1 Tesalonicenses 5:12 - Nuevo Testamento Toba Maskoy

¹² Ketlhengkap elialheng'a, nengeleltavek ennengko'o ellahok apkelemhama apmaniaie apanko'ok apkenmakmekama mota akientalhnema m'a, apkennaveskama mota kakpota nhan apketlhekmosekamok aktemakha Apveske engankok.

1 Tesalonicenses 5:12 ပူးပေါင်းရင်းမြစ်များ

Lucas 10:7

Eniakhamok hata m'a lhema pa'at apkelvanlha la'a, melakta pankek nahan. Etavok hata nhan ma'a, einamok nahan lhamakho aktemakha la'a apketlhevai'a m'a. Nkelietavek etlhevangkok ketlhengkap ma'a ngkanek akianmoma apkenmakmekama.

Juan 4:38

Ko'o koka askellapaskama ketlhengkap enaklhangkok akielhna akietemelha lhta akientalhnema apkenmakmekama apkenaikokhelha po'ok enenlhet ma'a. Koka ketlhengkap nkelietakhek aktaqmelakha nkek apkenmekha apnaklhekamok akielhna —lhta aptak apkellano Jesús ma'a.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Hechos 20:35

Vanlha mota asketlhekmoskama askeleltemo eleliephekho enmakmama kakpota elpasmok enenlhet metka nak apkelletsekama, aptemakha lhta mota aplheianma Apveske Jesús, lhna aptemak: "Aktaqmelakho nkek apkaikamo nak po'ok qaselhaha, melhnok ma'a apto aplhevai'a qaselhaha".

Romanos 16:12

Nlhenkek na evalhok Trifena kakpota nhan Trifosa, avanhe kanke lhta anmakmesaikama Apveske. Nlhenkek na evalhok eialheng Perside, avanhek anke lhta akmakmesaikama Apveske m'a.

Romanos 16:6

Nlhenkek na evalhok María, avanhe lhta akmakmekama kakpota nkoltaqmelek apkellangiemhaikama ketlhengkap ham.

1 Corintios 12:28

Amanie ampai'akhasekha apkeliekieskama Eniapom Neten iglesia moklhem'a nema allapaskamo, netamen apkeleltennasemmap ania'a, netamen na hengeletlhekmoskama, apkenmopvanka'a ellanangkok qaselha hempelapkeskama, apkenmopvanka'a eltaqmelkasekhak anmaska apiempeiok la'a, apkenmopvanka'a nhan elpasmok po'ok, apkenmopvanka'a nhan etnangkok apkelemhama apmaniaie', kakpota nhan apkenmopvanka'a elpaqmetama apkelpakmeiasma melioho mokhom.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

1 Corintios 16:16

Ellaho ta aplhamakho enenlhet aptaiangkolha nak apkennemolhema Estefanas, ellaho ta nhan aplhamakho apkellelto nak apkenmakmekama apkellasennaikama apkelialheng'a.

1 Corintios 16:18

Malha lhta nha ntemak apnaklhatekhaskekta evalhok ka aptaiangkolha lhta nhan apkellanei'o ketlhengkap ham. Ellaho ta ketlhengkap aplhamakho enenlhet aptaiangkolha na mota m'a.

1 Corintios 3:9

Hai, ennengko'o nengelelto nenmakmesaikama Eniapom Neten, ketlhengkap koka malha aniep, malha nhan pa'at la akiavai'a Eniapom Neten apankok.

2 Corintios 11:23

Apketlhenakpavek na apankavek apkellelto apkenmakmesaikama Eniapom Neten, ko'o koka tep ankek asmakmesaikama Eniapom Neten. Niekhe malha anema askeliatekama, nkaqhok koka alhenkesek hata askeliatekama, tep ankek ko asmakmekama m'a enenlhet'avok anak, nlhaniek askaklhengkasemmalhka nenmammalhkelha, nlhanie lhta nhan nema heliaqpelhketaikama, nlhaniek na atlhengkeskama amatong.

