1 Timoteo 2:5 - Nuevo Testamento Toba Maskoy

⁵ Vanlha lhema aphapak Eniapom Neten, vanlha nhan lhema aphapak hengeliepetkaskekha Eniapom Neten, apvesai'a m'a Jesucristo aptaiekho lhta nhan enenlhet apankek ma'a,

1 Timoteo 2:5 ပူးပေါင်းရင်းမြစ်များ

Lucas 14:22

Ka apmeiekho lhnak nema annengkasekama m'a, aplaqlosengvekho lhnak enenlhet'avok ma'a, ka aptaqhemo neptamen, lhnak aptemak: "Apveske askelan'ak apkeltakha lhkek alana', avanhek lhma mokhom aplhamo la enenlhet", lhna aptemak.

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Hechos 4:12

Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.

Romanos 1:3

Ka ania'a aktaqmanma nak aplhenammap ma'a apketka Jesucristo, apto nhan Apveske enganko'ok, aptaiekho lhnak enenlhet apankek ma'a, apto nhan aptaven neptamen apveske David annenga. Apketsepke lhta m'a Jesucristo, netamen aplhatekhaskeiakmo aniem'o apmopvana Espíritu Santo. Apkelpeivesekho lhta nhan ma'a enenlhet'avok apto have niapak anke Eniapom neten apketka m'a.

Romanos 10:12

Koka aplhamakho enenlhet'avok ma'a judios kakpota nhan griegos, apnavek po'ok napaqtek Eniapom Neten, apto Apveske takhaplhet'ok enenlhet'avok lhmankek ham. Nema apketsekama Eniapom Neten, nietnek lhema qaselha kakpota eniangkok apto la apkeltaikama apvesai'a m'a.

1 Corintios 8:4

Ka aktemakha nak meleltammakpelha nak nlho ka la nhan ntase etavangkok apnaqtoskama apkennapekamok apkellaikamok anak qaselha akiokha alanemmalhka, neliavek ennengko'o qaselha akiokha nak mamma aniemhaikama m'a, mankolhenek nahan. Vanlha koka lhema aphapak apto Apveske, Eniapom Neten apvesai'a m'a.

1 Corintios 8:6

Koka neliavek ennengko'o vanlha lhema aphapak Eniapom Neten, apto nhan apkelentepkeskama lhamakho qaselha alhma nkek ham, nelloka nhan ennengko'o aniem'o apmopvana m'a. Neliavek na apnek lhema Apveske engankok apvesai'a Jesucristo, apto apmaikama Eniapom Neten apkellanei'o lhamakho qaselha alhma nkek ham, ennengko'o nhan,

Galatas 3:20

Koka Eniapom Neten apiokho pankek apkeltennaskamo Abraham lhema apaivoma, mang nanek eniapaskama apkennengkasekama m'a.

Efesios 4:6

Apnek na vanlha lhema Eniapom Neten apto apkeliapom aplhamakho enenlhet'avok, apto nhan apkemhama apmanie takhaplhet'ok aplhamakho enenlhet'avok, apmakmema nhan aniem'o hengenmaikama nenlhamakho ennengko'o, henloka nhan lhemek engelvalho'ok anak.

1 Timoteo 6:13

Koka kolhvave nak napaqtek Eniapom Neten apto apkellaikamok aliennaktema lhamakho qaselha lhmankek ham, kanhan napaqtek Jesucristo apto apvetaskeskamo lhta napaqtek Pilato metka apkelanai'a ngkolatsekama, apvetaskeskaiakmo lhta nhan aktaqmelo hengetlhekmoskama aktemakha mongiaskeiam anak,

Hebreos 12:24

Apkelteteskekhek na ketlhengkap ma'a Jesús apto lhta hengetsantengkeskama alhnankok annemo mo'ok apvalho'ok apkenmahai'akha etnangkok. Apkenmaiangkek na takha ema apankok ma'a akto alalhnaskama engelvalho'ok ma'a, ka ema nak akteniaikama mota altakmelkeskama nellaniemhaikama, have m'a aktemo lhnak nanek ema apankok Abel.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

Hebreos 8:6

Koka neten ankek aktaqmanma m'a aktemakha apmakmekama sacerdote Jesús aplhevai'a, melhnok ma'a sacerdote nenvanlha nak. Apsoiakmo songke alhnankok annemo mo'ok apvalho'ok apkenmahai'akha etnangkok ntasek ankek ma'a mangkolhnok lhennenga. Apsoiakmo nhan alhnankok apeneskamo aplheianma Eniapom Neten, neten ankek aktaqmanma mangkolhnok na m'a lhennenga.

Hebreos 9:15

Hai, nietnek ennengko'o alhnankok annemo mo'ok engvalho'ok nemmahai'akha antangkok aniem'o Cristo. Apketsepme lhtoka m'a kakpota envanka'ak ngkolhek hengelpaqnenkasakho qaselha ngkolatsekama nellanekamo mota neksa nellaniemhaikama akietnema amanie nkek annemo mo'ok apvalho'ok lhnak nanek apkenmahai'akha etnangkok ma'a. Kolhva koka nengelelto nak nellavommalhka envanka'ak hata angetlhevangkok qaselha mankonmaskengvaiam apeneskamo lhta apaivoma hengellangkok hata m'a.

1 Juan 2:1

Ketlhengkap eietkak apketko'ok, asnaktalheskaso nak vakkahak anak askeleltemakha etnangkok kakpota mellanankek qaselha ngkollatsekama, ka apkelan'o la ngkolatsekama lhema aphapak ham, apnek koka lhema apto Henmasmo niapom, Jesucristo apto nhan apeivomo m'a, enio ta mota m'a napaqtek Eniapom.

Apocalipsis 1:13

Aiseksek alhta asvetak ma'a malha enenlhet apketka la'a, aptalhnema lhtoka apvenaktema apvekho apmankok nepva'ak, aptetema lhtoka apiapnama akieto apneniek, alienmoma oro nke lhta m'a.