1 Tesalonicenses 5:6 - Nuevo Testamento Toba Maskoy

⁶ Melienmama nkek nahan malha aptaiangkolha nak ma'a po'ok enenlhet, ntasek koka etnangko mota malha apnaklhatekhai'a la'a, metka nhan alieihama lhma la'a.

1 Tesalonicenses 5:6 ပူးပေါင်းရင်းမြစ်များ

Marcos 13:37

Ka stakha nak askellano ketlhengkap kakpota nhan aplhamakho enenlhet'avok lhmankek ham ¡Elelketna mota! —lhna aptemak.

Lucas 12:37

Hata apvaktamo ta m'a, aktaqmelakho nke ta nkotnek apkellelto metka apnaqteianma aniem'o apkelel·halhnekama apveske apanko'ok. Ellavak hata nhan ma'a kakpota elpasengvomok aptavekha m'a, kakpota ellangkok na apanke aptekamok.

Lucas 12:39

Malha nha aktonak ma'a apiapma'ak anak nematkak, apioho la'a se lha hora evak apmenielhma apnemakha, el·halhnamaha kakpota meniangkek enmenielhkesek qaselha apanko'ok apnemakha.

Lucas 21:36

Ntasek elel·halhnama ketlhengkap, vanlha elelmalhnamo mota Eniapom Neten kakpota apvanka'ak enieniangkok aiseksek akientalhnema nak, kakpota elvakhak ma'a napaqtek Enenlhet Apketka nak —lhna aptemak Jesús apkellanemo apkeltamesaikamok.

Lucas 22:46

Lhnak aptemak Jesús: —Se lha akto apnakteno nak ke, enaklhatakha, elelmalhna nhan kakpota mankopalesemmek aliepkonma —lhna aptemak.

Hechos 20:31

¡Elel·halhnama toka! Nkotlheianvakho ta mota apvalho'ok astemakha lhta mota asketlhekmosekamok lhamakho aknem akvakmo hanetolhema iantelhkapa neksa akientalhnema lhta niekhe m'a.

1 Corintios 15:34

Enmekho mokhom altaqmanma aklhenaikama apvalho'ok, elieniekha koka nhan qaselha ngkolatsekama nak. Apkakhaiangkek nak na enenlhet'avok apieseksek anak ketlhengkap melioho' nak mokhom Eniapom Neten, ketlhengkap nkelleniemai'ak ma'a, enmankangvom koka.

1 Corintios 16:13

Elel·halhnamok hata, eliennaktes hata nhan meliaskeiam anak, etnamok hata nhan apmakmosak'a. Eteniamok hata nhan apiempeiok neksa apkellangiemhaikama,

Efesios 2:3

Nenlhamakho ennengko'o nengeleliehekhavek anmahai'akha nke nak engelvalho'ok angellanangkok qaselha ngkolatsekama. Ngkolatsekama alketansema engelvalho'ok nahan, nengeleliehekhave lhta mota aliaspongkomakha nak engelvalho'ok vanlha mota akteniaikama nkolanak ngkolatsekama, hengelietemave lhta angetlhevangkok nema akiaqmongkasekha nnavek na m'a aplhamakho enenlhet anak meleliehekho.

Efesios 5:14

Ka nkanek nemo nak aktemo henke'e: «Elhatakha lheiap apto apteianma, etnemekha neten apieseksek apkenmaskengvaiakmo kakpota eniapommetek hata takhaplhet Cristo», lhna nnema aktema m'a.

Efesios 6:18

Elelmalhna ta mota Eniapom Neten, ellapiosama ta nhan aniem'o Espíritu anmaikama. Elel·halhnama ta metka apkel·halhiongvaiam, ellapiosakpo ta nhan apkelelmalhneskeskama aplhamakho apkelpokkenammap anak.

Filipenses 4:5

Kakpota elvetak enenlhet apkellelto apkeliamolhma ketlhengkap ¡Apkanketvaktek apveske!

Colosenses 4:2

Elelmalhna mota metka nnelha Eniapom Neten, elelketnama ta nhan kakpota nhan etnangkok gracias Eniapom Neten.

1 Tesalonicenses 4:13

Elialheng'a, nenmak'ak angelleltennaksek akmak'akha ta ngkotnek apkellangiemhaikama apkellelto nak apkeletsepma kakpota ketlhengkap mankollaiose apvalho'ok malha aptaiangkolha nak ma'a enenlhet'avok metka nak alel·halhnekama apvalho'ok elvetak hata aktaqmanma.

1 Tesalonicenses 5:10

apto lhta apketsepma henianmoma ennengko'o kakpota annakhok lhemek ma'a niekhe neksa neletnaikamok nlho ka la nennaqteianma.

