1 Timoteo 2:10 - Nuevo Testamento Toba Maskoy

¹⁰ Ntasek koka nkolienlhanmangkok nkollanangkok qaselha altaqmelo ka nkeleltammalhkak nkotnangkok ngkelvana'ak la allai'o Eniapom Neten.

1 Timoteo 2:10 ပူးပေါင်းရင်းမြစ်များ

Hechos 9:36

Nnengkek nak ma'a akieto na temma Jope lhema ngkelvana nema altameskama akvesai'a Tabita, nemaltema koka Dorcas griego apaivoma, vanlha lhnak alanai'a aktaqmanma kakpota nhan alpasmoma metka nak apkeletsekama.

Hechos 9:39

Apkelieplekhek nak Pedro m'a, ka apkelvekho lhnak ma'a akietnakha apak ngkelvana. Mang na ntek lhentampak'ak aliepqalhemo m'a, ka alvetaskeskamo lhnak Pedro ietamopai'a kakpota nhan apkelvenaktema ngkelvana'ak allentalhnema allanai'a lhnak Tabita neksa aktema alhnankok ma'a.

Efesios 2:10

Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

1 Timoteo 2:11

Ntasek na nkolvanmangkok neksa allailhemo la nema atlhekmosekamok la'a, nkonmangkok na takha.

1 Timoteo 2:9

Askeltavek na ngkelvana'ak nkolentalhnekha alentalhnema metka anmangkaskama la apkellelto la apkelvetai'a, nkonnatnekha nhan annatanma have aliekaskeiakmo, ntasek na mankoliekaskamhek alalhnaskama ava', metka nhan aliekaskeiakmo qaselha alienmomo oro kakpota nhan metaimong aktek altakmanma akmennave nke nak, metka nhan aliekaskeiakmo alentalhnema apmennave nak.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Tito 3:8

Hai', have niapak ankek astemakha na mota asketlhekmoskamo lheiap, eltakhengveskakha ta mota m'a napaqtavek aplhamakho Jesucristo apkennemolhema kakpota eteniangko mota ellanangkok qaselha altaqmelo m'a. Hai', ntasek ma'a hengetlhekmoskama nak, avankek nkolpasmok aplhamakho enenlhet'avok.

1 Pedro 2:12

Eltaqmelkasakpo ta neksa apkellaniemhangka nlho mokhom hengke'e apieseksek enenlhet'avok anak apkeliaskeiam Eniapom Neten, eliematkesama ta ketlhengkap ma'a eleltangkok meliamolhma, koka netamen ma'a elvetangvomok hata apkellanekamok qaselha altaqmelo ketlhengkap ma'a, eliavenkaskesama ta apvesai'a Eniapom Neten akvo'o ta aknem nemakha hengiekpelkemelha.

2 Pedro 3:11

Hai', lhamakho qaselha ta nkonaqtevasalhkak ma'a, ka ngkanek na ketlhengkap ntasek eltaqmelkasakpo mota, eleliehekhok na Eniapom Neten.

Apocalipsis 2:19

"Asiave ko'o lhamakho qaselha apkelanai'a lheiap, asiavek na mangheiaskeiam ko'o, heiamelaiam nahan, asiavek na nkanantaiangkek apmakmekama, mangkolhnok ma'a sekhek anke lhta, metka nnelha apmakmekama lheiap kakpota eltaqmelkeskesek apkellangiemhaikama po'ok.