1 Timoteo 1:5 - Nuevo Testamento Toba Maskoy

⁵ Askeltavek na ko'o ennavaksek enenlhet'avok lheiap ham kakpota eliaqmongkasekhak mo'ok aptaiangkolha, nkovak na apkellasekhai'o po'ok aniem'o alalhnai'o apvalho'ok, altaqmanma atlhenaikama apvalho'ok kanhan meliaskeiam iokhalhme.

1 Timoteo 1:5 ပူးပေါင်းရင်းမြစ်များ

Hechos 15:9

Nennavek ennengko'o m'a metnangko nak judios anak, apkellalhnaskaskek apvalho'ok Eniapom Neten ma'a apkellelto nak meliaskeiam, nnavek na ennengko'o m'a.

Hechos 23:1

Apkellanei'avek na lhta Pablo m'a apkelientalhnakha apkelveskaie m'a, lhna lhta aptemak: —Ketlhengkap eliepma'ak, mamma aktakha aklhenaikama evalhok napaqtek Eniapom Neten aniem'o asiamolhma —lhna lhta aptemak Pablo.

Hechos 24:16

Vanlha ko mota askelienlhaneiakmo alanak qaselha altaqmelo napaqtek Eniapom Neten, napaqtavek na enenlhet'avok kakpota mangkoitek malha henavesaikama evalhok alketamekama helhenkeskekha askelanai'a la ngkolatsekama.

Romanos 10:4

Aplheianmek nak nanek Moises aktemakha antek nempeivomo aniem'o ley, lhnak nanek aptemak: «Enenlhet apto la apkeliehekho ley anak, elloka ta mota aniem'o m'a ley anak», lhna aptemak ma'a. Koka ngvaiakme nnelha m'a apvai'o Cristo, kolhva koka apvanka'ak etnangkok apkelpeivomo meliaskakmo la m'a.

Romanos 12:9

Ellasekhakpo metka apkeliennengkeskama po'ok, eltakneva' qaselha ngkolatsekama, elelieplavkes koka mota ellanangkok qaselha altaqmelo.

Romanos 14:15

Ellailho no, ka apkellavkeskakmo la po'ok ketlhengkap aniem'o m'a aptekamok metoiangkolha nak apkellaskama, koka have akvesai'a nengasekhai'o emmo'ok ma'a ngkanek apkellasekhavek na Cristo m'a engelialheng'a nak, apketsepke lhta nhan apkeliaqmoiekha m'a. Metavamonkek na aptekamok napaqtavek ma'a kakpota nkoliasangko lhma ngkanek nkonnathaksek hata m'a, elvatesangkok hata nhan aptaikamok meliaskeiam.

Romanos 9:1

Have niapak ankek asmak'akha nak atnek alheianma, metka asmopvana ania'a ngkanek moi'askeiam Cristo, kanhan Espíritu Santo apmaikama mota aklhenaikama nak evalhok.

1 Corintios 13:1

Ka askapvanko la aliatama lhamakho aktemakha apkelpakmeiasma enenlhet'avok lhmankek ham kakpota nhan ángeles, koka mankoietnak ko'o askasekhai'o emo'ok, malha ta atnek ko'o m'a aktonak tava apak alleknaikamaha, nlho ka la nhan alleknaiekha nak ankok.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

1 Timoteo 1:18

Timoteo, malha eietka lheiap, ka askaikamok lhek aspaioma kakpota elanak lheiap ma'a aktemakha apketlheianmo lhta sekhek ankek ngkotnek hata apketsekama ania'a, kakpota ellammelhek lheiap ma'a apkellelto nak apkellammelhmakha mongiaskeiam.

1 Timoteo 1:19

Melvateskama nkek mei'askeiam, etaqmelkes hata nhan akietnaikama apaqtek alhnai'o nhan, melvanamo nkek aptaiangkolha nak ma'a enenlhet'avok meltaqmelkeskama nak alietnaikama apaqto'ok, netamen maskengvakmek na meliaskeiam ma'a.

1 Timoteo 3:9

Ntasek na eleliehekhok ania'a aktaqmanma apkelvetaskeskama lhta Eniapom neten aktemakha mongiaskeiam, ntasek na nkolietnama apaqto'ok alhnai'oho.

