1 Timoteo 3:1 - Nuevo Testamento Toba Maskoy

¹ Alhenek hata ko'o iokhalhmek ankek, ntasek ankek etnek enenlhet apmak'o la etnek apkemhama apmanie apieseksek meliaskeiam.

1 Timoteo 3:1 ပူးပေါင်းရင်းမြစ်များ

Lucas 15:10

Nnavek na m'a ángeles apkellapaskama Eniapom Neten nkolpaihekhak hata apvalho'ok apiaqmongkasakho la mo'ok apvalhok lhema enenlhet apkelanai'a ngkollatsekama —lhna aptemak Jesús.

Hechos 1:20

Lhnak na nek na ntemak aktalhesammalhka vakkahak Salmos alientemommalhko aklheianma m'a: «Etnekhak hata metka temma av'alhok pa'at apankok, mamma ta enenlhet elhek ma'a» «Po'ok enenlhet hato ka eiaqmongkesek apmakmeiangkolha m'a» lhna ntemak vakkahak aktalhesammalhka.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Romanos 11:13

¡Ellailho no ketlhengkap metnangko judios! Ko'o asto heiapaskama Eniapom Neten kakpota apaiaksek ania'a aktaqmanma apieseksek ketlhengkap, avanhek ankek askai'o asmakmekama nak.

Efesios 4:12

Apketsavheskeskakme lhta nhan apkeliangveskeskaiakmo m'a apkellelto apkelpokkenammap kakpota etnangkok apkellasennaikama, kakpota enmakmesama elvanengkeskesek malha apiokha m'a Cristo,

Filipenses 1:1

Ko'o Pablo kakpota nhan Timoteo, nengelelto hengellasennaikama Jesucristo, nketlhenkek engelvalho'ok apkellelto apkelpokkenammap apkakhangko ham akieto natemma Filipos, apkellelto apkelpasmekha Cristo Jesús. Ka nhan nketlhenak na engelvalho'ok ennengko'o apkelemhama apmaniaie ham kakpota nhan diaconos.

1 Tesalonicenses 5:14

Elialheng'a, nengellapiosavek ennengko'o ketlhengkap neleltemo ennavaksek apkellelto la menmakmekama ham, eliatekho ta nhan ma'a apkellelto nak anmaiosak'a apvalho'ok, elpasem hata nhan meliennaktema nak, kakpota nhan etnangkok metka apkelpekhesammap apieseksek anak ham.

1 Timoteo 1:15

Kolhva smak'ak alhenek nkelietavek enmangkok takha aspaioma meliaskamek na aplhamakho ketlhengkap, apvai'o lhta Cristo Jesús nalhepop anak kakpota elvongkesek tep enenlhet'avok meleliehekho apkellaskamakha Eniapom Neten, ko'o nhan asto m'a neten ehenkek moliehekho, molhnok aplhamakho enenlhet'avok.

1 Timoteo 4:9

have niapak ankek astakha lhkek alheianma, nkelietave mangheliaskamek aplhamakho ketlhengkap.

2 Timoteo 2:11

Have niapak ankek asmak'akha nak atnek aspaioma, ka neletsepo la lheme Cristo, angelloka ta nhan lhemek ma'a.

Tito 1:7

Hai, lhema apkemhama apmanie la'a nkaimelhkek etnek metka la aplhenammap ngkanek Eniapom Neten aptemeskeskama m'a kakpota ellanama takhaplhet'ok apkellelto nak Jesucristo apkennemolhema, metnek apkammakpoho, metka aploma, metka nhan akieihama lhma, metka apkennapommap, metka nhan apielhammakpo elkangkok patakkom apteniai'a la akianmoma apmakmekama.

Tito 3:8

Hai', have niapak ankek astemakha na mota asketlhekmoskamo lheiap, eltakhengveskakha ta mota m'a napaqtavek aplhamakho Jesucristo apkennemolhema kakpota eteniangko mota ellanangkok qaselha altaqmelo m'a. Hai', ntasek ma'a hengetlhekmoskama nak, avankek nkolpasmok aplhamakho enenlhet'avok.

Hebreos 12:15

Elienlhanmamok hata nhan apkenmaikamok qaselha altaqmanma nke' metka akianmoma aniem'o Eniapom Neten kakpota metnangkek ma'a malha aktonak panaktema aikapmen'ok anak akmaska aktevaskama nak enenlhet, akmovana nhan nkovak ma'a.

1 Pedro 2:25

Apkellomaka lhta ketlhengkap malha nepkesek apketlheneiam la'a, kolhva koka apkelelpengkammakpek akieto m'a apnakha apkelanekama nepkesek apto aptaqmelkeskama m'a.

1 Pedro 4:15

Moklhem'a enenlhet nnek akmenlhenangka aniem'o aptaikamok ntekioma niapma'ak, apkenmenielhma, meliamolhma kakpota nhan apkellapsongkeskaiam apkakhaikamok po'ok. Metnamo nkek ketlhengkap aptaiangkolha nak ma'a.

1 Pedro 5:2

Asmak'ak allangkok lhema aspaioma, eltaqmelkes hata enenlhet'avok apkeltemo lhta Eniapom Neten ellanamaha, malha la nepkesek ma'a. Eltaqmelkes hata nhan anmahai'o nkek apvalho'ok, have m'a kno la aliatengko ellanhok qaselha, have nhan akno la akianmoma patakkom, etnamok koka alleklemo nkek apvalho'ok.