2 Corintios 5:9

Ka nkeniemai'ak ma'a angelienlhanmangko mota anlekkeskasama mota apvalhok Apveske neksa mokhom nellaniemhaikama hengke'e neniokha nak, hata nhan angelienlhanmangkok angellekkeskasama apvalho'ok Apveske m'a nengaqhengvakmo ta m'a napaqtek ma'a.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Galatas 4:11

¡Ntaikama evalhok malha aqhemo ntemak akientalhnema alhta asketlhekmosekamok ham!

Filipenses 2:16

melieniav ankek na ania'a aktaqmanma akto nak hengaikamok neniennaktema, netamen nkaqhama ta evalhok ko'o m'a apvaktamo ta Cristo ngkanek have aqhemo akientalhnema asmakmekama apieseksek ketlhengkap ham.

Filipenses 2:19

Apkelto la apveske Jesús angvapaksek hata Timoteo ham aptengiaikama la ania'a apieseksek anak ketlhengkap kakpota nkopaiesekhak evalhok ko'o.

Colosenses 1:29

Avanhek na askeliephaiekho asmakmekama akieplomo asiennaktema, asmopvana nhan aniem'o Cristo.

1 Tesalonicenses 2:9

Nketlheianvakhavek kelha apvalho'ok ketlhengkap elialheng'a akiavai'a nenmakmekama akvaiakmo lhta neliampei'o lhamakho aknem apieseksek anak ketlhengkap ham, nekha emmeio'ok alhto ka neleltennaskama ania'a aplhenammap Eniapom Neten, nekha emmeiok alhto ka nhan akiavai'a nenmakmekama kakpota mankolientelhek apvalho'ok ketlhengkap hengellangko nlho lhamakho qaselha alaimelhkelha la'a ennengko'o.

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

1 Tesalonicenses 5:14

Elialheng'a, nengellapiosavek ennengko'o ketlhengkap neleltemo ennavaksek apkellelto la menmakmekama ham, eliatekho ta nhan ma'a apkellelto nak anmaiosak'a apvalho'ok, elpasem hata nhan meliennaktema nak, kakpota nhan etnangkok metka apkelpekhesammap apieseksek anak ham.

1 Timoteo 5:1

Meliennaho nkek apkellanei'o apkelvaneiam la'a, ntasek koka eleltennasangkok nentemakha malha aktonak apiapom apankek la'a. Eltaqmelkes hata nhan apketko'ok malha aktonak apkelialheng'a apankek la'a.

1 Timoteo 5:20

Koka eliennaho ta ellanhok lheiap ma'a apkellelto nak melvatesaikamok apkellanekamok ngkollatsekama napaqtavek aplhamakho enenlhet'avok la'a kakpota elagak apkellelto apkellengai'a m'a.

2 Timoteo 2:6

Kanhan enenlhet apmakmekama la akientalhnema aniep apankok, eknek sekhe kakpota alhaiek etak apnaklhema akielhna.

Tito 1:3

Nietemavek nenvanlha nak heiapaskamo Eniapom Neten apto hengelvongkeskama tep kakpota aliangveskeskamhok ania'a apankok askeltennaiangka nak.

Tito 1:5

Asiamasangvakhe lhta lheiap ham Creta kakpota esavhok apmakmekama lhta, aspekkenkasakhe lhta nhan askaikamok lhema aspaioma nentemakha angeliekieksek apkeliamo la lhma metno apketko'ok kakpota etnangkok apkelemhama apmaniaie moklhem'a la apkaqnekhelha Jesucristo apkennemolhema m'a.

Tito 2:15

Hai', ka hengke'e ntase mota etlhekmoksek lheiap. ¡Eliatekhok, ennaves nahan akieplomo apientalhnemo, meniangko nhan lheiap ngkolhek aktemeskesantamo koneng!

Hebreos 13:17

Eleliehekho ta mota apkelemhama apmaniaie apanko'ok ketlhengkap ngkanek apkeltakmelkaske mota ma'a metka apkeliamposammap, netamen elheianvakhak hata m'a aktemakha apkelanei'o m'a napaqtek apveske. Hai, eleliehekho ta m'a kakpota nkolpaihekhak apvalho'ok na neksa apkeltakmelkeskama ketlhengkap ma'a, kakpota nhan metlhenek hata apkelvesai'a meliamolhma ketlhengkap ma'a, ngkanek mankolatsama ta apketlheno la ketlhengkap ma'a.

