1 Timoteo 3:16 - Nuevo Testamento Toba Maskoy

¹⁶ Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

1 Timoteo 3:16 ပူးပေါင်းရင်းမြစ်များ

Marcos 1:13

Aplomaka lhnak ma'a 40 aknem aiseksek kaselha nevhak. Nkeliaikama lhnak Satanas aktemakha akmahai'a nkoiepkonek Jesús ma'a, ángeles noka apkellasennaikama m'a.

Marcos 16:19

Apsavhomo lhnak aktemakha apkeleltennasekama Apveske m'a, ka aknemo lhnak akiantemekho neten ma'a, apnekho nhan akiennakha apoktong Eniapom Neten.

Marcos 16:5

Ka alentalhnemo lhnak konne nemakha aklhengkeskaianlha enghapak ma'a, alvetai'o lhnak na lhema enenlhet apketkok apmopai'a apankek aptalhnema apvenaktema, apnengkek nak akieto akiennakha'. Mang na ngkeskamak allai'a m'a,

Lucas 2:32

Etnek hata malha apkapommatema apketsaskeskama lhma m'a apieseksek metnangko nak judios, ellakpok hata enenlhet'avok ko israel apkennemolhema apankek lheiap —lhna aptemak Simeon.

Lucas 20:44

Apveske David aplheianmek nak Cristo apto apveske apankok, ¿etnekha nalhmok la apveske apankok aptaven neptamen, he? —lhna aptemak Jesús.

Lucas 22:43

Mpelapkeskankek nak apiephongvai'o lhema ángel apkeniem'o neten apkeltemo lhnak eiennekhok Jesús ma'a.

Lucas 24:4

Nketlhengamavek nak nkenio'ok mankolvetai'o aphapak Jesús, ka akpelapkeskamo lhnak apkeliephongvai'a apqanet enenlhet apkelteteskai'o lhnak ngkelvana'ak ma'a, apkenmopai'a pankek nak apkelentalhnema m'a, apkelienmomo nhan.

Lucas 24:51

Neksa apkeltaqmelkeskeskama apkellangiemhaikama, apkaklheiangko lhnak tep atketsek Jesús ma'a, ka aknemo lhnak akiasekho neten.

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Juan 15:26

Ko'o ta allapaskesek apto Hengiatekho niapom ketlhengkap, Espíritu apto have niapak anke niapom apkeniem'o nhan ma'a Eniapom, hata etlhekmoksek lhamakho qaselha aniem'o ko'o.

Juan 16:28

Ka askempai'a ko'o m'a apnakha lhta Eniapom, asvai'o hengke'e nalhepop anak, ataqhok hatoka kolhvave nak apnakha m'a —lhta aptak Jesús.

Juan 17:5

Eniapom, heiamok asmopvana akiavai'a ka akietnemo lhta ko'o tep nak na nek metkelha qaselha lhma nkek ham, asnemo lhta nhan lhemek lheiap ham.

Juan 20:12

Akvetai'o lhna lhta apqanet ángeles apkenmopai'a lhna lhta apkelentalhnema m'a. Apkakhaiangkek na lhta nemakha akpekkanveianlha aphapak Jesús ma'a, lhema lhna lhta apnemak akieto nepvahe, po'ok na lhta nhan akieto nepmankok.

Juan 6:62

¿Ko la ta etnangkok ketlhengkap apkelvet'o ta Enenlhet Apketka nak apmeiakho ta mokhom neten, he?

Hechos 1:19

Lhamakho enenlhet nak na apkellengai'a ania'a m'a Jerusalen, apkeltemeskeskamo nhan akvesai'a lhepop anak ma'a Aceldama, nema altema koka iokhalhma akietnemakha ema.

Hechos 10:34

Ka apkempai'o lhnak apkeltennaikama Pedro m'a, lhna aptemak: —Koka kolhvave nak asiangvakmek nennavek emmo'ok nentemo lhemek enenlhet napaqtek Eniapom Neten,

Hechos 14:27

Ka apkelvekho lhnak Antioquia m'a, apkellankesekho lhnak apkellelto iglesia m'a, ka apkeleltennaseiangka lhnak ania'a aktemakha Eniapom Neten apkelanai'a qaselha neksa apketlhengama m'a. Apketlheianmo nhan aktemakha apkelpasmoma mota Apveske kakpota eleltennasangkok na ania'a aktaqmanma metnangko nak judios kakpota meliaskamek na m'a.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Romanos 10:12

Koka aplhamakho enenlhet'avok ma'a judios kakpota nhan griegos, apnavek po'ok napaqtek Eniapom Neten, apto Apveske takhaplhet'ok enenlhet'avok lhmankek ham. Nema apketsekama Eniapom Neten, nietnek lhema qaselha kakpota eniangkok apto la apkeltaikama apvesai'a m'a.

