1 Timoteo 3:2 - Nuevo Testamento Toba Maskoy

² Ntasek etnek aktaqmanma aptemakha aplhengkeskama kakpota mankollapvankek enenlhet etlhenek apvesai'a m'a, vanlha nhan ntasek etnek lhema aptava, ntasek na eniapvanak enavaksek apvalhok apankek la'a, nkaimelhkek na nkolhenek apvalhok amanie apmak'akha la etnehek, etaqmelkasakpok nahan, emok na takha amaika'a la'a akieplomo akpaihekha apvalhok, apmopvana nhan etlhekmoksek po'ok.

1 Timoteo 3:2 ပူးပေါင်းရင်းမြစ်များ

Lucas 1:6

Alpeivomo lhnak napaqtek Eniapom Neten, alleliehekho lhnak na lhamakho apkellanemakha nkotnangkok kanhan henganemakha Apveske.

Lucas 2:36

Nnengkek nak na m'a lhema ngkelvana akto altennasemmalhka ania'a m'a, Ana lhna akvesai'a. Akvaneiam ankek nak ma'a, niapom noka apvesai'a Penuel, apkeniem'o m'a apasmekha apketkak neptamen Aser annenga. Atkok ankek nak apnemo atava, siete iantelhkapa lhnak akiantemaikama m'a,

Romanos 12:13

Etnamo ta mota apkenmahai'o elpasmok apkelpokkenammap metka nak apkelletsekama, enmamok hata mota takha amaika'a apankok la'a.

Filipenses 2:15

kakpota metlhenakpek ketlhengkap, etnangkok na nalhep'avek apvalho'ok, metka alpaiseiam nahan malha Eniapom Neten apketkak apieseksek enenlhet meliamolhma kanhan apkeltemengvekho na lhma. Ntasek etnangkok malha apkelapommatma ketlhengkap apieseksek anak ma'a,

1 Timoteo 3:12

Lhema diacono ntasek etnek lhema aptava, eniapvanak na ellanama apketkak kakpota nhan apkennemolhema apankavek apnemakha.

1 Timoteo 3:8

Apkenmak'o la etnangkok diaconos nkaimelhkek na ngkotnek nema allai'o apieseksek enenlhet'avok, have nhan etnangkok mangiamo atlhenakha apvalho'ok la'a, have nhan etnangkok anmen ato'ok, have nhan eteniangkok akianmoma aniem'o apkeliennengkeskama enenlhet'avok.

1 Timoteo 4:3

Ellaksek hata eteniangkok apnaqteiangka'a enenlhet'avok, ellaksek hata nhan etavangkok aptekamok moklhem'a nentomakha la'a, koka Eniapom Neten alhta niekhe apkellanai'a m'a lhamakho nentoma nak kakpota etavangkok apkellelto nak meliaskeiam, apkelioho nak akto have niapak anke, etnangkok na gracias Eniapom Neten.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

1 Timoteo 5:22

Kolketamama ta apvalhok amanie nkek sekhek apmahai'a enengkenek apmeiok takhaplhet la enenlhet kakpota etneskesek apkemhama apmanie' m'a apieseksek Jesucristo apkennemolhema, koka mankolketamengka la apvalhok ma'a, etnek hata nhan lheiap malha apselhnanemmap aniem'o m'a enenlhet mangkolatsekama apmakmekama, etne ta mota alhnai'o apvalhok lheiap.

1 Timoteo 5:9

Elpeneso ta apnaqtalhesaikamok alvesai'a lhentampak'a kakpota nkotlhevangkok qaselha alpasmoma, koka vanlha ta alvaneiam akvaiakmo tep 60 iantelhkapa anko'ok, vanlha koka lhema atava' akvetai'a sekhe lhta,

2 Timoteo 2:24

Lhema apkasennaikama la Apveske mankapvankek eliamenakpok po'ok, ntasek koka etaqmelkasok apaqmetkeskama po'ok la'a, etnek na apmopvana etlhekmoksek kanhan metka apekheskama qaselha,

Tito 2:2

Nkaimelhkek na metno apketko'ok anak ellapvanak ennavaksek apvalho'ok apankek la'a, etnangkok na apkellai'akha la enenlhet, nkaimelhkek na nkotlhenek apvalho'ok amanie apkenmak'akha la ellanangkok qaselhaha, etnangkok na meliaskeiam akto nak hengetlhekmoskama akpeivomo, ellasekhok na aplhamakho enenlhet'avok, etnangkok na apkeliennaktema apkelvaskapma neksa akvai'a la akientalhnema.

Hebreos 13:2

Eltaqmelkaso ta nhan apkenmaikamok takha aptaikamok la amaika'a apkakhaiangkelha. Kotlheianvakho ta mota apvalho'ok moklhem'a lhnak apkenmaiangkok takha ángeles neksa meliamo m'a.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

1 Pedro 4:7

Ketsek nkaimelhkak aktemongvanlha nnelha aknem lhmankek ham, ka ngkanek ketlhengkap ntasek etnangko mota apkeltakmelkasemmakpo apankavek, elelmalhnangkok nahan metka nnelha.

1 Pedro 4:9

Eniaqhes hata nhan akiakvatakho apkakhaiangkolha apieseksek anak ketlhengkap amaika apankok la'a metka nhan aptepkesaikama apvesai'a m'a.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.