1 Tesalonicenses 4:11 - Nuevo Testamento Toba Maskoy

¹¹ Nenmak'ak angelleltennasekhok mokhom neleltennaso lhta, ¡elienlhanmamok metka apkeltemengvekho lhma'! ¡mevhanengvomankek aptakha la po'ok, ellanho toka apanko'ok apankavek aptangkolha la'a! ¡Enmakmama koka motaha

1 Tesalonicenses 4:11 ပူးပေါင်းရင်းမြစ်များ

Marcos 13:34

Malha aptonak apveske la aplhengama nak, apnengkenkasekha nak apaivoma apkenmakmesaikama kakpota ellaneskasama apnemakha m'a. Moklhem'a nhan ellangkok apkenmakmekama ta neptamen, lhema nhan apkelanekama atong pa'at ma'a.

Hechos 18:3

apvetangveiakmo lhnak apmakmeiangkolha m'a apkellanai'akha carpa ntanema. Nietemavek nak na Pablo aptemakha apmakmekama m'a, ka apnaiakmo lhnak Pablo m'a apmakmeiangka lhnak na lhemek ma'a.

Hechos 20:35

Vanlha mota asketlhekmoskama askeleltemo eleliephekho enmakmama kakpota elpasmok enenlhet metka nak apkelletsekama, aptemakha lhta mota aplheianma Apveske Jesús, lhna aptemak: "Aktaqmelakho nkek apkaikamo nak po'ok qaselhaha, melhnok ma'a apto aplhevai'a qaselhaha".

Romanos 12:11

Metnamok apkel·halhemmap ellanangkok qaselhaha, eliennekho koka mota, elvaskap hata nhan ellasennama apveske engankok.

Romanos 15:20

Vanlha lhta mota asmaiangko metkelha la nema akpaieskamakha ania'a aktaqmanma, ma lhta amahai'ak aipetkeskamok asmakmekama nemakha la akpaieskamakha ania'a aktaqmanma.

1 Corintios 4:12

Avanhek neliampai'a aniem'o nenmakmekama akientalhnema enmeio'ok engankave. Neksa hengeliamenaikama enenlhet'avok, nellatemmoma koka aktaqmanma nempaivoma neleltemo nkoltaqmelek apkellaniemhaikama. Neksa hengenmenlhenaikama nhan, nengelvaskapkek koka ennengko'o.

2 Corintios 5:9

Ka nkeniemai'ak ma'a angelienlhanmangko mota anlekkeskasama mota apvalhok Apveske neksa mokhom nellaniemhaikama hengke'e neniokha nak, hata nhan angelienlhanmangkok angellekkeskasama apvalho'ok Apveske m'a nengaqhengvakmo ta m'a napaqtek ma'a.

Efesios 4:28

Enenlhet apto apmenielhma la'a, ¡elvates! Emakmama koka akieplomo aptaqmelkasemmakpo kakpota ngkoitek patakkom apankok, epasmok na alaimelhkelha la'a enenlhet anak metka apkeletsekama.

1 Timoteo 2:2

Elelmalhneskes hata nhan eltaqmelkeskesek apkellangiemhaikama gobernadores kanhan apkelveskai'e kakpota hengeltaqmelkeskesek na nengellaniemhaikama m'a, angelloka metka akmaska kanhan metka aktaikama engvalhok, angelleliehekho mota nhan Eniapom Neten, angeltakmelkasalhkok na akietemo nkoie nentaiangkolha.

1 Timoteo 5:13

Kanhan akpenesalhko la akpekkenammalhka akvesai'a m'a, nkovak kelha nhan mangkoiakvaiam nkomakmama, nkotnama kelha nhan amaika'a natemma la'a, nkomaleniongvomok kelha nhan akvanlha la natemma, ngvanengvakmek na akvet'akha la akientalhnema mo'ok, nlheianvakme nkek nahan.

Tito 3:14

Lhamakho Jesucristo apkennemolhema la'a ntasek eltaqmelkeskesek apkellangiemhaikama po'ok, eliangvomhok na ellanangkok qaselha altaqmelo, elpasmok na po'ok alaimommalhka nak qaselha apanko'ok.

1 Pedro 3:4

Koka nlekavek apvalhok Eniapom Neten ma'a ketlhengka' malha alalhnaskama av'alho'ok anak ngkanek mankomaskengvomek aktaqmanma m'a, akto nhan nalhepek av'alho'ok kanhan altakmelkeskamo av'alho'ok.

1 Pedro 4:15

Moklhem'a enenlhet nnek akmenlhenangka aniem'o aptaikamok ntekioma niapma'ak, apkenmenielhma, meliamolhma kakpota nhan apkellapsongkeskaiam apkakhaikamok po'ok. Metnamo nkek ketlhengkap aptaiangkolha nak ma'a.