Hebreos 13:7

Kotlheianvakho ta mota apvalho'ok ketlhengkap apkeltemakha lhta apkelemhama apmaniaie apanko'ok apkellelto lhta apkelpaieskama ania'a aktaqmanma ham aniem'o Eniapom Neten, kotlhen hata nhan apvalho'ok ma'a ko la lhta aptaiangkolha apkellangiemhaikama, elvanamok hata nhan ketlhengkap aptaiangkolha lhta meliaskeiam ma'a.

Apocalipsis 1:20

Kolhva smak'ak alpeiveskasekhak aktemakha lhkek apvetai'a, 7 iav'a lhkek apietkesammap 7 ángeles apketlhelhma'ak amota 7 iglesias, koka 7 alhvo'ok lhek alapommatkeskama apietkesammap ma'a 7 iglesias.

Apocalipsis 2:12

—Etalhes no mokhom lheiap ania'a kakpota eniapaskesek ángel apno m'a iglesia akieto Pergamo, ka ntak ania'a hengke'e: Apto nak akietnema pelettav hanet ahanto'ok nema anmalhnongkoma, ka aptak na m'a:

Apocalipsis 2:18

—Etalhes no mokhom lheiap ania'a nak kakpota eniapaskesek ángel apno m'a iglesia akieto Tiatira, ka ntak ania'a hengke'e: Apto Eniapom Neten apketka, akietno malha talha alapommatema apaqto'ok, kanhan apmanko'ok alapommatema nkoie' malha kto nak tavapak bronce kolhva nema alalhnasekha nak, ka aptak na m'a:

Apocalipsis 2:3

Metka lhta nhan apekheskama lheiap ka nhan apvaskapma neksa akientalhnema aniem'o heiasennaikama, ma lhtoka heiamasangvakmok heieplekama m'a.

Apocalipsis 2:8

—Etalhes no mokhom lheiap ania'a kakpota eniapaskesek ángel apno m'a iglesia akieto Esmirna, ka ntak ania'a hengke'e: Apto nak ma'a apmanie nkek kanhan alhaie nkoie, apto lhta apketsepma, netamen koka m'a aplhatekhangvakmek ma'a, ka aptak na m'a:

Apocalipsis 3:1

—Etalhes no mokhom lheiap ania'a kakpota eniapaskesek ma'a ángel apno m'a iglesia akieto Sardis, ka ntak ania'a hengke'e: Apto akietnema 7 espíritus aniem'o m'a Eniapom Neten kanhan 7 iav'a, ka aptak na m'a: "Asiave ko'o lhamakho aktemakha apkelanai'a lheiap, apketlheianme mota enenlhet'avok aphalhnankok mokhom lheiap, koka have m'a, apketsepma niekhe lheiap.

Apocalipsis 3:14

—Etalhes no mokhom lheiap ania'a nak kakpota eniapaskesek ángel apno m'a iglesia akieto Laodicea, ka ntak ania'a hengke'e: Apto nak amen, Apto nhan apvetaiangko aplhenekho mota nhan iokhalhmek ankek ma'a, meietnekho nhan, Apto nhan apkeniemai'a m'a lhamakho qaselha apkelentepkeskamo lhnak nanek Eniapom Neten ma'a tep nak nanek, ka aptak na m'a:

Apocalipsis 3:7

—Etalhes no mokhom ania'a kakpota eniapaskesek ángel apno m'a iglesia akieto Filadelfia, ka ntak ania'a hengke'e: Apto nak Apokkenammap memangveiam ngkolatsekama, apto nhan have niapak anko ie', apto nhan akietnema llave apankok apveske David annenga. Apto nhan apmaieskama atong, mamma enenlhet apmopvana la eniapekhak ma'a, apkapekha apankek na atong ma'a, mamma nhan enenlhet apmopvana la emaiesekhak mokhom ma'a, ka aptak na m'a: