1 Timoteo 4:4 - Nuevo Testamento Toba Maskoy

^4-5 Hai, lhamakho qaselha apkelentepkeskama lhta Eniapom Neten ntasek etavangkok enenlhet'avok ma'a, meltaqnevamankoie', aplheianmek Eniapom Neten ma'a allelto alalhnai'o nkek ma'a lhamakho nentoma nak, apvanka'ak etavangkok akieplomo koka aptaikamok gracias Eniapom Neten.

1 Timoteo 4:4 ပူးပေါင်းရင်းမြစ်များ

Hechos 10:15

Lhna ntemak mokhom nema aliatekama: —Apkenmopesakhek Eniapom Neten ma'a, meltamonkek alpaiseiam lheiap ma'a —lhna nnemak ktemo.

Hechos 15:29

metavankek nentoskama nak nengaqhema nengaikamok anak qaselha akiokha alanemmalhka ankok. Metavankek na ema, metavankek na nentoskama akvaivekamok atsepma nak, kakpota nhan metnangkek na apkenmensangveiam alhma manganemmalhkelha nak antangkok. Ka apkelleliahakho la ketlhengkap nema alaskamakha nak etnangkok, ngkotnek hata akpeivomo apkellanekamok ma'a. Hai, ntase ta ngkotnek ma'a.

Hechos 21:25

Koka metnangko lhta judios apkellelto lhta meliaskeiam Jesucristo, nellapaskaske lhta vakkahak atkok nennaktalheskama alletlhekmoskama m'a kakpota metavankek nentoskama apetek apkellaikamok la qaselha akiokha alanemmalhka ankok, metavankek na ema, metavankek na nentoskama akvaivekamok atsepma nak, kakpota nhan metnangkek na apkenmensangveiam alhma —lhta aptangkok ma'a.

Romanos 14:14

Moi'askeiakmok ko'o apveske engankok Jesús, asiave ko'o mamma ngkolatsekama nentoma la napaqtek Eniapom Neten, koka moklhem'a engelialheng'a kelha atlheno la apvalho'ok mangkolatsekama anto'ok mantomakha la'a, ntasek etnangkok apankavek ma'a.

Romanos 14:20

Menaqteves aktemakha apkelpasmommakpo apkellanemakha eltehek Eniapom Neten apieseksek ketlhengkap aniem'o aptekamok apketlheianma. Lhamakho nentoma nak allelto alalhnai'o napaqtek Eniapom Neten, koka mangkolatsema m'a etavangkok napaqtavek apkelialheng'a lhema nentoma la akmovana nkolietnokhaskesek apvalho'ok apkelvet'o la'a ngkanek nkolvaiventak kelha meliaskeiam.

Romanos 14:6

Apkellelto nak apkelpokkenkeskama lhema aknem anke kakpota eltakneskasangkok Apveske, apteniaikamok mota apkellai'o m'a. Apkellelto nak na apkeltaseiama lhma, apteniaikamok na mota apkellai'o Apveske kakpota nhan etnangkok gracias Eniapom Neten. Apkellelto nak meltaseiama lhma, apteniaikamok na m'a apkellai'akha la'a Apveske kakpota nhan etnangkok gracias Eniapom Neten ma'a.

1 Corintios 10:23

Nlhenalhke mota: —Apvankek enenlhet apmak'akha la ellana —ka ntak ania'a m'a. Jave niapak ma'a, koka have lhamakho qaselha allelto altaqmelo. Jave niapak apvankek na enenlhet apmak'akha la ellanak, koka mangkolatsema elanak aktevaskama nak po'ok.

1 Corintios 10:25

Apvanka'ak ketlhengkap etavangkok lhamakho aktemakha apetek alleniem'o nak aknaiangkelha alhammalhkelha apetek, melelmalhnama nkek ma'a aniem'akha apetek la'a kakpota mangkotvaskesek aklhenaikama apvalho'ok ma'a.

1 Corintios 10:26

Nkanek Eniapom Neten apto otep nalhepop lhmankek ham kanhan lhamakho qaselha aknaiangko nak hengke'e

1 Corintios 10:30

Stemenke mota gracias Eniapom Neten ko'o amanie asmahai'a la atvok astoma, mangkolatsema hetlhenama aniem'o astaseiam alhma.

1 Timoteo 4:3

Ellaksek hata eteniangkok apnaqteiangka'a enenlhet'avok, ellaksek hata nhan etavangkok aptekamok moklhem'a nentomakha la'a, koka Eniapom Neten alhta niekhe apkellanai'a m'a lhamakho nentoma nak kakpota etavangkok apkellelto nak meliaskeiam, apkelioho nak akto have niapak anke, etnangkok na gracias Eniapom Neten.