1 Tesalonicenses 4:1 - Nuevo Testamento Toba Maskoy

¹ Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

1 Tesalonicenses 4:1 ပူးပေါင်းရင်းမြစ်များ

Juan 15:2

Apkeliaqtemenke mota aktengok metkelha la akielhna m'a, apkelalhnaskaskek na aktengok ngkeskama la akielhna kakpota nkoielhnangkok ma'a.

1 Corintios 11:23

Askeleltennaske lhta niekhe ketlhengkap ania'a heiaikamok alhta Apveske, pelhasep nak amanie knema akmahai'a ngkolhek aktevaso apveske Jesús ma'a. Apmamo lhnak pan,

1 Corintios 15:1

Ketlhengkap elialheng'a askeltavek ko atlhenkeskakhok apvalho'ok aktemakha lhta askeltennaikama ania'a aktaqmanma apieseksek ketlhengkap ham, apkenmaiangke lhta takha, nkoihek na aptaikamok meliaskeiam akvakmo nenvanlha nak.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Corintios 10:1

Moklhem'a ketlhengkap apnaqtevaskangkek asvesai'a, apketlheianmo lhnak ngkolatsekama astemakha, lhnak asno la ham apieseksek anak ketlhengkap askeliatekama lhnak nkoiennaktema aspaioma, koka lhnak askapaso la astalheskeskama vakkahak ketlhengkap ham, nkoihek nak aspaioma astalheskama. Hata apketlhengkaso la apkellentepkasekama asvesai'a ham, metka asiekaskama ta aknem alammelhek ma'a apkellelto nak mok apatno'ok. Askelasnema askeltema elvatesangkok apkelentepkasekama asvesai'a, askeltavek na akieplomo apvesai'a Jesús, apto apiamolhma, hengellamelaiam nahan.

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

2 Corintios 5:9

Ka nkeniemai'ak ma'a angelienlhanmangko mota anlekkeskasama mota apvalhok Apveske neksa mokhom nellaniemhaikama hengke'e neniokha nak, hata nhan angelienlhanmangkok angellekkeskasama apvalho'ok Apveske m'a nengaqhengvakmo ta m'a napaqtek ma'a.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Galatas 6:1

Ketlhengkap elialheng'a apkellelto apkenmaikama Espíritu, ntasek ennavakse mota po'ok apkellan'o la qaselha ngkollatsekama, koka have apkeliennai'oho. ¡Ellaho ta nhan ketlhengkap ngkotnek kelha apkeliepkonammap nahan!

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Efesios 4:20

Ketlhengkap koka apkeliavek have aktonak nema atlhekmosekamok alhta ketlhengkap aptemakha nak Cristo,

Efesios 5:17

Metnamo nkek na ketlhengkap malha metka apqatko'ok, elienlhanmamok koka eliangvomhok apkanemakha etnangkok Apveske.

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Filipenses 1:9

Askenmalhnema nhan Eniapom Neten elvanengkeskesek apkellasekhammakpo apieseksek anak ketlhengkap, kakpota nhan ellangko aknema apkeliamo kakpota eliangvomhok na

Filipenses 3:14

kakpota avomok aktakha la nnelha malha akiensasemmalhka la'a kakpota alhkak akiavai'a akianmoma Eniapom Neten apmahai'a heiangkok, heiavema lhta m'a aniem'o nhan Cristo Jesús.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Colosenses 2:6

Apkenmaiangke lhta takha ketlhengkap kakpota etnangkok apveske apanko'ok Jesucristo, ntasek na eltaqmelkasakpoho apkellanemakha nak etnangkok ma'a.

1 Tesalonicenses 3:12

Nengeltavek na Apveske engankok elvanengkeskesek meliaskeiam lhamakho aknem ketlhengkap, eliavenkasangkok na apkellasekhammakpo apieseksek anak ham, kakpota nhan ellasekhok po'ok enenlhet, ka nentaiangkolha nak na ennengko'o nellasekhai'avek na ketlhengkap.

1 Tesalonicenses 4:2

Apkeliavek ketlhengkap aktemakha lhta nengeleltennasekamok nellanemakha etnangkok aniemai'o lhtoka nhan apveske Jesús ma'a.

1 Tesalonicenses 5:12

Ketlhengkap elialheng'a, nengeleltavek ennengko'o ellahok apkelemhama apmaniaie apanko'ok apkenmakmekama mota akientalhnema m'a, apkennaveskama mota kakpota nhan apketlhekmosekamok aktemakha Apveske engankok.

2 Tesalonicenses 1:3

Ketlhengkap Elialheng'a, nietavek antangko mota gracias Eniapom Neten ngkanek ngvaneniek meliaskeiam anak ketlhengkap lhamakho aknem, ngvaneniek na apkellasekhammakpo apieseksek anak ketlhengkap ham.

2 Tesalonicenses 2:1

Ketlhengkap elialheng'a, nengeleltavek angellapiosama angelleltennaksek aktemakha nak ma'a apvaktamo ta apveske engankok Jesucristo kakpota hengankesekhak ennengko'o m'a,

2 Tesalonicenses 3:1

Engelialheng'a, nengeleltavek na ennengko'o hengellelmalhneskesek kakpota envanka'ak angelpaiaksek ania'a aplhenammap Apveske lhmankek ham kakpota ngkotnek na aktaqmanma apkenmaikamok takha enenlhet'avok ka aktemo lhta ketlhengkap ham apieseksek anak.

2 Tesalonicenses 3:13

Koka ketlhengkap engelialheng'a nengeleltavek ellanangko mota qaselha altaqmelo.

1 Timoteo 5:21

Askeltave etnek lheiap napaqtek Eniapom Neten, Jesucristo, kanhan ángeles apkeliekieskama, eliehekhok henganemakha astakha lhkek askano, etne apeivomo napaqtavek aplhamakho enenlhet'avok, etne ta nhan apneskamo mo'ok apkellanei'o po'ok.

2 Timoteo 4:1

Askeltavek ko etnek lheiap napaqtek Eniapom Neten kanhan Cristo Jesús apto ta nhan apvekta kakpota etnek apveske, eliekpelkok hata nhan aktemakha apkellanekamok aktaqmanma nlho ka la ngkollatsekama apkellelto nak aphalhnanko'ok kakpota nhan apkenmaskengvaiakmo,

Hebreos 11:6

Apiaskeiam la enenlhet mankolkek apvalhok Eniapom Neten ma'a. Enenlhet apmahai'a la eteteskakhak Eniapom Neten nkaimelhkek amanie sekhe mei'askamek apnema m'a, mei'askamek na m'a ellangkok hata akianmoma apkellelto la apkelketansema mota m'a.

Hebreos 13:16

Melvatesamo nkek na apkellanekamo mota qaselha altaqmelo, apkelpasmoma nhan po'ok, ngkanek qaselha nak ma'a akleklemelha apvalhok Eniapom Neten, malha nengaqhema la nentoskama nengaikamok anak ma'a.

Hebreos 13:22

Elialheng'a, ntasek eltaqmelkaso apkellailhemo akiakvatema nke niekhe askeliatekho nak asnaktalheskeskama ketlhengkap.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

1 Juan 3:22

Hengellangkok hata nhan ma'a qaselha nenmalhnengkolha la m'a ngkanek neleliehekhave mota m'a apkanemakha antangkok, nellaneiangkek na akleklemelha la apvalhok ma'a.