35

Vanlha mota asketlhekmoskama askeleltemo eleliephekho enmakmama kakpota elpasmok enenlhet metka nak apkelletsekama, aptemakha lhta mota aplheianma Apveske Jesús, lhna aptemak: "Aktaqmelakho nkek apkaikamo nak po'ok qaselhaha, melhnok ma'a apto aplhevai'a qaselhaha".

Romanos 15:15

Nkaqhok koka asnaktalheskeskangke ehenkek vakkahak anak kakpota nkotlhengkeskeskakhok apvalho'ok aktemakha apkeltakmelkasemmakpo la'a. Evankek ko'o aleltennasangkok ketlhengkap aniem'o aktaqmanma nkek helanei'o Eniapom Neten, heliekieskama nhan

1 Corintios 4:17

Ka ngkanek na askapaskamo lhta Timoteo ham, apto malha eietka ehenke askamelaiam meietnekho nhan netamen ko'o, etlhenkeskeskakhok apvalho'ok astemakha na mota ko'o aniem'o moi'askeiam Cristo, ka astemakha na mota asketlhekmoskamok aplhamakho iglesias.

2 Corintios 11:23

Apketlhenakpavek na apankavek apkellelto apkenmakmesaikama Eniapom Neten, ko'o koka tep ankek asmakmesaikama Eniapom Neten. Niekhe malha anema askeliatekama, nkaqhok koka alhenkesek hata askeliatekama, tep ankek ko asmakmekama m'a enenlhet'avok anak, nlhaniek askaklhengkasemmalhka nenmammalhkelha, nlhanie lhta nhan nema heliaqpelhketaikama, nlhaniek na atlhengkeskama amatong.

2 Corintios 3:6

Hengellangke lhta nhan Eniapom Neten nenmopvanka'a angelpaiaksek hata ania'a aktemakha alhnankok annemo mo'ok apvalho'ok apkenmahai'akha etnangkok ma'a aniem'o nhan Espíritu apto nhan hengaikamok akiennaktema enneniek, koka have aniem'o m'a ley henlheianma nak ammatong hata.

2 Corintios 6:4

Ntasek nentaiangkolha, apvanka'ak elvetak enenlhet'avok nengelelto hengellasennaikama Eniapom Neten. Nelvaskapke lhta metka nempekheskama nelvetai'o akientalhnema, nelvaskapmek na neksa aimommalhka la qaselha enganko'ok, anmaiosak'a engelvalho'ok nahan.

Efesios 6:21

Hai, kolhva asmak'ak angvapaksek Tiquico askamelaiam ham, apto nengaqtek astaikama alhelhma neksa nenmakmesaikama Apveske, etsakhesek hata ania'a ehenkok kakpota nhan ania'a apanko'ok asketlhelhma'ak anak hengke'e kakpota eliohok ketlhengkap aktakha nelvetai'a hengke'e kakpota elvaskapekhok mokhom ketlhengkap ham.

Filipenses 2:20

Vanlha lhema Timoteo aknemo mo'ok mota engvalho'ok apmahai'o panke' elpasmok ketlhengkap ham,

Filipenses 2:22

Apkellengai'a ketlhengkap aktaqmanma aptemakha Timoteo, avanhek asmakmekama lheme' aplheianma ania'a aktaqmanma, hepasmek nahan malha apto nak eietka la'a.

Filipenses 3:16

Ntasek angelloka mota aktakha la akietnema mongiaskeiam.

Colosenses 2:19

Ka enenlhet'avok anak ma'a have apkellelto apkelpasmekha Cristo apto nak malha apqatek, apkellaikamok na aptekamok apiokha apkelvanengkeskama la'a, apkelelto nak apkennemolhema. Cristo apkelpasmekho nhan ma'a apkennemolhema apanke, malha aktonak apiokha nak lhema enenlhet nnankek alpasmekha alietetakha kanhan ahak kakpota nkovanamok ma'a apkeltemakha nhan ngkotnek Eniapom Neten.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

Colosenses 4:7

Enialheng nengamelaiam Tiquico etsakhesek hata ania'a ehenkok ham, apto nema asennaikama nengaqte heliehekho mota, apto nhan alhelhma asmakmesaikama Apveske.

