1 Tesalonicenses 5:23 - Nuevo Testamento Toba Maskoy

²³ Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

1 Tesalonicenses 5:23 ပူးပေါင်းရင်းမြစ်များ

Lucas 1:46

Koka lhna ntemak María: —Hai, altangko ta apiavai'a panke Apveske ngkanek nietnek apmopvana.

Juan 17:19

Aspokkenammalhko nak kakpota atlhekmosangkok helieplekama lheiap apaivoma akto aktaqmanma nkek, kakpota etnangkok na apkelpokkanma apkellasennaikama la lheiap.

Hechos 20:32

Kolhva koka askenmalhnema Eniapom Neten eltaqmelkesek ketlhengkap elialheng'a aniem'o ania'a aktaqmanma hengamelaiam altakmelkeskeskama ta apkellaniemhaikama. Nietnek na apmopvana m'a kakpota elvanengkeskesek na apvalho'ok meliaskeiam, hata nhan ellangkok ketlhengkap ma'a aplheianmo lhta apaivoma ellangkok apkelpasmekha nhan apkelpokkanma.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Romanos 15:33

Hai, askeltavek ko'o Eniapom Neten apto niapom aktaqmelaikama engvalho'ok, etnangkok hata mota nhan apketlhelhma'ak moklhem'a ketlhengkap ham. Amen.

Romanos 15:5

Askeltavek ko'o Eniapom Neten apto niapom metka nenpekheskama nak kanhan ma'a akpaieskaiam engvalhok, elpasmok ketlhengkap kakpota elloka lhemek annemo mo'ok apvalho'ok, aptemakha lhta mota nhan Cristo Jesús.

Romanos 16:20

Ketse nkaimelhka Eniapom Neten apto aktaqmelaikama engvalho'ok aniapom apteiokmek apaieskamo Satanas, epekkanvetak hata nhan koneng apmangkok ketlhengkap ham. Hai', askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham.

1 Corintios 1:2

Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

1 Corintios 14:33

ngkanek mankolkok apvalhok Eniapom Neten neksa akiennoma lhma la'a, koka akleklemo apvalhok ma'a altaqmelaikama engvalho'ok anak. Ntasek elieplavkesek nentaiangkolha na mota aplhamakho iglesias apkellelto apkelpokkenammap,

2 Corintios 5:19

Apkapaskangkek Eniapom Neten Cristo kakpota etnek apkellasekhaskesekho aplhamakho enenlhet'avok ma'a, etneskesama nhan apankek apkeliekai'a meleltemakha etnangkok ma'a. Hengellapaskama nhan ennengko'o kakpota angelleltennaksek ania'a nak.

Filipenses 1:10

akietemo nke nak nentemakha. Netamen ma'a elloka ta metka apkellanekamok qaselha ngkolatsekama, mangkolhek hata nhan apketselhnanemmap napaqtek Cristo apvaktamo ta mokhom.

Filipenses 1:6

Ampai'osekha lhta apkelanai'a Eniapom Neten qaselha altaqmanma apieseksek anak ketlhengkap, have niapak ankek ngkovomok hata aknem apeneskama m'a akvakmo apvaktamo ta Jesucristo hengke'e.

Filipenses 4:9

Ellanamok hata mota lhamakho astemakha lhta mota asketlhekmoskama apkelvetai'o lhta askellanai'a, elvanamok hata mota astemakha nak, netamen Eniapom Neten apto nak aktaqmelaikama envalhok aniapom etnangkok hata mota apketlhelhma'ak ma'a.

Colosenses 1:22

Kolhva koka apkeliepetkangvakhek mokhom ma'a Eniapom Neten aniem'o Cristo aptaiekho lhta nhan enenlhet apankek ma'a, apketsepmo lhta nhan apkeliaqmoiekha ketlhengkap, apkeltemeskeskamo nhan apkelpokkenammap ma'a, metka alpaieseiam apvalho'ok, metka apketlhenammap na meliamolhma.

1 Tesalonicenses 2:19

Avanhek nemmahai'a angelvetekhak mokhom ketlhengkap ngkanek apkelpaiesekha mota engelvalhok. Ketlhengkap malha netlhevaikamok akianmoma la nennaksepma nempekkenekha empatek anak, hengellaiangko nhan alel·halhnekama engelvalho'ok envanka'ak hata nhan nkolalhkok engelvalho'ok napaqtek apveske Jesús apvaktamo ta hengke'e.

1 Tesalonicenses 3:11

Hai, nengeltavek Eniapom Neten kakpota nhan Apveske engankok Jesús hengellangkok lhema aknem antangkok amaika'a ham.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

1 Tesalonicenses 4:3

Vanlha koka apkeltemavek Eniapom Neten elieniekhak ma'a ngkollatsekama nak, menmensangvom anke lhma mellanemmakpelha nak etnangkok.

1 Tesalonicenses 5:22

koka eltakneva m'a ngkollatsengka nlho nema atlhekmoskama.

2 Tesalonicenses 3:16

Hai, askeltavek Apveske apto aktaqmelaikama engvalhok aniapom ellangkok metka altaikama apvalho'ok neska akvai'a lhamakho aktemakha akientalhnema, etnangkok hata mota apketlhelhma'ak ma'a.

Hebreos 13:20

Eniapom Neten apto aktaqmelaikama envalhok aniapom, apto lhta nhan aplhatekhaskeiam apieseksek apkenmaskengvaiakmo apveske engankok Jesucristo, apto aptaqmanma apkellanekama nepkesek, aniem'o ema apankok aiangko nhan ma'a akiennaktema annemo mo'ok anak apvalho'ok apkenmahai'akha ta etnangkok ma'a mangkotnengvaiam annelha.

Hebreos 2:11

Aplhamakho apkellelto nak apkelpokkenammap, kanhan apto lhta nhan apkelanai'a apkelpokkanma, vanlha nhan lhema apkeliapom apkelpasmekha, ka ngkanek Eniapom Neten Apketka memangkek eleltangkok apkelialheng'a.

Hebreos 4:12

Ka Eniapom Neten anak apaivoma nietnek akmovana, hengaikamok na akiennaktema ennenio'ok, malha aktonak pelettav akvenaktema akmovana nkoiaqtemenek neten ankek koka m'a, aselhtek ma'a pelettav anak hanet nekha'ak la anmalhnemmalhka. Nkoklhek akvakmo konne kankek engvalhok kanhan akvakho eniempehek. Akvakmo konne kankek apvalho'ok la enenlhet, kanhan akiekpelkemo alketamekama apvalho'ok kanhan apkenmak'akha la ellanangkok.

Santiago 1:4

Koka nkaimelhkak elvaskapok akvakmo aktakha nnelha akientalhnema apkelvetai'a, netamen hata m'a nkovak aptaikamok apketsavhongvaiakmo apkeliangveiakmo m'a, nkolhnangkok hata nhan lhamakho aktemakha apkeltaqmanma.

1 Pedro 1:2

Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.