1 Timoteo 1:15 - Nuevo Testamento Toba Maskoy

¹⁵ Kolhva smak'ak alhenek nkelietavek enmangkok takha aspaioma meliaskamek na aplhamakho ketlhengkap, apvai'o lhta Cristo Jesús nalhepop anak kakpota elvongkesek tep enenlhet'avok meleliehekho apkellaskamakha Eniapom Neten, ko'o nhan asto m'a neten ehenkek moliehekho, molhnok aplhamakho enenlhet'avok.

1 Timoteo 1:15 ပူးပေါင်းရင်းမြစ်များ

Marcos 2:17

Aplengai'avek nak Jesús ma'a, lhna aptemak: —Metka nak anmaska apiempeiok enenlhet meniaimekpok ponha niapom, vanlha koka anmaska apiempeiok anak koka apkaimekpok ponha niapom ma'a. Asvai'ak ko'o have asmahai'a allavama malha apkelpeivomo nak, vanlha koka asmahai'a allavama m'a enenlhet'avok anak apkellanekamo mota ngkollatsekama —lhna aptemak Jesús ma'a.

Lucas 15:2

Apkelvetai'ak nak fariseos ma'a kanha escribas, ka apkelmaleniosemmakpo lhnak mok apankavek ma'a, lhna aptaiangkok: —Apalhakvakme nak Jesús enenlhet anak apkellanekamok ngkollatsekama kanhan aptavokhek lheme —lhnak aptaiangkok ma'a.

Lucas 19:10

Apva'ak Enenlhet Apketka nak apkelketansema kanhan elvongkesek tep apkellelto nak apketlheneiam —lhna aptemak Jesús.

Lucas 5:32

Have ko'o asmahai'a alvenama apkelpeivomo nak, vanlha koka asmahai'a allavama m'a enenlhet apkellanekamok anak ngkollatsekama kakpota eliaqmongkasekhak mo'ok apvalho'ok —lhna aptemak Jesús.

Juan 1:12

Koka apkellelto lhta apkenmaikamok takha kakpota nhan meliaskeiam ma'a, aptaiangke lhta Eniapom Neten apketkak ma'a.

Juan 1:29

Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.

Juan 12:47

Asvai'o nak ko'o asmahai'a alvongkesek tep enenlhet'avok, have asmahai'a anaktevaksek meleliehekho la aspaioma.

Juan 3:36

Mang hata nkek eliaskakmok Apketka nak, ngkoitek hata aliennaktema apnenio'ok mankotnengvaianlha nnelha. Koka apkellelto la apkeliaskeiam ma'a, mangkolhek hata aliennaktema apnenio'ok, hato ka eliaqmongkaskesekhak apkeltemakha Eniapom Neten ma'a.

Hechos 11:1

Apkellengai'ak nak ania'a nema allapaskamo kakpota nhan apkelialheng'a apkakhaiangko m'a Judea, apkenmaikamok nhan takha Eniapom Neten apaivoma metnangko nak judios.

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Hechos 3:26

Hai, Eniapom Neten alhta aplhatekhaskakmok Apketka, apkapaske lhta nhan ma'a kakpota eltaqmelkeskesek apkellaniemhaikama apmaniaie koka ketlhengkap, kakpota elvatesangkok na qaselha ngkollatsekama apkellanekamok —lhna aptemak Pedro apkellanemo enenlhet'avok ma'a.

Romanos 11:14

Askeltavek ko'o aspaivomo lhema nak ennathama ketlhengkap, netamen hata nhan helketmok niekhe kakpota atlhekmoksek ankok apkelvonkasemmap tep ma'a.

Romanos 5:6

Mongeliennaktema lhta sekhe lhta ennengko'o, nkaqhok koka apketsepme lhta apankek Cristo henianmoma m'a.