1 Tesalonicenses 3:2

Ka nellapaso lhta enialheng Timoteo ham apto nhan Eniapom Neten apkasennaikama, nenmakmekamo lhemek nahan nelpaieskama ania'a aktaqmanma aplhenammap Cristo, nellapaske lhta ham kakpota eliatekho, elpasmok nahan nkoliennak meliaskeiam ketlhengkap

1 Timoteo 1:10

Apkellelto nhan apkenmensangveiam alhma, kanhan apkenmensavekha aptemo lheme', kanhan apkelhaikamok nema akianmoma enenlhet kakpota etnangkok apkenmakmesaikama, apkenmopvanka'a ania'a nak kanha aptaikamok juramento apkenmopvanka ania'a. Hai, ka akvai'o lhta henganemakha kakpota nkonnavaksek ma'a apkellelto apkellanekamok qaselha ngkollatsekama nak, ammelhmakha nhan ma'a akto hengetlhekmoskama aktaqmanma nke nak,

1 Timoteo 4:16

Etaqmelkasakpo ta neksa apkaniemhaikama, elketnamok hata nhan kakpota metlhekmoksek mankoietemo. Ka apkeliahakho la astakha nak askano lheiap, evongkasakpok hata nhan tep lheiap, elvongkesek hata nhan tep apkellelto la apkelleliehekho apkeltennaikama lheiap.

1 Timoteo 6:3

apto la lhema enenlhet apsoiam mok aktema hengetlhekmoskama mankolhnemo m'a hengetlhekmoskama apveske engankok Jesucristo, ammelhma m'a hengetlhekmoskama enganko'ok anak aktemakha mongiaskeiam anak,

2 Timoteo 1:6

Asmak'ak angvangkok ko'o lhema aspaioma lheiap, enialaivasekho ta mokhom malha talha lhta aplhevai'a apmopvana lheiap aniemai'o lhta m'a Eniapom Neten apkaikamok neksa asnengkanma lhta emeiok apietseksek lheiap.

2 Timoteo 3:10

Koka lheiap Timoteo, have aptonak lheiap ma'a ngkanek apieplavkeskangke asketlhekmoskama lhta, heieplongkek na amai, apiavek na lheiap asmak'akha la atnehek, apiavek na moi'askeiam, metka aspekheskama, askasekhai'o, kakpota nhan asiennaktema asvaskapma neksa asvetai'a mota akientalhnema.

2 Timoteo 4:3

Nkanek nkovak hatelha aknem mankonmahai'a ellailhok hengetlhekmoskama akto have niapak anke, eliavenkasangkok hatelha nhan apkenmahai'akha la eteniangkok apanko'ok apankavek, elteniangkok hata nhan hengetlhekmoskama apketlhekmosekamok la'a aleklemelha la apvalho'ok ellailhok ma'a.

Tito 2:1

Koka ntasek lheiap etlhekmokse mota aktemakha na mota aklheianma hengetlhekmoskama akto nak have niapak anke.

1 Pedro 2:2

Malha aptonak nematka nak kolhva apteiam la'a niaksek emahak neme, melles hata nhan enmahangkok ketlhengkap malha aptekamok aktaqmanma nke allaikamok la aliennaktema apvalho'ok kakpota nkovanamok meliaskeiam, ngkolhek na alvongkaso tep ma'a

2 Juan 1:9

Enenlhet apto la apmahai'a eiaqmongkasekhak mo'ok hengetlhekmoskama lhta Cristo, have nhan nengaqtek Eniapom Neten ma'a. Koka apto la aptaqmelkeskama hengetlhekmoskama Cristo, koka apto apnemo lhemek Eniapom kanhan Apketka.

Judas 1:5

Smak'ak atlhenkeskeskakhok na apvalho'ok ketlhengkap ma'a apnaqtevasekho lhnak nanek Eniapom Neten Israelitas apkellelto la apkeliaskeiam neksa apkel·hatsoskekha lhnak nanek ma'a akieto Egipto.