1 Timoteo 4:1 - Nuevo Testamento Toba Maskoy

¹ Aplheianmek Espíritu akto iokhalhmek ankek akmak'o ta nkovak aktemongvanlha nnelha aknem, moklhem'a elvatesangko ta aptaikamok meliaskeiam, elieplo'ok hata kasekapo av'alhok hengiennenkeskama kakpota nhan hengetlhekmoskama anko'ok kasekapok av'alho'ok.

1 Timoteo 4:1 ပူးပေါင်းရင်းမြစ်များ

Lucas 17:1

Lhnak aptemak Jesús apkellanemo apkeltamesaikamok: —Apne mota enenlhet apiatekamok po'ok ellanangkok ngkolatsekama. ¡Koka lheiap la aie apiatekamok la po'ok! Etak hata akiavai'a nkek akientalhnema apiaihekama.

Juan 16:13

Hata apvo'o ta Espíritu apto have niapak anke na niapom, hato ka eliangveskeskamhok ketlhengkap akto have niapak anke. Melhenek hata apankok apankek qaselha, vanlha ta elhenek aktemakha aplengai'a aniem'o Eniapom Neten apaivoma, eleltennaksek hata nhan akmak'akha ta nkovak qaselha apmaniaie ketlhengkap.

Hechos 13:2

Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 17:18

Apketlhekmoskangkek nak Pablo m'a aptemakha Jesús kakpota nhan aktemakha nema apnaklhatekhaskeiam hata apieseksek apkenmaskengvaiakmo. Koka apkellammelhmek nak na m'a moklhem'a enenlhet apkelvesai'a Epicureos kakpota nhan po'ok apasmekha apkelvesai'a Estoicos, lhna aptaiangkok: —¿Se lha aplheno ham enenlhet anak aplhamasammap, he? —lhna aptaiangkok. Lhnak na aptaiangkok apketlhelhma'ak: —Malha nak apketlhekmoskama apkeltemakha dioses mo'ok apkellavakha —lhna aptaiangkok.

Hechos 20:23

Koka neksa alhengama alhta mota lhamakho apkellavakha lhmankek ham, heltennaskangke lhta mota Espíritu Santo nkolhe ta hetvaso m'a, kakpota nhan ngkolhek hetalhneso nenmammalhkelha.

Hechos 21:11

Ka apvakmo lhta akietnakha apiapnama Pablo m'a, apnakteto lhta apanke apmeio'ok kakpota nhan apmanko'ok, lhta aptak apkellano: —Espíritu Santo lhkek apkeltemo alvetaskesek ketlhengkap hengke'e, ka apto la apiapnama hengke'e asnaktetkek emankok, emeiok, hata ngkolhek akto nema alanei'o m'a akieto Jerusalen apto apiapnama, ngkolhek hata angkongvakmok ma'a metnangko nak judios —lhta aptak ma'a.

Hechos 28:25

Ma lhta nhan nkolhok mo'ok apvalho'ok ma'a, ka apkellempo lhta nhan apkelieniekha napokha m'a, koka lhta aptak Pablo apkellano: —Have na niapak aptemakha aplheianma Espíritu Santo aniem'o apmaikama apkeltennasemmap ania'a Isaias aptaiangkolha nelieihengka'a, lhnak nanek aptemak apkanemo m'a:

1 Corintios 10:20

Neksa apkennapekamok apnaqtoskama metnangko nak judios apkellaikamok ma'a kasekapok av'alho'ok, have m'a Eniapom Neten. Askeltavek ko'o ketlhengkap melpasmekhek ma'a kasekapok av'alho'ok.

1 Corintios 11:19

Neksa apkelhpankesammap amota alhnakho nkek nengvetai'a apkeltemakha la altaqmelo kanhan ngkollatsekama la'a.

1 Corintios 12:11

Koka lhamakho qaselha nak nenmopvanka'a aniem'o m'a vanlha lhema Espíritu, apkennaskek apmak'akha la eniangkok apieseksek ma'a meliaskeiam la'a.

1 Corintios 2:10

Hengelvetaskaskek Eniapom Neten lhamakho qaselha nak aniem'o Espíritu, ngkanek Espíritu apiavek lhamakho qaselha akvakmo konne kankek apvalhok Eniapom Neten.

2 Corintios 11:3

Nkak'avek ko eneniek nkoliennenkeskak menasma nkolienieskasekhak Cristo aptaikamok apkelleliehekho iokhalhmek ankek, akiennengkeskamo lhnak nanek na Eva m'a.

Colosenses 2:18

Mellailho nkek enenlhet apkeliematkesaikama la'a ngkanek apkeliavenkaskesama mota apkelvesai'a ángeles ma'a, aptangke niekhe nalhep'avek apvalho'ok ma'a, apkenmopvanka ania'a koka, apketlheno alvetai'a apaqto'ok koka apkeltaikama apankek ma'a, nkeliephesekama mota apkellammakpo atlhenaikama apvalho'ok apanko'ok apankavek ma'a.

