1 Timoteo 4:3 - Nuevo Testamento Toba Maskoy

³ Ellaksek hata eteniangkok apnaqteiangka'a enenlhet'avok, ellaksek hata nhan etavangkok aptekamok moklhem'a nentomakha la'a, koka Eniapom Neten alhta niekhe apkellanai'a m'a lhamakho nentoma nak kakpota etavangkok apkellelto nak meliaskeiam, apkelioho nak akto have niapak anke, etnangkok na gracias Eniapom Neten.

1 Timoteo 4:3 ပူးပေါင်းရင်းမြစ်များ

Lucas 24:30

Apkakhaiangkek nak aptaveikokho m'a, ka apmamo lhnak pan Jesús, aptemo lhnak na gracias Eniapom Neten, apkellaiangko nhan ma'a.

Juan 6:23

Ka apkelvetai'o lhna lhta nhan atlheiakmo aklhamakha loma nemmen alleniemai'o m'a na temma Tiberias, nengaqte lhta aptemakha lhta gracias Eniapom Neten Jesús ma'a, apkellaiangkelha lhta nhan aptekamok enenlhet'avok apentalhnema m'a.

Hechos 27:35

Ka apmo lhta pan Pablo m'a, apto lhta nhan gracias Eniapom Neten, apkennasko nhan, aptavo nhan.

Romanos 14:17

Koka akieto nak aptemakha apveske Eniapom Neten, mamma nema hengaskama m'a aktemakha anto'ok, kanhan neniama. Koka m'a akto neten ankek akiaspommalhka anteniangkok nentaikamok nelpeivomo, altaqmelaikama engvalho'ok kakpota nhan akpaihekha engvalho'ok aniem'o Espíritu Santo.

Romanos 14:3

Apkellelto nak apkeltaseiama lhma meleltamo nkek meliangveiakmo apkellelto nak metekamok aklhamakho qaselhaha. Koka apkellelto nak meltaseiama na lhma, melpaiesamankek apkelvesai'a m'a apkellelto nak aptekamok lhamakho qaselhaha ngkanek apkenmek na takha Eniapom Neten enenlhet'avok anak ma'a.

Romanos 14:6

Apkellelto nak apkelpokkenkeskama lhema aknem anke kakpota eltakneskasangkok Apveske, apteniaikamok mota apkellai'o m'a. Apkellelto nak na apkeltaseiama lhma, apteniaikamok na mota apkellai'o Apveske kakpota nhan etnangkok gracias Eniapom Neten. Apkellelto nak meltaseiama lhma, apteniaikamok na m'a apkellai'akha la'a Apveske kakpota nhan etnangkok gracias Eniapom Neten ma'a.

1 Corintios 6:13

Ka aptaiangkok na apketlheianma enenlhet'avok: —Nentoma ankok ankek envakmo, kakpota nhan envakmo' ankok ankek nentoma —ka aptaiangko mota m'a. Koka Eniapom Neten hato ka enaqtevasekhak ma'a hanet anak. Koka neniokha nak have antek ankok nenmensangveiam alhma', koka neniokha nak ankok ma'a Apveske, kanhan Apveske apankok neniokha nak.

1 Corintios 7:28

Koka aliemhapengko la'a, have nhan ngkolatsekama m'a. Lhema ngkelvana metka atava' la'a, nkoteniama atava', have nhan ngkolatsekama m'a. Koka lhamakho aliemhapekamok anak nkolvetak hata akiavai'a akientalhnema aliaihekama aniem'o aliaspongkomakha av'alho'ok anmaikama, moltok niekhe nkollengankok akientalhnema m'a. Ka ngkanek asto nak askellano askellanemakha etnangkok.

1 Corintios 8:8

Ennengko'o koka neliavek hengenmo la takha Eniapom Neten have aniem'o m'a anto'ok moklhem'a nak nentoma nlho ka la nhan manganemmalhkelha nak anto'ok nentoma. Ntasek etvok nlho ka la mma' nentema nak.

Colosenses 2:16

Ka nkeniemai'ak na mellammelhek mokhom ketlhengkap apkeliematkesangka la enenlhet'avok aniem'o aptekamok, apienaikamok, melpalhakvaiam na ktaqmelaikama lhma la apanko'ok, kakpota nhan pelten aphalhnankok la'a, aknem sabado nennekhelha nhan.

Colosenses 3:17

Neksa apkellanai'a la lhema qaselha, nlho la nhan etlhenek apkenmak'akha la etlhenek, enmama ta nhan apvesai'a Apveske Jesús. Etnamok hata nhan gracias eniapma'ak anak apvesai'a Eniapom Neten aniem'o nhan Jesús.

1 Timoteo 2:4

apkeltemo nhan angelvongkasalhkak tep nenlhamakho, angeliangvomhok na akto have niapak anke'.

1 Timoteo 4:4

Hai, lhamakho qaselha apkelentepkeskama lhta Eniapom Neten ntasek etavangkok enenlhet'avok ma'a, meltaqnevamankoie', aplheianmek Eniapom Neten ma'a allelto alalhnai'o nkek ma'a lhamakho nentoma nak, apvanka'ak etavangkok akieplomo koka aptaikamok gracias Eniapom Neten.

1 Timoteo 5:14

Askeltavek ko'o atko'ok la lhentampak'a nkoliemhapekhak mokhom, nkolvetekhak atkak, nkollavanak na nkoltaqmelkesek nahan, netamen nkotno emmo'ok mankoimatkesama ta m'a lhentampak'a nak,

Hebreos 13:4

Eleliehekho ta mota apnaqteiangka'a, etlhengkes hata mota aktaqmanma nkek apkelpathetaikamo mota apnaqteiangka'a ngkanek eiekpelkok hata apkeltemakha Eniapom Neten apkellelto la apkellanaktema kanhan aptevaskama la aliemhapma.

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.