1 Tesalonicenses 4:3 - Nuevo Testamento Toba Maskoy

³ Vanlha koka apkeltemavek Eniapom Neten elieniekhak ma'a ngkollatsekama nak, menmensangvom anke lhma mellanemmakpelha nak etnangkok.

1 Tesalonicenses 4:3 ပူးပေါင်းရင်းမြစ်များ

Marcos 3:35

Enenlhet apto apkasekhai'o Eniapom Neten kakpota nhan ngkelvana'ak, koka elialheng'a m'a kakpota nhan meme —lhna aptemak Jesús apkellanemo m'a.

Juan 4:34

Koka lhta aptak Jesús: —Askasekhai'o ko'o apto heiapaskama, apenaksek hata asmakmekama apkeltemo lhta alanak ma'a, koka malha astoma ko'o m'a.

Juan 7:17

Apmak'ak hata nkek eliehekhok Eniapom Neten enenlhet, eihok hata aktakha asketlhekmoskama nak aniem'o Eniapom Neten, have aniem'o ehenkok ehenke.

Hechos 15:20

Vanlha koka nkaimelhkek annaktalheskesek lhema vakkahak annavesaikama la m'a kakpota menmangvomek ma'a qaselha anko'ok anak nkollekhok akpaiseiam aniem'o qaselha akiokha alanemmalhka ankok ma'a, metnangkek na apkenmensangveiam alhma, metavankek na nentoskama akvaivekamok atsepma nak, metavankek na ema.

Hechos 15:29

metavankek nentoskama nak nengaqhema nengaikamok anak qaselha akiokha alanemmalhka ankok. Metavankek na ema, metavankek na nentoskama akvaivekamok atsepma nak, kakpota nhan metnangkek na apkenmensangveiam alhma manganemmalhkelha nak antangkok. Ka apkelleliahakho la ketlhengkap nema alaskamakha nak etnangkok, ngkotnek hata akpeivomo apkellanekamok ma'a. Hai, ntase ta ngkotnek ma'a.

Hechos 20:32

Kolhva koka askenmalhnema Eniapom Neten eltaqmelkesek ketlhengkap elialheng'a aniem'o ania'a aktaqmanma hengamelaiam altakmelkeskeskama ta apkellaniemhaikama. Nietnek na apmopvana m'a kakpota elvanengkeskesek na apvalho'ok meliaskeiam, hata nhan ellangkok ketlhengkap ma'a aplheianmo lhta apaivoma ellangkok apkelpasmekha nhan apkelpokkanma.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Romanos 1:29

Nkellaneiangkek apvalho'ok nkolietemo, ngkollatsekama, apkeliaspekamok qaselhaha, apkeliasepkeskama po'ok, alietnema apkeliemongke lhma', apkennapommap po'ok, apnaqtevaskamo po'ok, apkeliaskemaikamaha.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

Romanos 6:22

Kolhva koka nnengkek alpaqnengkasekho neksa anmaikama ketlhengkap ngkollatsekama nak, aptangkokhek apkellasennaikama Eniapom Neten, apvanka'ak na elentepkeskesek elvanengkesek qaselha altaqmelo, kakpota nkolhnangkok na aliennaktema apnenio'ok nkotnengvaianlha nnelha.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

1 Corintios 7:2

Koka metko la apnaqteiangka'a nkovak hata apkenmahai'a enmenso'ok ma'a, ka ngkanek ntasek eteniangkok apnaqteiangka'a kakpota nhan anakteiangka'a,

2 Corintios 12:21

Nkak'avek enenniek na astanta mota amaika'a ham hetneskesek Eniapom Neten asmangkaktema napaqtavek ketlhengkap akvakmo ta asveno aniem'o askelvetangvekta apkellanekamok ngkollatsekama mokhom, melieniekha mokhom qaselha akpaisengkeskama nak engvalho'ok, ka aktonak lhamakho qaselha nak apkenmensangveiam alhma kanhan qaselha aknemo nak ma'a henmankaskama.

Galatas 5:19

Alhnakho nkek nenvetai'a qaselha aniem'o akiaspongkomakha nak engvalhok, ka kto nak nelanaktema, nenmensangveiam alhma', nelanai'a qaselha ngkolatsekama lhamakho.

Efesios 5:17

Metnamo nkek na ketlhengkap malha metka apqatko'ok, elienlhanmamok koka eliangvomhok apkanemakha etnangkok Apveske.