Romanos 10:18

¿Ma nlho ellengai'a niekhe ania'a, he? Mma', apkellengai'a niekhe have niapak ankek aplhamakho apankavek ania'a, ka aktemo nak aktalhesammalhka Vakkahak Eniapom Neten apaivoma hengke'e: «Ka apkelpaqmetekama nak apkelleltennasemmap ania'a ntepkek lhamakho eiempek, kanhan aktakha nnelha nkek lhepop ngvakmek ania'a m'a»

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

Romanos 16:26

Kolhva koka aplekvakhe', hengelvetaskaskek nahan, nlheianmek nak nane mota Vakkahak apkeleltennasemmap ania'a annenga apanko'ok ma'a. ¡Hai! Eniapom Neten apto menietsepmak aplekvakhek kolhva hengelvetaskaske alhnakho nkoie apmahai'akha lhta etnehek kakpota eleliehekhok, meliaskamek nahan enenlhet'avok lhmankek ham.

Romanos 3:4

ngkanek have apmopvana ania'a, have aptonak enenlhet, Eniapom neten koka aplheianma mota iokhalhmek anke', ka aktemo nak na aktalhesammalhka Vakkahak Eniapom Neten apaivoma: «Aplhamakho enenlhet hata eliohok aptema la iokhalhmek aplheianma lheiap, no la akiantemakho napaqtek hengiekpelkemo, eiephongvomhok hata lheiap ma'a» lhna ntemak ma'a.

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

Romanos 9:5

Apkellelto nhan aptavana'ak neptamen nelieihengka'a judios aptaiangko lhnak nanek neten apankavek, Cristo nhan apto aptavana'ak neptamen ma'a, apnemo nhan Eniapom Neten, aptek apveske takhalhet'ok qaselha lhma nkek ham. Hai', ntasek ankek aniavenkaskesama mota apvesai'a m'a. Amen.

1 Corintios 15:47

Hai, apmanie lhnak nanek nema alanai'a enenlhet apanke apkeniemai'o m'a nalhepop, netamen na enenlhet apkeniemai'o nhan ma'a neten.

1 Corintios 2:7

Asketlhekmoskek ko'o asiangveiakmo aniem'o Eniapom Neten, nenianveiakmo nak malha lhnak nanek akposemmalhka ntemak tep nak nanek, amanie nema alentepkeskama qaselha lhmankek ham kakpota alhaiek hengeltemeskesek hata neten engankavek ennengko'o.

2 Corintios 1:19

Ennengko'o Silvano, Timoteo kakpota nhan ko'o have nentaiangkolha alpengkammalhka atlheianma engelvalho'ok, nelieplavkaskek ennengko'o aptemakha lhta mota Eniapom Neten, metka aptema hai, nlho ka la mma'. Vanlha aptema hai' ma'a aplheianmo mota aptemakha Apketka Jesucristo.

Galatas 2:8

Eniapom neten koka aptemeskeskama apkapaskamo mota Pedro kakpota etlhekmoksek apieseksek ma'a nema nak aliaqtemenkeskama nekhatko'ok apkellammelhakha, heiapaskamo nhan ko'o m'a atlhekmoksek metnangko nak judios.

Galatas 4:4

Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.

Efesios 1:9

kakpota angeliangvomhok ma'a apeneskamo lhnak nanek apmak'akha ta etnek aniem'o apiamolhma hengellanei'o, malha aposkama la qaselha apmahai'akha etneskesek apkelanei'o Cristo.

Efesios 6:19

Ko'o nhan helelmalhneskes kakpota heiangkok aspaioma Eniapom Neten asmopvana apaiaksek ania'a aktaqmanma akielhammalhka apeneskamo lhta apaivoma m'a, akieplomo asteniai'o eiempek, metka askai'a nhan aspaieskama ania'a aktaqmanma.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.

Colosenses 1:6

akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.

Colosenses 2:2

Avanhek na asteniai'o eiempehek askeliatekhoho aplhamakho m'a askeltemo etlhengkesek apkelpasmommakpo, ellasekhakpoho kakpota nkovak akiokho nkek apkeliekpelkangveiam kanhan apkeliangveiakmo qaselha akielhammalhka nak apeneskamo lhnak nanek Eniapom Neten aplheianmo lhnak nanek eniapaksek Cristo,

2 Tesalonicenses 1:10

Nkotalhkak hata m'a apvaktamo ta Apveske kakpota ellahok ma'a, nkoliemaksek hata nhan apvalho'ok apkelpokkanma apkeliekieskama lhta, apkellelto nhan meliaskeiam ma'a. Hai, ketlhengkap nahan apkellelto napokha apkennemolhema Apveske ngkanek meliaskeiam alhta nenlheianma mota apvesai'a m'a.

