1 Timoteo 1:9 - Nuevo Testamento Toba Maskoy

⁹ have akvai'a nkoliavak nkonnaveskak apkelpeivomo nak, koka ma'a meleliehekho nak, apkeliekai'a nak ley, meliamolhma nak kanhan apkellanekamo nak qaselha ngkollatsekama, apkellelto nak mellai'o Eniapom Neten kakpota nhan hengetlhekmoskama aktemakha apvesai'a, apkellelto nak apkennapma' apiapma'ak, ngkana'ak, apkellelto nhan ntekioma niapma'ak.

1 Timoteo 1:9 ပူးပေါင်းရင်းမြစ်များ

Romanos 1:30

Apketlheianma mota po'ok meihamolhma, apkellammelhma mota Eniapom Neten, apkellammakpoho, vanlha mota atlheianveiam alhma apvalho'ok ellanangkok qaselha ngkollatsekama, meleliehekhok na ngkana'ak.

Romanos 4:13

Apeneskamavek nak nanek lhema apaivoma Eniapom Neten apkeltennaskamo Abraham annenga, eniangkok hata m'a lhepop lhmankek ham, kakpota nhan aptavana'ak neptamen, ngkanek apeivomo Abraham aniem'o mei'askeiam, have aniem'o m'a apkeliehekho ley.

Romanos 5:20

Ka aktemakha lhnak nanek akvai'o ley Moises ma'a atlhenkeskekho apvalho'ok enenlhet meleliehekho apkellaskamakha Eniapom Neten, niaveiangkek nak nanoka meleliehekho m'a, koka neten ankek nak nanek na ntemak akiavekamok aktaqmanma apkellanei'o Eniapom Neten.

Romanos 6:14

Ka apkellanengko la m'a astakha lhkek alheianma, mmaskek anmangka ngkollatsekama, mmaskek na apkellava koneng ley, kolhva koka apkelloka koneng aktaqmanma nak hengellanei'o Eniapom Neten.

Galatas 3:19

Nlhevai'ak nak nanek ley, akmovana ngkoteskesek meliehekho enenlhet, malha niekhe nha ntema nnelha m'a apvai'o aptaven neptamen Abraham apeneskamo lhnak nanek aplheianma m'a. Ángeles nak nanek apkenmama takha ley, apkelletsavkeskamo m'a Moises, aptemo nhan Moises apketsavkeskamo ley enenlhet'avok ma'a.

Galatas 5:18

Koka apkellokha la ketlhengkap apkeleltennasekamok anak Espíritu, mmaskek anmangko ley ketlhengkap.

Galatas 5:21

Neniasepkeskama emmo'ok, nentema anmen ato', nenpasenvaiam enenlhet'avok meliamolhma apienaikamok, melleskama etavangkok aptekamok, nlhaniek ankek qaselha ngkollatsekama alleniem'o m'a aliaspongkomakha nak engelvalho'ok. ¡Ellaho ta ketlhengkap, metlhokiek hata m'a aptemakha nak apveske Eniapom Neten apto la enenlhet apkelanai'a m'a qaselha ngkollatsekama nak!

Galatas 5:23

metka nenientalhnesammalhko, nenmopvana annavaksek engvalhok ¡Mamma nhan ammelhma la ley lhamakho nak, akpasmekha koka!

2 Tesalonicenses 2:8

netamen eiephongvak hata m'a. Koka evatak hata nhan ma'a Apveske akieplomo apkapommatema, apvatepnapma ta nhan nkotvaksek ma'a, metka apiennaktema ta nhan etnek ma'a.

1 Timoteo 4:7

Meniailho nkek ania'a lhennenga nema atlheianveiam alhma ammelhma nak Eniapom Neten, aniem'o koka enenlhet apanko'ok apankavek ma'a, lheiap koka elana mota qaselha akpeivomo malha nhan aptak apkeleivesammap la'a.

1 Timoteo 6:20

Lheiap Timoteo, etaqmelkes hata nema aikamok anak apmakmekama, mepasengvoma nkek na ngkolatsekama la apkelpakmetkesammap, meniailhengvomho nhan mankoietemo nak apketlhekmosekamok apkeleltaiangko nak akvesai'a Nenianveiakmo akto Have niapak ankek ma'a,

2 Timoteo 2:16

Melhen koka ania'a ngkolatsekama la'a mankoleklemelha nak apvalhok Eniapom Neten, ngkanek apto la aplheianma m'a nkoiavangkok hata m'a meihamolhma.