2 Timoteo 1:3

Astek ko mota gracias Eniapom Neten neksa askenmalhnongkoma aknem ankek, pelhasep nahan aklhenaikama mota nhan evalhok lheiap, askasennama nhan Eniapom Neten akieplomo alhnai'o akietnaikama ehaqtek, ka aptaiangkolha lhnak nanek na askelieihengka' m'a.

2 Timoteo 1:5

Nlheianvakhek na evalhok iokhalhme lhta mei'askeiam lheiap, amanie lhtoka lheiap apiama' Loida kanha ngken akvesai'a Eunice mankoliaskeiam alhta m'a, asiavek na ko'o lheiap nietnek mei'askeiam aktaiangkolha nak ma'a.

2 Timoteo 2:22

Koka enienieta lheiap neksa akvai'a apvalhok atsepma apneniek aniem'o apketkok, etenia toka mota akpeivomo qaselhaha, mangiaskeiam anak, nengasekhai'o nhan. Etne ta nhan metka akmaska apkelpasmakho la aplhamakho apkellelto nak apkellasennaikama Apveske akieplomo nhan alalhnai'o apvalho'ok.

Tito 1:15

Apkellelto la alalhnai'o apvalho'ok nkelvetalhkek na lhamakho qaselha alalhnai'o apkellanai'a m'a, koka apkellelto la alpaiseiam apvalho'ok mankonmak'ak enmankok takha mongiaskeiam anak, nkelvetalhkek na lhamakho qaselha alpaiseiam ma'a ngkanek nkelpaisakmek alietnaikama apaqto'ok kanhan alianvekho apvalho'ok,

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 13:18

Hengellelmalhneskes hata nhan ennengko'o ham, kakpota hengelpasmo mota Eniapom Neten ngkanek alhnai'o akietnaikama engaqto'ok, vanlha mota nelienlhanmekamok angeltakmelkasalhko mota.

Hebreos 9:14

Koka akto neten ankek ma'a ema apankok anak Cristo, avanke nkollalhnaksek alietnaikama apaqto'ok qaselha ngkollatsekama apkellanekamok, akmahai'o lhta mota nkolaqlakhak akietemelha nengetsepmakha m'a. Hai, apmesemmakpe lhta panke Cristo aniem'o Espíritu metnenvaiam annelha, malha aktemo lhta aktekioma nennaqtoskama metka nhan apiakteikama la'a kakpota hengeltemeskesek nellasennaikama Eniapom Neten apto mangkotnengvaiam annelha apkaniemhaikama.

Santiago 4:8

¡Elteteskakho ta Eniapom Neten, netamen elteteskatak hata nhan ketlhengkap ma'a! ¡Elieniesamo ta nhan apmeio'ok, malha alpaisengkeskama ngkollatsekama apkellanekamok ketlhengkap! ¡Elalhnasekha ta nhan apvalho'ok ketlhengkap hanet anak apvalho'ok!

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Pedro 3:16

Eltaqmelkasakpo ta nhan kakpota nkoltaqmelkasok na alietnaikama apaqto'ok ketlhengkap, kakpota enmankangvomok apkellelto nak apkeliematkesaikama ketlhengkap neksa apkellanekamok qaselha altaqmelo.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,

1 Pedro 4:8

Ellasekhakpo ta mota apankavek apieseksek anak ketlhengkap, enenlhet apto la m'a apkasekhekho po'ok, melan'ok na aptakha po'ok aptevaskai'a la m'a.

1 Juan 3:10

¿Ko la aptemakha anioho' apto la Eniapom Neten apketka, kanhan atka la keliaqhameio aveske, he? Nkaimelhkek hata ellanama sekhe' apkellangiemhaikama m'a, ka melan'o la qaselha altaqmelo m'a, meniasekhek na enialheng, have Eniapom Neten apketka m'a.

1 Juan 3:23

Ka hengke'e apkanemakha nak antangkok Eniapom Neten: Mangeliaskamek apvesai'a Apketka Jesucristo, kakpota nhan angellasekhalhkok na nenieseksa nak ennengko'o ngkanek apkanemakha antangkok ma'a.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.