Efesios 6:6

Metnamo nkek malha apkenmakmengka napaqtek la apveske apanko'ok kakpota nkolekkasama apvalho'ok ma'a. Koka aptaqhakho la m'a, mmaskek na apkenmakmengka. Ntasek koka mota enmakmesama anmahai'o nkek apvalho'ok ma'a, malha aktonak ma'a apkellasennangka la Cristo apkellan'a mota apkellanemakha nak etnangkok Eniapom Neten.

Colosenses 1:9

Neksa nellengai'a lhta ania'a aktemakha apkellangiemhaikama ketlhengkap ham, lhta nkenok nelelmalhneskeskama mota metka nnelha Eniapom Neten eltemeskesek apkeliekpelkangveiakmo kiokho nkek aptemakha m'a, ellangkok na lhamakho aktemakha nema neniamo kakpota nhan neniekpelkemo aniem'o Espíritu apankok.

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

Colosenses 4:12

Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

1 Tesalonicenses 4:2

Apkeliavek ketlhengkap aktemakha lhta nengeleltennasekamok nellanemakha etnangkok aniemai'o lhtoka nhan apveske Jesús ma'a.

1 Tesalonicenses 4:4

Ntasek koka moklhem'a ketlhengkap enmankok apkeliokha nak kakpota mellaniek ngkollatsekama qaselha, vanlha koka ntasek eltaqmelkasakpoho, ellahok na po'ok.

1 Tesalonicenses 5:18

Ketlhengkap apkellelto meliaskeiam Cristo Jesús nietavek na etnangkok gracias lhamakho qaselha apkelvetakha la'a, ka apiaspongkomakha Eniapom Neten ma'a.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

2 Tesalonicenses 2:13

Ketlhengkap elialheng'a apkellamelaiakmek Apveske, vanlha mota ennengko'o nentaikamok gracias Eniapom ngkanek apkeliekiesaiangkek tep nak nanek apmaniaie apankavek ma'a kakpota elvongkesek tep aniem'o Espíritu apkeltemeskeskamo nhan apkelpokkenammap ma'a aniem'o lhta meliaskeiam ketlhengkap ma'a ania'a akto have niapak.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Hebreos 10:36

Elel·halhen hata metka apkelpekheskama ellanangko mota nhan apkellanemakha etnangkok Eniapom Neten, netamen etlhevangkok hata qaselha apeneskamo lhta aplheianma ellangkok hata m'a.

Hebreos 12:16

Mellanamo nkek apkellanaktema ketlhengkap, melvannamankek na aktemakha nak apkellaikamok Eniapom Neten, malha aptemakha lhnak nanek ma'a Esaú apiaqmongkasekho lhnak nanek aptoma aptema m'a apteiam apmanie'.

Hebreos 13:21

Askeltavek ko'o Eniapom Neten elentepkeskesek apvalho'ok ketlhengkap lhamakho aktemakha altaqmanma akleklemelha la mota apvalhok ma'a, aniem'o nhan Jesucristo, apto akietemo nkek neniavenkeskamo apvesai'a m'a metka akvaiam annelha aliekaikamok iantelhkapa.

Hebreos 13:4

Eleliehekho ta mota apnaqteiangka'a, etlhengkes hata mota aktaqmanma nkek apkelpathetaikamo mota apnaqteiangka'a ngkanek eiekpelkok hata apkeltemakha Eniapom Neten apkellelto la apkellanaktema kanhan aptevaskama la aliemhapma.

1 Pedro 1:2

Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.

1 Pedro 4:2

kakpota nhan akiaspongkomakha la apvalhok, apvankek na elana mota qaselha akleklemelha la apvalhok Eniapom Neten.

1 Juan 2:17

Nkomaskengvomok hata m'a ngkollatsekama nak kakpota nhan akmahai'akha na mota nkolanak engvalhok, koka mankomaskengvomek ma'a apto la enenlhet apkelanai'a apkeltemakha etnek Eniapom Neten, eloka ta nhan mankotnengvaianlha nnelha m'a.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.

Apocalipsis 22:15

Koka melentelhek hata m'a malha aptangko nak semheng, apkellelto nak na apkeliatmekama la apkeliolhma mellatsekama, apkenmensangveiam alhma, ntekioma niapma'ak, kanhan apkellelto nak apkelteklheikamok aptapno'ok naqtek qaselha akiokha alanemmalhka, alleklemo mota nhan apvalho'ok eliennengkesek po'ok.