1 Timoteo 3:11 - Nuevo Testamento Toba Maskoy

¹¹ Nnavek na ngkelvana'ak la nkaimelhkek ngkolhek allak'o apieseksek enenlhet'avok, have nkotnangkok almalengioikama nkotlhenek mo'ok aktemakha, nkoliohok na nkonnavaksek aktemakha ngkollatsekama av'alho'ok, nkoliohok na nkollanangkok lhamakho qaselha altaqmelo.

1 Timoteo 3:11 ပူးပေါင်းရင်းမြစ်များ

Juan 6:70

Koka lhta aptak Jesús: —Ko'o lhta askeliekieskama 12 nak ketlhengkap, koka apnek lhema apieseksek malha aveske keliaqhameio —lhta aptak Jesús ma'a.

Romanos 1:29

Nkellaneiangkek apvalho'ok nkolietemo, ngkollatsekama, apkeliaspekamok qaselhaha, apkeliasepkeskama po'ok, alietnema apkeliemongke lhma', apkennapommap po'ok, apnaqtevaskamo po'ok, apkeliaskemaikamaha.

1 Timoteo 1:12

Gracias ko'o astemak Cristo Jesús apveske engankok aklheianmo apvalhok angvapvanak hata ko'o altennama ania'a aktaqmanma, heiaiangko nhan asiennaktema m'a.

1 Timoteo 3:2

Ntasek etnek aktaqmanma aptemakha aplhengkeskama kakpota mankollapvankek enenlhet etlhenek apvesai'a m'a, vanlha nhan ntasek etnek lhema aptava, ntasek na eniapvanak enavaksek apvalhok apankek la'a, nkaimelhkek na nkolhenek apvalhok amanie apmak'akha la etnehek, etaqmelkasakpok nahan, emok na takha amaika'a la'a akieplomo akpaihekha apvalhok, apmopvana nhan etlhekmoksek po'ok.

1 Timoteo 6:2

Moklhem'a koka apkakhangkek apkelveskai'e apanko'ok apkellelto Jesucristo apkennemolhema m'a, motlhenankek na apvalho'ok apkenmakmesangka la'a ntasek meteniankek apiempeiok ngkanek malha apkelialheng'a apankavek. ¡Ma'! Ntasek eteniangkok apiempeiok neksa apkenmakmesaikama m'a aniem'o aknemo mo'ok meliaskeiam ketlhengkap ma'a, malha apkelto nak apkelialheng'a apankavek apkellamelammakpo la'a. Askeltavek ko'o etnek lheiap apketlhekmoso ta hengke'e,

2 Timoteo 3:3

Mellamelemmek, melietnahek hata nhan napaqta'ak po'ok, elpaiesama ta nhan apvesai'a po'ok, menmangvomek hata nhan apvalho'ok aliatekamok ngkollatsekama ellanangkok, meliamolhma apankavek hata etnangkok ma'a enenlhet'avok anak, apkellammelhma lhamakho aptemakha qaselha altaqmelo.

2 Timoteo 4:5

Koka lheiap etne ta apmopvana emankok apvalhok apvet'o la lhamakho qaselha ngkolatsekama, evaskap hata nhan neksa akvai'a akientalhnema, etne ta mota aptema evangelista lheiap, elana ta mota nhan aktaqmelo apkasennaikama Eniapom Neten.

Tito 2:3

Kanhan nkotnotko'ok anak ntasek nkoltaqmelkasalhkoho', metka alpaiesaikama ania'a akvesai'a mo'ok la'a, metka nhan akmaikama nkok anmen. Ntasek koka nkotlhekmosangkok aplhamakho kakpota nkollanangkok qaselha altaqmelo,

Tito 3:2

Ellana ta nhan lheiap melentepkasama apkelvesai'a po'ok ma'a, eteniangkok na metka akmaska, etnangkok na apkeliamolhma kanhan nalhep'avek apvalho'ok napaqtavek aplhamakho enenlhet'avok.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.