1 Tesalonicenses 5:2 - Nuevo Testamento Toba Maskoy

² apkeliavek ketlhengkap ngkotnek hata akpelapkeskama apvaktamo ta Apveske hengke'e, malha enenlhet la apmenielhma akpelapkeskama apvai'a la pelhasep.

1 Tesalonicenses 5:2 ပူးပေါင်းရင်းမြစ်များ

Lucas 21:34

Ellaho ta ketlhengkap nkoliennak apvalho'ok aniem'o apkellanekamok ngkollatsekama, apienaikamok anmen kakpota nhan aleltaikama apvalho'ok, ngkanek nkoplapkesek hata akvai'a nnelha aknem alhma nkek ham takhaplhet'ok ketlhengkap. Ka kto nak nel·hanma nak, nkoplapkesek akmama qaselha nevhak.

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

1 Tesalonicenses 5:4

Koka ketlhengkap mankolpelapkesek hata apkelvetai'a m'a malha enenlhet lhek apmenielhma, ngkanek ketlhengkap melloka mota ienaqtesakha lhma.

2 Tesalonicenses 2:2

mellanko nkek ngkolhek aliennengkaso, mennelhtengankek na neten apkelleng'o ta ania'a akvai'a aknem apvekta apveske Jesús, apketlheno la m'a enenlhet'avok anak ania'a aniem'o apkelvetaskeskama apaqto'ok Espíritu Santo, kanhan eleltennaksek hata aktemakha nengetlhekmosekamok ennengko'o neliokho engankave kanhan vakkahak nennaktalheskeskama lhta.

2 Pedro 3:10

Koka nkotlapkesek hata apvekta m'a Apveske, malha ta etnek enenlhet la apmenielhma, nkotvasalhkak hata neten anak nkalhkak hata alpaklhaiam ma'a, ngkolhek hata nhan alvanlhakho qaselha aknaikamo nak neten, kakpota nhan lhamakho qaselha aknaikamo nak nalhepop.

Apocalipsis 16:15

Koka lhta nnak akto mokhom ma'a: —¡Ellaho ta! Nkotlapkesek hata avatak ham, nnavek ma'a enenlhet la apmenielhma akpelapkeskama na mota apvai'a. Aktaqmelakho nke ta nkotnek enenlhet'avok apkellelto apkelpeneskamo helel·halhanma. Apkelpeneskamo nhan apkelentalhnekha apkelentalhnema kakpota metlhengek malha apkelalhnai'o, menmankek nahan —lhta nna akto m'a.

Apocalipsis 3:3

¡Eiaqmongkasekha mo'ok apvalhok, kolheianvakho no apvalhok nema atlhekmoskama alhta aplhevai'a lheiap, eliehekho ta mokhom, el·halhnama ta mota! Ka metno la m'a, kotlapkesek hata avatak ham malha akto nak enenlhet la apmenielhma maniamo nak aknem evak ma'a.