2 Tesalonicenses 2:7

Nkenavek apeneskamo apkellanekha aptakha ngkolatsekama akielhammalhka m'a, vanlha koka aimelhko m'a nema aklekkeskama la nema akmangvai'a m'a,

1 Timoteo 3:9

Ntasek na eleliehekhok ania'a aktaqmanma apkelvetaskeskama lhta Eniapom neten aktemakha mongiaskeiam, ntasek na nkolietnama apaqto'ok alhnai'oho.

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 7:7

Nengeliavek na ennengko'o m'a apto la apkaikamok apaivoma aktaqmanma po'ok, apto nhan neten apankek ma'a, melhnok ma'a apto la aplhevai'a nema akpaivoma aktaqmanma.

Hebreos 8:1

Nlhaniek ankek qaselha asketlhekmoskama, koka akto neten akiaspommalhka m'a aptemakha apiav'akha nak sacerdote engankok apto nhan neten apankek apiaspommap ma'a. Ka nkeniemai'ak apnekho m'a neten akieto Eniapom Neten akiennakha apoktong apnakha aptanema apveske.

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!

1 Pedro 1:20

Tep nak nek Eniapom Neten apeneskamo aklhenaikama apvalhok eniapaksek hata Cristo, mellaneiakha lhnak lhamakho qaselha lhmankek ham, koka nenvanlha nak apvai'ak ma'a kakpota hengeltaqmelkeskesek nellaniemhaikama, ketsek na nkaimelhkak aknem aktemakha ta nnelha.

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

1 Pedro 3:22

apmeiekho lhta neten, apnekho akiennakha apoktong Eniapom Neten, aptemengvekho nhan apveske apieseksek ángeles kanhan enghangok aknema anmovanka'a, alientalhnemo nhan ma'a.

1 Juan 1:2

Koka akiennaktema nak enneniek mangkotnengvaiam annelha nnengkek nak nanek lhemek Eniapom, netamen na akvai'o hengke'e nenieseksa ennengko'o, nelvetai'a lhta akiokha nkek ma'a ka netlheianmo mota aktemakha m'a.

1 Juan 3:5

Apkeliavek ketlhengkap Jesucristo apvai'o lhta hengke'e kakpota hengel·hatsoskasangkok ngkollatsekama malha nelpatmekama ennengko'o, kanhan mamma nke lhta apkelanai'a la ngkollatsekama m'a.

1 Juan 3:8

Koka apto la enenlhet apkelanai'a mota ngkolatsekama, aniem'o nhan aveske keliaqhameio m'a, vanlha mota alanai'a ngkolatsekama m'a ampai'o lhnak nanek tep nak nanek alanemmalhko sekha lhmankek ham. Ka nkeniemai'ak apvai'o nhan Eniapom Neten Apketka kakpota etvaskesek na aktemakha alanai'a mota lhamakho qaselha ngkolatsekama m'a.

Apocalipsis 17:5

Nietne lhta nhan aktalhesammalhka akpaihakha na'at akvesai'a mammopvana anioho, lhta ntak alqama hengke'e: "Akiavai'a nkek Babilonia ngkana'ak nan ma'a ngkelvana'ak allanaktema kakpota nhan qaselha ngkollatsekama nkek", lhta ntak aktalhesammalhka akpaihakha na'at ma'a.

Apocalipsis 17:7

Koka lhta aptak heiano ángel: —¿Se lha ntak akteiakmo nak apvalhok lheiap ke, he? Kolhva koka asmak'ak alpeiveskasekhak lheiap aktemakha akietkesammalhka ngkelvana nak kakpota nhan kaselha nevhak lhek nengai'o anantema, 7 apqatko'ok kakpota nhan 10 nkapet'ok.

Apocalipsis 7:9

Netamen na m'a asvet'o lhta apentalhnema apanke enenlhet lhmankek ham, lhamakho aptemakha apkellavakha, aknema apkelpasmekha apketkak neptamen, natemma kanhan lhamakho aktemakha apkelpaqmeiasma. Aplhanie panke lhta enenlhet ma'a, mammopvana angelietsete lhta m'a, apkelanvakhe lhta m'a akieto naqtek aptanema apveske kanhan napaqtek Nepkesek Apketkok. Apkenmopai'a panke lhta nhan apkelentalhnema, kakpota nhan ietapa'ang apva'a apmeio'ok.