1 Tesalonicenses 4:17 - Nuevo Testamento Toba Maskoy

¹⁷ netamen ennengko'o nentangko nak enhalhnankok mokhom ngkolhek hata henlaqlakho lhemek apkellelto lhta apkeletsepma aiseksek iephopai'a kakpota angelvetangvakhak Apveske m'a neten, hata angelloka mota lhemek metka nnelha m'a.

1 Tesalonicenses 4:17 ပူးပေါင်းရင်းမြစ်များ

Marcos 14:62

Ka apkatemmoiangka lhnak Jesús ma'a: —¡Ko'o m'a! Elvetak hata ketlhengkap Enenlhet Apketka nak elhek akieto akiennakha apoktong anak Eniapom Neten apto aknema apmopvana apanke, elhiemok hata aiseksek iephopai'a neten anak —lhna aptemak Jesús.

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Juan 17:24

Eniapom, lheiap alhta hellaikamok kakpota altakmelkesek helieplekama nak, askeltavek na eniakhengvomok asnakhelha ta ko'o kakpota elvetak asmopvana heiaiangko lhta tep nak nanek lheiap, metkelha qaselha lhma nkek ham, heiaiangkek nak nanek lheiap ma'a aniem'o heiamelaiam.

Hechos 1:9

Apkelvetai'o lhnak akpelapkeskama nkek nema akiantemekha neten Jesús ma'a akvakho lhna ntemak allapakho iephopai'a m'a. Nkelpelapkeskangkek nak na apkelenteiapvei'o apqanet enenlhet napaqtavek ma'a, apkenmopai'a lhnak apkelentalhnema m'a, lhna aptaiangkok:

Hechos 8:39

Ka apkellenteiapmo lhnak nemmen ma'a, mpelapkeskankek nak malha knema eiveskama Felipe aniem'o m'a Espíritu apankok Apveske m'a. Maskengkek nak na apvetai'a enenlhet nema alhakkeskama appopok Felipe m'a, koka apkempekhek nak mokhom aplhengama m'a mpaihekhek nak apvalhok.

1 Corintios 15:52

Pelapkeskama nke ta nkotnek akvai'a aknem anak ma'a, melvetankek hata nhan ma'a. Nkopaiok hata nhan trompeta, enaklhatekhangvomok hata apkeletsepma nak kakpota elloka m'a mangkotnengvaiam annelha, kanhan ennengko'o neliokha nak nkoiaqmokhak hata mo'ok.

2 Corintios 5:8

mongeliaskeiakmok ennengko'o m'a. Ka nkanek nenmak'a niekhe angelieniekhak neliokha nak kakpota angenmangkok ma'a angaqhengvomhok lheme Apveske m'a.

Filipenses 1:23

Nientelhek ankek angeliekiaksek ma'a, askeltave niekhe angvetsepok kakpota amhangkok ma'a alhnemok napokha Cristo, koka m'a neten ankek aktaqmanma.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

1 Tesalonicenses 4:15

Nengeleltennaskek ennengko'o mota hengetlhekmoskama nak aniem'o Apveske, apmaniaie ta elaqlakhak apkellelto nak apkeletsepma meliaskeiam, netamen hata nhan m'a nengelelto nak enhalhnanko'ok apvaktamo ta hengke'e Apveske.

1 Tesalonicenses 4:18

¡Ntasek elpaqmetkesakpok apankavek apieseksek anak ketlhengkap ham ania'a nak kakpota nkoliennekho mota apvalho'ok!

1 Tesalonicenses 5:10

apto lhta apketsepma henianmoma ennengko'o kakpota annakhok lhemek ma'a niekhe neksa neletnaikamok nlho ka la nennaqteianma.

2 Pedro 3:13

Ennengko'o koka mongeliaskakmok apeneskamo lhta apaivoma hengeleltennaskama Eniapom Neten aktemakha alhnankok neten kanhan nalhepop, etnangkokhak hata ma'a apkelpeivomo kanhan apkeliamolhma apankavo ie'.

Apocalipsis 1:7

Elhiemok hata Cristo aiseksek iephopai'a, etakpok hata lhmankek ham, elvetak hata nhan apkellelto lhta apkeliaqlhai'a akvakmo akteiapvakmo nepketama napokha, lhamakho apkellavakha lhmankek ham eliapqalhek hata aniem'o m'a. Hai', hata ngkotnek ma'a. Amen.

Apocalipsis 11:12

Koka apkellelto lhta apnaklhatekhangveiam ma'a apkelleng'o lhta nhan nema aliatekama akiennaktema nkek aniem'o lhta m'a neten, lhta ntak: —¡Enmeianta hengke'e! —lhta ntak ma'a. Ka apkenmeiakho lhta neten ma'a lhema iephopai'a lhta apkelkanantema, apkelvet'a lhta nhan ma'a apkellelto apkellammelhmakha lhta.

Apocalipsis 12:5

Ngvet'a lhta atka ngkelvana apkennavo lhta m'a kakpota etnek hata apveske apiennaktema takhaplhet'ok lhamakho apkellavakha lhma nkek ham, emama ta m'a iaqiopvahek tavapak koka. Nne lhta akvo'o nematka apietnakha m'a, kno lhta nhan aksakho napaqtek Eniapom Neten, naqtek na aptanema apveske m'a.