1 Tesalonicenses 4:16 - Nuevo Testamento Toba Maskoy

¹⁶ Nkolnalhkak hata akiennaktema apatong apkeliatekama, nkolnalhkak hata nhan ma'a apkeliatekama lhema ángel apveske, akpaivoma nhan iompa'at aniem'o Eniapom Neten, evaiventak hata Apveske akieto neten, apmaniaie ta enaklhatekhangvomok apkellelto lhta apkeletsepma meliaskeiam alhta Cristo,

1 Tesalonicenses 4:16 ပူးပေါင်းရင်းမြစ်များ

Hechos 1:11

—Enenlhet'avok ko Galilea, moliemes apvalho'ok aktakha nak nema akiantemekha neten Jesús, hata ngkotnek na apkelhiakmo ta mokhom —lhna aptaiangkok ma'a.

1 Corintios 15:18

melvomek na tep apkeletsepma nak apkellelto lhta meliaskeiam Cristo.

1 Corintios 15:20

Aplhatekhangveiakmek koka Cristo m'a, have niapak ankek ma'a, apmanie pankek aplhatekhangveiam ma'a, malha aktonak amanie nkek anammalhka aktekteiapma nak.

1 Corintios 15:23

Apmanie aplhatekhangveiam alhta Cristo ngkanek apto neten apankek ma'a apiaspommap, netamen apvaktamo ta mokhom ma'a, enaklhatekhangvomok hata m'a apkellelto nak apkennemolhema apankave nak.

1 Tesalonicenses 1:10

apkelel·halhneiangka lhna lhta nhan Apketka Jesús apto lhta nhan aplhatekhangveiam apieseksek apkenmaskengvaiakmo enielhiemok ma'a neten evatamok mokhom hengke'e kakpota hengelvongkesek tep ennengko'o neksa akvai'a ta apiaqmongkasekha apkeltemakha ngkollatsekama enenlhet'avok halhmankek ham.

1 Tesalonicenses 3:11

Hai, nengeltavek Eniapom Neten kakpota nhan Apveske engankok Jesús hengellangkok lhema aknem antangkok amaika'a ham.

2 Tesalonicenses 1:7

ellangkok hata nhan apkeliamposammap ketlhengkap apkellelto apkellengaiangko nak akientalhnema, ennengko'o ta nhan ma'a. Hata nkovak ma'a apkelhiakmo ta neten apveske engankok Jesús, apketlhelhma'ak ángeles aknema apkenmopvanka'a aiseksek talha aleivoma.

2 Tesalonicenses 2:1

Ketlhengkap elialheng'a, nengeleltavek angellapiosama angelleltennaksek aktemakha nak ma'a apvaktamo ta apveske engankok Jesucristo kakpota hengankesekhak ennengko'o m'a,

2 Pedro 3:10

Koka nkotlapkesek hata apvekta m'a Apveske, malha ta etnek enenlhet la apmenielhma, nkotvasalhkak hata neten anak nkalhkak hata alpaklhaiam ma'a, ngkolhek hata nhan alvanlhakho qaselha aknaikamo nak neten, kakpota nhan lhamakho qaselha aknaikamo nak nalhepop.

Judas 1:9

Koka Miguel apto lhnak apveske ángeles, ngvai'ak nanek na akvannammalhka apvalhok eimatkesek ma'a aveske keliaqhameio neksa apkeliamenammap ma'a apkenmeiommap apiempek apketsepma Moises, lhnak nanek aptemak ma'a: "Apveske toka etakneva lheia", lhna aptemak.

Apocalipsis 1:10

Aknem apanko lhta ntak Apveske m'a, mpelapkaske lhta akvo'o aklanei'o evalhok apmopvana Espíritu, asleng'a lhta nema aliatekama netamen ko'o, akiennaktema nkek akpaivoma malha trompeta la'a,

Apocalipsis 1:7

Elhiemok hata Cristo aiseksek iephopai'a, etakpok hata lhmankek ham, elvetak hata nhan apkellelto lhta apkeliaqlhai'a akvakmo akteiapvakmo nepketama napokha, lhamakho apkellavakha lhmankek ham eliapqalhek hata aniem'o m'a. Hai', hata ngkotnek ma'a. Amen.

Apocalipsis 14:13

Netamen ma'a asleng'o lhta mokhom nema aliatekama neten, lhta ntak heiano: —Etalhes hata ham, aktakmelakho nke ta nkotnek apkellelto apkeletsepma nenvanlha nak ma'a kanhan emanie ta apkelpasmekha nak ma'a Apveske engankok. —Hai, ka aptemak na Espíritu m'a eliamposakpok hata m'a aniem'o apkenmakmekama ngkanek metka apkelvatesaikamo apkellanekamok qaselha altaqmelo neksa apkellangiemhaikama m'a nalhepop —lhta ntak ma'a.

Apocalipsis 8:13

Netamen ma'a asvet'o neten, asleng'o lhta nhan lhema meivoma apiavai'a apkempangka m'a neten, lhta aptak apiennakteso apaivoma hengke'e: —¡Ai enenlhet'avok la ie' apkelloma nak nalhepop, nkovak hata akientalhnema ham akvakmo ta apkelpaivaskama trompetas apkanetolhem'a ángeles! —lhta aptak ma'a meivoma.

Apocalipsis 8:2

Asvet'o lhta nhan mokhom 7 ángeles apkelaknangka m'a akieto napaqtek Eniapom Neten, akno lhta nhan allangko 7 trompetas moklhem'a m'a.