1 Timoteo 1:17 - Nuevo Testamento Toba Maskoy

¹⁷ ¡Ntasek angeltakneskasangkok, angellaho mota metka akvaiam annelha aliekaikamok iantelhkapa Eniapom Neten apto Apveske mangkotnengvaiam annelha, menietsepma nhan, mammopvana nhan angveta', vanlha nhan lhema aphapak Eniapom Neten! Amen.

1 Timoteo 1:17 ပူးပေါင်းရင်းမြစ်များ

Juan 5:44

Mankollapvankek nkolhnangkok meliaskeiam ketlhengkap ngkanek vanlha mota apteniaikamok eleltangko mota enenlhet apkeliamolhma ketlhengkap. Meteniaiangkok na apketlheianma la Eniapom Neten apto apveske vanlha lhema aphapak apanke etlhenek apkeliamolhma ketlhengkap ma'a.

Romanos 1:20

Mongapvankek koka angvetak Eniapom Neten kakpota nhan apmopvana nkotnengvaianlha nnelha, koka neksa alketamekama la apvalho'ok enenlhet aktemakha lhamakho qaselha apkelentepkeskama lhta m'a aniem'o apkelvetai'a, nkolpeivesekha apvalho'ok apnema have niapak ankek Eniapom Neten. Mankollapvankek na etlhenek meliamo Eniapom Neten,

Romanos 1:23

ngkanek apkelieniekhek Eniapom Neten apto aknema apmopvana mankotnengvaianlha nnelha. Apkeltakneskeskekho m'a qaselha apkellanekamok apankavek anata akiokha, kakpota nhan qaselha 4 ameiok anak, akiokha nhan allelto nak alpelhievaikama nalhepop.

Romanos 11:36

Nkanek Eniapom Neten apto apkellanai'a lhamakho qaselha lhmankek ham, apanko'ok apankavek ma'a, apkellaikamok na aliennaktema m'a qaselha lhta apkelentepkeskama kakpota nkollokaha. Hai', ntasek ma'a ngkolhek aktakneskasengko apvesai'a lhma nkek ham. Amen.

Romanos 16:27

¡Ntasek angeltakneskasangkok hata mota metka nnelha apvesai'a Eniapom Neten apto aknema apiamo, vanlha nhan apto lhema aphapak Apveske engankok aniem'o Jesucristo. Amen!

Romanos 2:10

Eniapom Neten hato ka etlhenama apkelvesai'a apkellelto nak apkellanekamok qaselha altaqmelo, eltemeskesek hata nhan apkelientalhnemo. Ngkolhek hata nhan allak'o, etlhevangkok hata nhan altaqmelaikama apvalho'ok apmaniaie' judios, netamen hata m'a metnangko nak judios,

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

Colosenses 1:15

Eniapom Neten apto mongvetai'a, koka apva'a lhta Cristo apnemo lhtoka nhan ma'a, apnengkek nak nanek apnakha m'a amanie apkelentepkeskama lhamakho qaselha lhmankek ham.

Hebreos 11:27

Mang nak nanek na ei'askeiakmok Moises ma'a, ka nkeniemai'ak apteiapmo m'a Egipto metka apkai'a elvok apiav'akha apveske. Apiennaktemo nhan ma'a neksa aplhengama aniem'o m'a malha apvetai'a apto mongvetai'o niekhe apasmomo lhnak nanek ma'a.

Hebreos 2:7

Apkelan'a lhta nhan lheiap enenlhet ketsek koneng apientalhnemo metlhok ángeles, koka apkaiangke lhta nhan apientalhenmo m'a, aknemo ai'o nhan.

1 Pedro 5:11

¡Ntasek hata etnek apveske Eniapom Neten mangkotnengvaiam annelha akieplomo apmopvana! Amen.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

1 Juan 4:12

Mamma enenlhet apvetai'o Eniapom Neten, koka nellasekhalhko la ennengko'o, eloka nhan nenieseksa ennengko'o, nkovenke pankok na hengasekhai'o m'a akvakmo aktakha nnelha akvanekamok.

Judas 1:25

Hai, angelvenkesama ta kolhvave nak emmanie ta nhan metka nnelha apto lhema phapak apveske, Eniapom Neten, hengvonkeskama tep nahan aniem'o Jesucristo. Apientalhnemo, apkapommatema apankek nahan, neten apankek, aknema apmopvana apankek na m'a. Amen.

Apocalipsis 15:3

Apkennekmasengke lhta nhan apkennekmaskamo lhnak nanek Moises apto apkasennaikama Eniapom neten, kanhan nennekmaskama apvesai'a Nepkesek Apketkok, ka ntemak hengke'e: —Aliavai'a nkek qaselha apkelanai'a lheiap, hempelapkeskama nhan, apto apveske vanlha lhema aphapak aknema apmopvana apanke lheiap Eniapom Neten, apkelan'a mota qaselha akpeivomo kakpota nhan akto akietemo nkoie lheiap apto apveske takhaplhet'ok aplhamakho apkellavakha.

Apocalipsis 17:14

Nkonnapalhkak hata akieplomo atlhelhma'ak ma'a Nepkesek Apketkok, koka koneng hata etneskasentak ma'a ngkanek apto Apveske neten apankek melhnok po'ok apveske la'a, Apiav'akha Apveske nhan neten apankek melhnok po'ok apiav'akha apveske. Etnangkok hata nhan apketlhelhma'ak apkellelto lhta apkellavommap anak, apkeliekiesammap nahan kanhan apkelleliehekho mota m'a —lhta aptak heiano ángel ma'a.

Apocalipsis 19:1

Netamen asleng'o lhta mokhom akiennoma lhma neten, malha lhta aptonak aplhamakma apankek la enenlhet'avok akiennaktema nkek ma'a, lhta aptangkok: —¡Aleluya! Angeliavenkaskesok apvesai'a apveske engankok, Eniapom Neten apto aknema apmopvana apanke, hengelvongkaskek tep, ietavek ellahok apvesai'a m'a

Apocalipsis 19:16

Apkaqlammap alhto ka m'a nietne lhta aptalhesammap ma'a alqama akieto aptepio'ok ma'a, lhta ntak: Apiav'akha Apveske neten apankek melhnok po'ok apiav'akha apveske. Apveske neten apankek melhnok po'ok apveske la'a, lhta ntak aktalhesammalhka m'a.

Apocalipsis 19:6

Asleng'o lhta nhan nkeskama apkelpaqmeiasma enenlhet'avok, malha lhta ntak akpaivoma nak aiempek iemmen aksepkanmakha la'a, malha lhta nha ntak apiennaktema la apkelhtenioma, lhta ntak: —¡Aleluya, ietavek angeliavenkaskesok apvesai'a Eniapom Neten apto vanlha lhema aphapak apmopvana apanke! Ngkanek nkenavek aptema apveske kolhvave nak.

Apocalipsis 7:12

—Amen, angeliavenkeskasama ta mota apvesai'a Eniapom Neten engankok, angeltangkok na apiavai'a apankek, apientalhnemo kanhan nema apiamo. Antangkok hata mota gracias, nengellai'o nhan, angeltangkok na nema apmopvana, apiennaktema nhan metka akvaiam annelha aliekaikamok iantelhkapa. Amen —lhta aptangkok ma'a ángeles.