2 Timoteo 3:2

Moklhem'a ta etnangkok apkenmeiavkesammakpo apankavek qaselha apanko'ok, vanlha ta nhan etnangkok nkeskama apteniaikamok patakkom apanko'ok, etnangkok hata nhan apkelammakpo, etlhenakpok hata nhan apankavek aptaikamok neten apankavek melhno po'ok. Eltaknevak hata nhan Eniapom Neten apvesai'a, mellahek hata nhan ngkana'ak, metnangkek hata nhan gracias ellanhok ma'a, eltaknevak hata nhan lhamakho qaselha alleniem'o Eniapom Neten.

Tito 1:10

Nkanek aplhaniek meleliehekho ka nkeniemai'ak ma'a apieseksek anak aknaikamok anak nema aliaqtemenkeskama nekhatko'ok apkellammelhakha, vanlha mota apkelpakmetekama aktaikama nkek, aptengiaikama mota eliennengkesek enenlhet'avok ma'a.

Tito 1:16

apketlhengke pankek apkeliangveiakmo aptemakha Eniapom Neten koka apkellanengke mota qaselha apkammelhmakha antek Eniapom neten ma'a, neten ankek meliamolhma m'a kanhan meleliehekhok, mankonmahai'a nha mota ellanangkok qaselha altaqmelo.

Tito 1:6

Lhema metno apketkok la'a nkaimelhkek etnek metka la aplhenammap, kanhan lhema apak aptava, kanhan apketkak nkotnangkok mankoliaskeiam Eniapom Neten, altakmelkasemmalhkoho kakpota nhan mankotnangkek mankoleliehekho'.

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.

Hebreos 11:31

Mang nak nanek na nkoi'askeiakmok ngkelvana alanaktema akteniai'a mota patakkom akvesai'a Rahab, lhnak nane nkeniemai'ak mankomatnek lhemek akpaivomo lhema meleliehekho m'a, akvongkasemmalhko nhan tep ngkanek anmamo lhnak nanek takha aktaqmanma apkellelto nema allapaskama ellanhok lhepop ma'a apkelleniem'o m'a Israelitas.

Hebreos 12:16

Mellanamo nkek apkellanaktema ketlhengkap, melvannamankek na aktemakha nak apkellaikamok Eniapom Neten, malha aptemakha lhnak nanek ma'a Esaú apiaqmongkasekho lhnak nanek aptoma aptema m'a apteiam apmanie'.

1 Pedro 2:7

Ka metaimong anak akto akmennave nkek napaqtavek ketlhengkap meliaskeiakmo nak, koka apkeliaskeiakmo nak ma'a ngkotnek hata apkelvetai'a aktemo nak aktalhesammalhka vakkahak Eniapom Neten apaivoma m'a, ka ntemak heng: «Ka metaimong alhta apkeltakheskamo apkellanekamok pa'at, ntakhek mokhom nema akmaikama aniem'o neten ankek aktaqmanma anmama m'a,

1 Pedro 3:20

aniem'o lhnak na nek mankoleliehekhok Eniapom Neten ma'a, neksa aploma lhnak nanek Noé. Mepekheskamo lhnak nanek na Eniapom Neten epenaksek loma nemmen akiavai'a m'a Noé, apkelvaiakmo lhnak nanek na tep 8 enenlhet apkelvaivekamok neksa akmamai'a akiavai'a.

1 Pedro 4:18

Nkotlhengkasama ta nhan melvongkasakpek tep apkellelto nak apkelpeivomo ¡Avanhek ankek hato ka nha ngkotnek apkellengaiangko apkellelto nak meliamolhma, kanhan apkellanekamo nak ngkollatsekama!

Judas 1:15

kakpota ellanhok aptemakha apkelanai'a aktaqmanma, ngkollatsekama aplhamakho enenlhet'avok, etlhenek apketselhnanemmap apkelelto nak apkellanekamok ngkollatsekama, apkeltaknongkongkek apvesai'a m'a», lhna ntemak akvetai'a apaqtek Enok ma'a.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.

Apocalipsis 22:15

Koka melentelhek hata m'a malha aptangko nak semheng, apkellelto nak na apkeliatmekama la apkeliolhma mellatsekama, apkenmensangveiam alhma, ntekioma niapma'ak, kanhan apkellelto nak apkelteklheikamok aptapno'ok naqtek qaselha akiokha alanemmalhka, alleklemo mota nhan apvalho'ok eliennengkesek po'ok.