1 Tesalonicenses 5:8

ennengko'o koka nelloka mota aknem anko ie ka ngkanek ntasek montangkek malha hengelieihamalhma la'a, ntasek angelapkesek malha nelapkeskama la ennenio'ok alvesai'a m'a nengasekhai'o kanhan mongiaskeiam, angelletsavek hata nhan malha casco la'a akvesai'a nengel·halhanma angelvongkasalhkak hata tep.

1 Timoteo 2:15

Koka ngkelvana nkovongkasalhkak hata tep akvet'o la atka, aklhengkaso la nhan aktema nkoi'askeiam, asekhai'o la nhan mo'ok, alhnai'o la nhan av'alhok, alan'o la mota nhan aktemakha akpeivomo.

1 Timoteo 2:9

Askeltavek na ngkelvana'ak nkolentalhnekha alentalhnema metka anmangkaskama la apkellelto la apkelvetai'a, nkonnatnekha nhan annatanma have aliekaskeiakmo, ntasek na mankoliekaskamhek alalhnaskama ava', metka nhan aliekaskeiakmo qaselha alienmomo oro kakpota nhan metaimong aktek altakmanma akmennave nke nak, metka nhan aliekaskeiakmo alentalhnema apmennave nak.

1 Timoteo 3:11

Nnavek na ngkelvana'ak la nkaimelhkek ngkolhek allak'o apieseksek enenlhet'avok, have nkotnangkok almalengioikama nkotlhenek mo'ok aktemakha, nkoliohok na nkonnavaksek aktemakha ngkollatsekama av'alho'ok, nkoliohok na nkollanangkok lhamakho qaselha altaqmelo.

1 Timoteo 3:2

Ntasek etnek aktaqmanma aptemakha aplhengkeskama kakpota mankollapvankek enenlhet etlhenek apvesai'a m'a, vanlha nhan ntasek etnek lhema aptava, ntasek na eniapvanak enavaksek apvalhok apankek la'a, nkaimelhkek na nkolhenek apvalhok amanie apmak'akha la etnehek, etaqmelkasakpok nahan, emok na takha amaika'a la'a akieplomo akpaihekha apvalhok, apmopvana nhan etlhekmoksek po'ok.

2 Timoteo 4:5

Koka lheiap etne ta apmopvana emankok apvalhok apvet'o la lhamakho qaselha ngkolatsekama, evaskap hata nhan neksa akvai'a akientalhnema, etne ta mota aptema evangelista lheiap, elana ta mota nhan aktaqmelo apkasennaikama Eniapom Neten.

Tito 2:12

ka nkeniemai'ak ntasek angelvatesangkok nentaikamok mongeliamolhma, kanhan alletsepmakha ennenio'ok anak, kolhva koka ntasek angelloka atlhenaikama mota engelvalho'ok aktaqmanma qaselha nak, angellanangkok na akpeivomo, angellamelemmak na emmo'ok,

Tito 2:6

Eleltennasamok hata nhan apketko'ok anak nkotlhenek apvalho'ok amanie apkenmak'akha la ellanangkok lhamakho qaselhaha,

1 Pedro 1:13

Ka nkeniemai'ak na ntasek nkolketamangkok apvalho'ok aktaqmelo kakpota ellanangkok qaselha akpeivomo, mellankek na nkonmama aliaspongkomakha nak apvalho'ok, elel·halhnama nhan apvektanlha ta Jesucristo avanhek hata nkotnek apkeltakmelkeskeskama apkellaniemhaikama.

1 Pedro 4:7

Ketsek nkaimelhkak aktemongvanlha nnelha aknem lhmankek ham, ka ngkanek ketlhengkap ntasek etnangko mota apkeltakmelkasemmakpo apankavek, elelmalhnangkok nahan metka nnelha.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

Apocalipsis 16:15

Koka lhta nnak akto mokhom ma'a: —¡Ellaho ta! Nkotlapkesek hata avatak ham, nnavek ma'a enenlhet la apmenielhma akpelapkeskama na mota apvai'a. Aktaqmelakho nke ta nkotnek enenlhet'avok apkellelto apkelpeneskamo helel·halhanma. Apkelpeneskamo nhan apkelentalhnekha apkelentalhnema kakpota metlhengek malha apkelalhnai'o, menmankek nahan —lhta nna akto m'a.

Apocalipsis 3:2

¡Elhatakha, atlhenkeskamo nkomaskengvomok apkelanai'a qaselha altaqmelo, eiennekho mokhom. Kolhva melan'ak akto akpeivomo napaqtek Eniapom Neten!