2 Timoteo 3:13

koka apkellelto nak meliamolhma kanhan apkeliennengkeskama nak po'ok, nkovenke pankok hata apkellanekamok qaselha ngkollatsekama nak, aplhaniek hata etnangkok apkeliennengkeskama enenlhet'avok, koka ngkolhek hata nhan aliennengkasakho m'a.

2 Timoteo 4:4

Apqapto'ok hata nhan ellangkokhak ania'a aktaqmanma nak akto have niapak anke, nkonmahak hata nhan ellailhok ania'a nema altennaikama lhennenga.

Santiago 3:15

Koka iama neniamo nak have aniemai'a neten, nalhepop koka nkeniemai'ak ma'a, enenlhet apanke nak kanhan keliaqhameio',

1 Pedro 1:20

Tep nak nek Eniapom Neten apeneskamo aklhenaikama apvalhok eniapaksek hata Cristo, mellaneiakha lhnak lhamakho qaselha lhmankek ham, koka nenvanlha nak apvai'ak ma'a kakpota hengeltaqmelkeskesek nellaniemhaikama, ketsek na nkaimelhkak aknem aktemakha ta nnelha.

2 Pedro 2:1

Apkakhaiangkek nak nanek apkeleltennasemmap ania'a apkenmopvanka'a ania'a apieseksek israelitas, elvak hata nhan kolhvave nak apieseksek anak ketlhengkap ma'a, etlhekmosangkok hata apkelielhaskeskamo qaselha mankoietemo, akmovana hentevaksek nahan, nkolammelhek hata apkelpakmeiasma Apveske apto lhta apkel·hatsoskekha neksa anmaikama meliamolhma, nkotlapkesek hato ka nema apnaqtevaskama m'a.

2 Pedro 3:3

Eltaqmelkaso ta apkellailhemo asmak'akha atnek alheianma, hata aimelhko ta ketsek aktemongvanlha nnelha aknem elvak hata enenlhet anmaikama aliaspongkomakha nak apvalho'ok meliamolhma, eliematkesama ta ketlhengkap ma'a,

1 Juan 2:18

Ketlhengkap eietkak apketkok, ketse nkaimelhkak aktemongvaianlha nnelha aknem lhma nkek ham, apkellengai'ak ketlhengkap aplheiam apto apkammelhma Cristo, kolhva koka apkeliephongvak aplhamakma apkellammelhma Cristo, ka ngkanek nengeliavek ennengko'o kanketva'ak aktemongvanlha nnelha aknem alhma nkek ham.

1 Juan 4:6

Ennengko'o koka nelleniem'o Eniapom Neten, hengellailhave mota m'a apkellelto la apkeliekpelkemo Eniapom Neten. Koka mankonmak'ak hengellailhok ma'a apkellelto nak melleniem'o nak Eniapom Neten. Netamen envanka'ak angelvetak apnaikamok la Espíritu akto have niapak anke nak niapom, nlho ka la nhan apnangko la av'alhok hengiennenkeskama ngken.

Judas 1:18

Neksa akmahai'a lhna lhta nkovak ma'a aptemongvanlha ta nnelha aknem, elvak hata enenlhet'avok apkeliematkesaikama mota, nkonmama ta nhan aliaspongkomakha nak apvalho'ok ma'a.

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.

Apocalipsis 13:14

Nkeliennenkaske lhta aplhamakho enenlhet'avok aniem'o allanai'a qaselha mongenatkeskama, nemo lhta aiangkoho naqtek ma'a kaselha nevhak amanie lhta akteiapma. Nkeleltave lhta nhan ellanangkok apkelietkeskamo akiokha m'a kaselha nevhak akiavai'a lhta akiensaskama pelettav akvenaktema, aktaqmanveiam alhta nhan ma'a.

Apocalipsis 16:14

Koka napnekteng anak ma'a allelto lhta kasekapok av'alho'ok, aknema anmovanka'a nkollanangkok qaselha mongenatkeskama. Atlhengo nhan ma'a apkenmahai'a eniankesekhak apkeliav'akha apkelveskai'e lhmankek ham kakpota ngkotnek ma'a apkennapommap Eniapom Neten apto vanlha lhema aphapak aknema apmopvana apanke akvo'o ta akiavai'a aknem apankok ma'a.

Apocalipsis 18:2

Apiennakteso lhta nhan apaivoma m'a, lhta aptak: —Nnek aktevaso apiav'akha temma Babilonia, ntakhek akhaiangkolha kasekapok av'alho'ok, alielhanmomakha nhan lhamakho aktemakha kasekapok av'alho'ok alpaiseiam, ntangkokhek na alhano'ok anata ngkollatsekama alpaiseiam.

