1 Tesalonicenses 5:21 - Nuevo Testamento Toba Maskoy

²¹ ntasek sekhek na ellanama netamen enmankok hata takha aktaqmelo la'a,

1 Tesalonicenses 5:21 ပူးပေါင်းရင်းမြစ်များ

Lucas 12:57

—¡Kotlhen koka mota apvalho'ok apankavek ketlhengkap akpeivomo la qaselha antehek!

Juan 15:4

Etlhengkes aktemakha nelpasmommalhko nak, lhema aktong la iamet mankoielhnema, nkoiaqtemenalhkak ma'a. Nnavek na ketlhengkap ma'a, mankotiepek na apkellanekamok altaqmelo qaselha helieniakho la nentaikamok nelpasmekha.

Juan 8:31

Lhta aptak Jesús apkellano judios apkellelto lhta meliaskeiam ma'a: —Apkelleliahakhavek hata nke ketlhengkap aktakha nak asketlhekmoskama, hata etnangkok askeltamesaikamok aptaikamok have niapak ankek ma'a.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 17:11

Apkeltakmelkasemmakpo apankavek nak ma'a judios, havek lhnak aptangko nak judios ko Tesalonica, apkelleltakmelkeskamavek nak apkellailhemo apketlhekmoskama Pablo. Apkelleliaiangka lhnak na Vakkahak Eniapom Neten Apaivoma kakpota elvetak have niapak ankek aptemakha apketlhekmoskama Pablo.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

Romanos 12:9

Ellasekhakpo metka apkeliennengkeskama po'ok, eltakneva' qaselha ngkolatsekama, elelieplavkes koka mota ellanangkok qaselha altaqmelo.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

1 Corintios 2:11

Nnavek na apvalhok apanke nak enenlhet apiavek akietnaikama nak apaqtek enenlhet, kakpota nhan vanlha Espíritu apankok Eniapom Neten apiavek ma'a akietnaikama apaqtek Eniapom neten.

Galatas 6:10

Etnamo ta alietakho la mota ellanangkok qaselha altaqmelo aplhamakho pankek enenlhet, koka nhan tep ankek alietemo m'a apkellelto nak apkelialheng'a aknaikamok anak meliaskeiam.

Efesios 5:10

Ellanama ta sekhek aptangkolha la enenlhet, qaselha akleklemelha apvalhok Eniapom Neten kelhaha, nlho ka la mma'.

Filipenses 1:10

akietemo nke nak nentemakha. Netamen ma'a elloka ta metka apkellanekamok qaselha ngkolatsekama, mangkolhek hata nhan apketselhnanemmap napaqtek Cristo apvaktamo ta mokhom.

Filipenses 3:16

Ntasek angelloka mota aktakha la akietnema mongiaskeiam.

Filipenses 4:8

Ketlhengkap elialheng'a, asmak'ak aleltennaksek mokhom aktakha nnelha, kotlhen hata apkelvalho'ok lhamakho qaselha akto nak have niapak anke, nentemakha nhan akto akietemo nkek nengai'o emmo'ok anak, qaselha akpeivomo, qaselha alhnai'o nkek, qaselha akleklema engvalhok, kanhan aklhenammalhka nak qaselha altaqmelo. Hai, lhamakho qaselha lhkek altaqmanma alheianma, qaselha aklhenammalhkak altaqmelo, ntasek nkotnangkok hata mota atlhenaikama apvalho'ok ma'a.

1 Tesalonicenses 5:15

Mellanko nkek eliaqmongkaskesekhak po'ok apkellaneskeskama la ngkolatsekama, ntasek koka mota eteniangkok ellanangkok qaselha altaqmelo apieseksek anak ketlhengkap kakpota nhan apieseksek po'ok anak enenlhet.

1 Tesalonicenses 5:22

koka eltakneva m'a ngkollatsengka nlho nema atlhekmoskama.

2 Tesalonicenses 2:15

Ka ngkanek ntasek etlhengkesek meliaskeiam akiennaktema, melvankamankek na nellanemmalhkelha nak antangkok aniem'o vakkahak nennaktalheskeskama lhta nlho ka la nhan neliokho engankave lhta.

2 Timoteo 1:15

Apiavek na lheiap helieniekho lhta aplhamakho Jesucristo apkennemolhema akieto m'a iokhalhma Asia, ka apkelvesai'a lhta moklhem'a m'a Figelo kanhan Hermogenes.

2 Timoteo 3:6

Vanlha mota apkenmaikamok akhaiangkolha ngkelvana'ak la nkoliennaktema nak av'alho'ok, nkeskama nhan allanekamok ngkollatsekama, atlhenkeskama nhan aliaspongkomakha nak av'alhok. Avanhek koka niekhe nhan apkenmahai'a eliennengkesek ma'a.

2 Timoteo 4:14

Altennasama ta nhan lhema ania'a lheiap, ka Alejandro lhta apto tavapak niapom apkeltekpoikama mangkolatsekama helanei'o m'a, Apveske toka eiaqmongkasekhak aptemakha nak helanei'o m'a.

Hebreos 10:23

Angetlhengkesek hata netlhenaikama aktemakha mongeliaskeiam anak kanhan alel·halhnekama engelvalho'ok hengelpasmok hata Eniapom Neten, mongeliaskamek na apaivoma akto have niapak ankek ma'a. Metka alpeivekha atlhenaikama engvalho'ok ennengko'o ngkanek apeneskangke lhta apaivoma Eniapom Neten, have apmopvana ania'a.

1 Juan 4:1

Ketlhengkap apkellelto nak askellamelaiam, menmamonkek takha aptakha la aplhenammakpo pankek la enenlhet apietnema Eniapom Neten Apvalhok ma'a. Koka eltaqmelkaso ta sekhek apkellailheiangko apketlhekmoskama apankok aptakha la m'a, kakpota nkotlhenek apvalho'ok apkeniemo m'a Eniapom Neten nlho ka la mma'. Ngkanek aplhaniek lhmankek ham apkeleltennasemmap ania'a apkenmopvanka ania'a.

Apocalipsis 2:2

"Asiave ko lhamakho aptemakha apkelanai'a lheiap, asiavek na akientalhnema apmakmekama metka apiamasangveiam, asiavek na menmamo takha enenlhet meliamolhma, apkeliepkonke lhta nhan lheiap apkeltemakha enenlhet apkeleltammakpo apankave lhta nema allapaskamo, koka have ma'a, apkenmopvanka ania'a lhta m'a.

Apocalipsis 2:25

¡Kolhnamok apkenmaikamok takha asketlhekmosekamo lhta akvakmo asvakta mota mokhom ham!

Apocalipsis 3:11

¡Avatak hata kolhvavek ham! Elhengkes hata mangheiaskeiam ko'o kakpota mangkolhek aklekkeskaktamo qaselha apnaksepma apkelhnekha apqatek, nema akpeneskeskamo aplhevai'a ta lheiap.

Apocalipsis 3:3

¡Eiaqmongkasekha mo'ok apvalhok, kolheianvakho no apvalhok nema atlhekmoskama alhta aplhevai'a lheiap, eliehekho ta mokhom, el·halhnama ta mota! Ka metno la m'a, kotlapkesek hata avatak ham malha akto nak enenlhet la apmenielhma maniamo nak aknem evak ma'a.