1 Corintios 15:9

Hai, ko'o asto akmaselhte asiaspommalhka apieseksek anak ma'a nema allapaskamo nak, ngvannammalhkek evalhok atnek nema heiapaskamo ngkanek asmenlhenaikama lhta iglesia apankok Eniapom Neten.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

1 Timoteo 1:13

Niekhe lhennenga astaqnongkongke lhta apvesai'a m'a, asmenlhenaiangka lhta, askeltaknongkomo lhta nhan apkellelto apkellasennaikama apankok ma'a. Koka apiose lhta helanei'o Eniapom Neten ngkanek ma lhta nkoietnemak moi'askeiam anak, ma lhta nhan aihamok nkoietemo astemakha m'a.

1 Timoteo 1:19

Melvateskama nkek mei'askeiam, etaqmelkes hata nhan akietnaikama apaqtek alhnai'o nhan, melvanamo nkek aptaiangkolha nak ma'a enenlhet'avok meltaqmelkeskama nak alietnaikama apaqto'ok, netamen maskengvakmek na meliaskeiam ma'a.

1 Timoteo 3:1

Alhenek hata ko'o iokhalhmek ankek, ntasek ankek etnek enenlhet apmak'o la etnek apkemhama apmanie apieseksek meliaskeiam.

1 Timoteo 4:9

have niapak ankek astakha lhkek alheianma, nkelietave mangheliaskamek aplhamakho ketlhengkap.

1 Timoteo 6:13

Koka kolhvave nak napaqtek Eniapom Neten apto apkellaikamok aliennaktema lhamakho qaselha lhmankek ham, kanhan napaqtek Jesucristo apto apvetaskeskamo lhta napaqtek Pilato metka apkelanai'a ngkolatsekama, apvetaskeskaiakmo lhta nhan aktaqmelo hengetlhekmoskama aktemakha mongiaskeiam anak,

2 Timoteo 2:11

Have niapak ankek asmak'akha nak atnek aspaioma, ka neletsepo la lheme Cristo, angelloka ta nhan lhemek ma'a.

Tito 3:8

Hai', have niapak ankek astemakha na mota asketlhekmoskamo lheiap, eltakhengveskakha ta mota m'a napaqtavek aplhamakho Jesucristo apkennemolhema kakpota eteniangko mota ellanangkok qaselha altaqmelo m'a. Hai', ntasek ma'a hengetlhekmoskama nak, avankek nkolpasmok aplhamakho enenlhet'avok.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

1 Juan 3:5

Apkeliavek ketlhengkap Jesucristo apvai'o lhta hengke'e kakpota hengel·hatsoskasangkok ngkollatsekama malha nelpatmekama ennengko'o, kanhan mamma nke lhta apkelanai'a la ngkollatsekama m'a.

1 Juan 3:8

Koka apto la enenlhet apkelanai'a mota ngkolatsekama, aniem'o nhan aveske keliaqhameio m'a, vanlha mota alanai'a ngkolatsekama m'a ampai'o lhnak nanek tep nak nanek alanemmalhko sekha lhmankek ham. Ka nkeniemai'ak apvai'o nhan Eniapom Neten Apketka kakpota etvaskesek na aktemakha alanai'a mota lhamakho qaselha ngkolatsekama m'a.

1 Juan 5:11

Aplheianme lhta Eniapom Neten hengellaiangkok aliennaktema ennenio'ok mankotnengvaianlha nnelha aniem'o m'a apketka apanko ie'.

Apocalipsis 21:5

Koka apto lhta apnema aptanema apveske m'a, lhta aptak: —Askelan'ak ko'o alhnankok lhamakho qaselhaha —lhta aptak. Koka lhta aptak na mokhom heiano ko'o m'a: —Etalhes astakha nak aspaioma, akto have niapak ankek, nietavek mei'askamek lheiap —lhta aptak heiano m'a.

Apocalipsis 22:6

Koka lhta aptak heiano ángel ma'a: —Koka iokhalhmek ankek ma'a astakha lhkek alheianma, nietavek ankek na mei'askamek lheiap ma'a. Eniapom Neten apkamnoma alenteiapvekta apatno'ok apkeleltennaskamo ania'a apankok ma'a, apkapaskek na ángel apankok kakpota elvetaskesek apkellasennaikama akmak'akha ta ngkotnek kolhvave nak —lhta aptak heiano ángel.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.