Apocalipsis 18:23

Ienaqtesa lhma ta nhan ngkotnek akieto nak lheia, nkomaskengvomok hata nhan aklengammalhka apaivoma nema aptava kanhan nema atava aliemhapakha la'a. Nkanek macatero anko lhta lheia' apkellelto neten apankavek ma'a, nkeliennenkeskangkek lheia lhamakho apkellavakha lhmankek ham aniem'o aktema iolhma nkoihamolhma —lhta aptak ángel.

Apocalipsis 19:20

Koka mpathetalhke lhta qaselha nevhak nengai'o akieplomo nhan altennaskama ania'a ankok alhta apmopvana ania'a, apkelanai'a lhta mota qaselha mongenatkeskama naqtek ma'a. Apkeliennengkeskangke lhta nhan apnaikamok alhta aqnaktalheskama alqama ankok ma'a, apkellelto lhta nhan apkelteklheikamok aptapno'ok naqtek nema akietkeskamo akiokha m'a kaselha nevhak nengai'o lhta. Koka nkelpathetalhke lhta lhemek ma'a qaselha nevhak nengai'o kakpota nhan ania'a niapom ankok, nne lhta alienievo akieplomo aktaikamok alhnankok akieto sanga akietnemakha alaivomo talha kanhan azufre.

Apocalipsis 2:11

—¡Eltaqmelkaso no apkellailhemo apaiko'ok anak apmak'akha etnek aplheianma Espíritu aplhamakho apanke nak iglesias!: "Apkellelto ta apkeliephongveiakmo m'a, mmaskek akto hanet aknaqtevasekha nengetsepma m'a", lhta aptak Espíritu.

Apocalipsis 2:17

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu ka aklhamakho nke nak iglesias!: "Apkellelto ta apkeliephongveiakmo allangkok hata nentoma mana nema alposkama, ka nhan metaimong aktek anmopai'a akietno aktalhesammalhka nenvesai'a alhnankok melioho' mokhom, vanlha koka enenlhet apto aplhevai'a ta apiavek hata m'a", lhta aptak Espíritu.

Apocalipsis 2:29

—¡Eltaqmelkaso no apkellailhemo apaiko'ok anak aktakha aplheianma Espíritu aklhamakho nke nak iglesias!

Apocalipsis 2:7

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu aklhamakho nke nak iglesias!: "Apkellelto ta apkeliephongveiakmo, allangkok hata aptekamok akielhna iamet hengaikamok akiennaktema enneniek, amhamo nak ma'a iokhalhma aktaqmanma nkoie' apnemakha nak Eniapom Neten", lhta aptak.

Apocalipsis 20:10

Netamen ma'a ngkolhek hata akienievo aveske keliaqhameio aniem'o aliennengkasekama akieto m'a sanga akietnemakha talha kanhan azufre. Akieniommalhkelha lhta nhan ma'a kaselha nevhak nengai'o lhta kakpota nhan altennaskama ania'a ankok alhta apmopvana ania'a. Nkolhek hata aliaqmongkaskesakho altemakha m'a lhamakho aknem, pelhasep nahan metka akvaiam annelha aliekaikamok iantelhkapa.

Apocalipsis 20:8

Nkotiepok hata, nkoliennenkasama ta enenlhet'avok akieto lhmankek ham, nelhkeiha, nepeiam, tep aknem kanhan mankolha aknem, ko Gog ka nhan Magog. Nkankesekhak hata kempokhakme kakpota ennapakpok ma'a, apentalhnema apankek hata kempokhakme, mammopvana angelietsetek, malha lhepop aktek anak neiava' alvata aknangkongvaiam.

Apocalipsis 3:13

—¡Eltaqmelkaso no apkellailhemo apaiko'ok anak aktakha aplheianma Espíritu aplhamakho panke nak iglesias! —lhta aptak Espíritu.

Apocalipsis 3:22

—¡Eltaqmelkaso no apkellailhemo apaiko'ok anak aktakha aplheianma Espíritu aplhamakho apanke nak iglesias!

Apocalipsis 3:6

—¡Eltaqmelkaso no apkellailhemo apaiko'ok anak aktakha aplheianma Espíritu aplhamakho panke nak iglesias! —lhta aptak ma'a.

Apocalipsis 9:20

Ma lhtoka elvatesaiangkok apkellanekamok ngkollatsekama m'a apkellelto lhta metekioma aniem'o m'a qaselha lhkek akmovana hentevaksek. Nheklhe lhtoka apkelteklheikamok aptapno'ok naqtavek kasekapok av'alho'ok kakpota nhan qaselha akiokha la alanemmalhka alienmomo oro, plata, bronce, metaimong kakpota nhan iamet nekha'a. Mankomovana nak nkota lhma, nkonnak nahan, mankomovana nha nkolhong ma'a qaselha akiokha nak ma'a.