1 Timoteo 2:8 - Nuevo Testamento Toba Maskoy

⁸ Ka ngkanek ko'o askeltavek elelmalhnangkok Eniapom Neten aplhamakho apkelennava'ak akietnakha la apkaqnekhelha, akieplomo apkeliasekha neten apmeio'ok alalhnai'o, akieplomo nhan alalhnai'o apvalho'ok, metka nhan apkelloma kakpota nhan metka apkeliamenammap po'ok.

1 Timoteo 2:8 ပူးပေါင်းရင်းမြစ်များ

Lucas 23:34

Koka lhnak aptemak Jesús: —Tata, nkotnama ta nkek ma'a ngkanek meliohok aptangkolha helanei'o —lhna aptemak. Netamen soldados apnaqtevaseiangko lhnak lhema nennaqtevaskama nenietemo kakpota esakhak lhema apto la apnaksepma nennaqtevaskama aptalhnema Jesús ma'a.

Lucas 24:50

Ka apkelentepkeskamo lhnak Jesús apkeltamesaikamok na temma nak, aplaqlekho lhnak natemma Betania, apkeliasekho lhnak neten apmeiok apkeltemo nkoltaqmelek apkellangiemhaikama m'a.

Juan 4:21

Ka apkatemmoiangka lhna lhta Jesús ma'a: —Nkanketakmek aknem menmeiakhek hata metaimong akhaiam anak kanhan Jerusalen apkenmahai'a ellasennama Eniapom, have niapak ankek astakha nak.

Hechos 10:2

Apiamolhma lhnak ma'a, apkai'o lhnak na Eniapom neten ma'a akvekho apkennemolhema apketkak. Apkellaiangko nha mota patakkom apankok apkelpasmomo Judios, apkenmalhnonkoma mota nhan Eniapom Neten.

Hechos 10:31

lhta aptak heiano: "Cornelio, apneng'ak lheiap apkenmalhnonkoma Eniapom Neten, apvet'ak na apkelpasmoma metka nak apkeletsekama.

Hechos 10:4

Mang nak enieskamak apkelanei'o Cornelio ángel, apkai'ak nak ma'a, ka apkenmalhneiangka lhnak ma'a, lhna aptemak: —¿Se ptenio ie Apveske? —lhna aptemak. Koka lhna aptemak mokhom ángel: —Apkailhave mota apkenmalhnonkoma Eniapom Neten lheiap, apketsevasavek na apkelpasmomo lheiap enenlhet anak metka apkeletsekama.

Hechos 21:5

Ka akvakmo lhta 7 aknem ma'a, nenmak'o lhta angetlhong mokhom, nelelto lhta nhan netlhelhma'ak aplhamakho meliaskeiam, apnaqteiangka'a nhan, kakpota nhan apketkak akieto iokhalhma apkellavakha nak ma'a nekha alvata. Nelelteklhengko lhta nhan entapno'ok nalhepop ma'a, nelelmalhno lhta Eniapom Neten ma'a.

Hechos 7:60

Ka apkelteklheklhemo lhnak aptapno'ok nalhepop Esteban ma'a, lhna aptemak apiennakteskamo apaivoma: —Apveske, etneskesama ta apankek lheiap henaqtevaskama hellanei'o enenlhet'avok anak —lhnak aptemak. Ka apketsepmo lhnak ma'a.

1 Corintios 1:2

Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 7:7

Askeltavek niekhe elieplavkesek astemakha nak ko'o, moklhem'a koka nietnak mok aktemakha apkenmopvanka'a apkelanei'o qaselha aniem'o Eniapom Neten.

2 Corintios 2:14

Hai, gracias stak ko Eniapom Neten ngkanek hengeltemeskeskama hengeliephongveskaiakmo mota aniem'o nhan nelpasmekha Cristo, hengenmaiangka nhan kakpota angelpaiaksek ania'a aktaqmanma aplhenammap Cristo lhmankek ham. Ennengko'o nengelelto napaqtek Eniapom Neten malha aktonak akmases aimes la nentekhanma, akpaihekha lhmankek ham apieseksek apkellelto ta apkelvonkasemmap tep, apieseksek na apkellelto melvongkasemmap hata tep.

Filipenses 1:12

Ketlhengkap elialheng'a, smak'ak aleltennaksek kolhvave nak ma lhta ngkolatsekama nkek ko'o askaniemhaikama, nkaqhok koka ngkolatsekama nak malha heihengekamok ntemak ma'a aspaieskamo ania'a aktaqmanma.

1 Tesalonicenses 1:8

Apkelpaieske lhta nhan ania'a aktaqmanma ketlhengkap ma'a akieto Macedonia kanhan Acaya, lhamakho aiempek nnek alioho ketlhengkap akietnema meliaskeiam Eniapom Neten, mangkaimelhkak ennengko'o angetlhenama apkelvesai'a ketlhengkap ma'a.

1 Timoteo 5:14

Askeltavek ko'o atko'ok la lhentampak'a nkoliemhapekhak mokhom, nkolvetekhak atkak, nkollavanak na nkoltaqmelkesek nahan, netamen nkotno emmo'ok mankoimatkesama ta m'a lhentampak'a nak,

Tito 3:8

Hai', have niapak ankek astemakha na mota asketlhekmoskamo lheiap, eltakhengveskakha ta mota m'a napaqtavek aplhamakho Jesucristo apkennemolhema kakpota eteniangko mota ellanangkok qaselha altaqmelo m'a. Hai', ntasek ma'a hengetlhekmoskama nak, avankek nkolpasmok aplhamakho enenlhet'avok.

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Santiago 4:8

¡Elteteskakho ta Eniapom Neten, netamen elteteskatak hata nhan ketlhengkap ma'a! ¡Elieniesamo ta nhan apmeio'ok, malha alpaisengkeskama ngkollatsekama apkellanekamok ketlhengkap! ¡Elalhnasekha ta nhan apvalho'ok ketlhengkap hanet anak apvalho'ok!

1 Pedro 3:7

Ketlhengkap apkelennava'ak, eltaqmelkaso ta mota apkellanei'o apnaqteiangka'a neksa aliepetkaikamaha, meliennaho, ellaho ta nhan ngkanek nalhep'avek av'alho'ok ma'a, nkotlhevangkok hata lhemek ketlhengkap qaselha altaqmelo metka akianmoma akvesai'a nenganiemhaikama ta m'a. Koka meltaqmelkaso la apkellanei'o ketlhengkap ma'a, meniailhek hata Eniapom Neten apkelelmalhnongkoma.