1 Tesalonicenses 5:8 - Nuevo Testamento Toba Maskoy

⁸ ennengko'o koka nelloka mota aknem anko ie ka ngkanek ntasek montangkek malha hengelieihamalhma la'a, ntasek angelapkesek malha nelapkeskama la ennenio'ok alvesai'a m'a nengasekhai'o kanhan mongiaskeiam, angelletsavek hata nhan malha casco la'a akvesai'a nengel·halhanma angelvongkasalhkak hata tep.

1 Tesalonicenses 5:8 ပူးပေါင်းရင်းမြစ်များ

1 Corintios 13:13

Nietnek koka hanetolhem'a qaselha allelto mankonmaskengvaiam, ka kto nak alvesai'a mongiaskeiam, al·halhnekama engvalhok angvetak aktaqmanma kakpota nhan nengasekhai'o, koka aktema neten ankek ma'a nengasekhai'o nak.

2 Corintios 6:7

Apkeliavek na nelpaieskama ania'a akto have niapak anke kakpota nhan hengaikamok nenmopvanka'a aniem'o Eniapom Neten. Nelapkaselhkek, nelammelhkek hengellammelhmakha la'a malha akieplomo nenmaikama nennapommalhka nak anko'ok akvesai'a akpeivomo.

Galatas 5:5

Ennengko'o koka alel·halhnekama engelvalho'ok aniem'o Espíritu ngkolhek hata hengeltemeskaso nengelpeivomo aniem'o mongiaskeiam, have niapak ma'a.

Efesios 6:11

Elentalhnekha ta malha nennapommalhka nak ankok aniem'o Eniapom Neten kakpota eliennak neksa akvai'a alammelhma aveske keliaqhameio' akmahai'a nkoliennenkesek ma'a.

Efesios 6:23

Hai, ntase', avanhek askeltemo Eniapom Neten kakpota nhan Jesucristo evaivesentak altaqmelaikama envalhok anak, nengasekhai'o kakpota nhan moniaskeiam takhaplhet'ok engelialheng'a ham.

1 Tesalonicenses 5:5

Aplhamakho ketlhengkap apkelloka mota atsak'elha lhma aknem anke nak, have pelhasep anak apienakteskama na lhma.

2 Tesalonicenses 2:16

Jesucristo apto apveske engankok, Eniapom Neten apto eniapma'ak apto nhan hengellamelaiam, apkelpaieskaiam amota engelvalho'ok, hengellaiangko nhan aktaqmanma nkoie' alel·halhnekama engelvalho'ok qaselha nkovak hata.

Hebreos 6:19

Ka al·halhnekama engvalhok anak hentemeskaskek metka aktaikama engvalhok, malha aktonak tava apak akmaskeskama nak akievhekama loma nemmen la'a. Koka al·halhnekama engvalhok anak hengelentalhneksek hata m'a Eniapom Neten apnemakha akieto neten, tep ma'a ietamopai'a aphalhtemommap.

1 Pedro 1:13

Ka nkeniemai'ak na ntasek nkolketamangkok apvalho'ok aktaqmelo kakpota ellanangkok qaselha akpeivomo, mellankek na nkonmama aliaspongkomakha nak apvalho'ok, elel·halhnama nhan apvektanlha ta Jesucristo avanhek hata nkotnek apkeltakmelkeskeskama apkellaniemhaikama.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.