1 Tesalonicenses 3:3 - Nuevo Testamento Toba Maskoy

³ neksa akvai'a akientalhnema kakpota mankoltemeskesantaniek na koneng ketlhengkap ham. Apkeliavek na akientalhnema nak mankavankek hengieka'.

1 Tesalonicenses 3:3 ပူးပေါင်းရင်းမြစ်များ

Lucas 21:12

Amanie apmak'akha ngkotnek akientalhnema nak, ngkolhek hata anmenlhenangka ketlhengkap, elpathetakpok hata. Ngkolhek hata allangkongvakmo apkelemhama apmaniaie' apkaqnekhelha judios kakpota ngkolhek aknaktemo' nemmammalhkelha' aniem'o asvesai'a ko'o.

Juan 16:2

Nkolhek hata nhan alentepkaso konne apkaqnekhelha nak judios, etekio'ok hata nhan ketlhengkap, nkotlhenek hata apvalho'ok ma'a enenlhet'avok anak aniem'o apkellasennaikama Eniapom Neten.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 2:25

Lhennenga tep nak nanek aplheianmo lhnak apveske David aptemakha akmak'akha ta ngkotnek apkaniemhaikama Jesús, lhna aptemak: «Asvet'ak ko Apveske ehenkok emanie mota, akieto nhan akiennakha ehektong ka ngkanek mamma enenlhet heievheskak ko'o.

Hechos 21:11

Ka apvakmo lhta akietnakha apiapnama Pablo m'a, apnakteto lhta apanke apmeio'ok kakpota nhan apmanko'ok, lhta aptak apkellano: —Espíritu Santo lhkek apkeltemo alvetaskesek ketlhengkap hengke'e, ka apto la apiapnama hengke'e asnaktetkek emankok, emeiok, hata ngkolhek akto nema alanei'o m'a akieto Jerusalen apto apiapnama, ngkolhek hata angkongvakmok ma'a metnangko nak judios —lhta aptak ma'a.

Hechos 21:13

Koka lhta aptak Pablo hengellatemmongka: —Mollaiose nke apvalho'ok ketlhengkap, meliapqalh ankek nahan, aniakha ta ko'o Jerusalen niekhe astetemmalhka ta m'a, niekhe nhan asmatnama ta aniem'o apvesai'a Apveske Jesús —lhta aptak hengellano m'a.

Hechos 9:16

Ataskesek hata m'a akiavai'a aplengaiangko akientalhnema aniem'o apaiesaikama asvesai'a —lhnak aptemak Apveske.

Romanos 5:3

Nkelpaihakhek na engelvalho'ok ngkanek ntepkaskek na nenvaskapekho neksa akvai'a la akientalhnema.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

1 Corintios 4:9

Malha niekhe Eniapom Neten hengeltemeskaskek alhaiek ankek ennengko'o hengellapaskamo mota, malha nenmammalhka nengeivekha nak netlhengama amai apieseksek enenlhet'avok hengellaneiakmo nak kanhan ángeles, nkolhek heniantemakho akieto nenmatnekhelha.

Efesios 3:13

Ka nkanek ntasek mankollaiosek apvalho'ok ketlhengkap aniem'o apkellengai'a aslengaiangko akientalhnema henke'e, aslengangkek ko aniem'o asmahai'a alpasmok ketlhengkap, koka ntasek malha alammalhko apvalho'ok hellanghok ketlhengkap ham.

Filipenses 1:28

¡Mellaga nkek alammelhaikama nak! Nkotlhenek hata av'alho'ok nkonaqtevasalhkak ma'a, nkotlhenek hata nhan av'alho'ok elvongkesek hata tep Eniapom Neten ketlhengkap ma'a.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

1 Tesalonicenses 5:9

Hengeliekieskangkek ennengko'o Eniapom Neten have apmahai'a hengellangkok apiaqmongkasekha nentaiangkolha, vanlha koka apmahai'o hengelvongkesek tep aniem'o apveske Jesucristo,

2 Tesalonicenses 1:4

Vanlha mota netlhenaikama aktaqmanma apkelvesai'a ketlhengkap akieto mo'ok la iglesias apankok Eniapom Neten, ngkanek ketlhengkap nheklhek apketlhengkeskama aliennaktema apvalho'ok meliaskeiam neksa nema akmenlhenaikama kanhan apkellengaiangko akientalhnema.

2 Timoteo 1:8

Ka ngkanek memangkankek na elhenek apvesai'a Apveske engankok, ka nhan memangkankek na helhenek ko'o asnema nengaqlhengkasemmalhkelha aniem'o askasennaikama Apveske. Ka apvanko ta emok takha lheiap apvet'o la akientalhnema aniem'o apkeltennaikama ania'a aktaqmanma, Eniapom Neten hato ka nhan eniangkok apiennaktema kakpota evaskapok lheiap.

1 Pedro 2:21

Neksa apkellavekama lhta Eniapom Neten ketlhengkap apiamave lhtoka nhan elvetak hata akientalhnema aniem'o aknaikamok apkelleliehekho ma'a, ka aptemo lhta nhan Cristo aplengaiangko aniem'o apkelpasmoma ketlhengkap, apkeleltemo lhta nhan ketlhengkap elvanangkok ma'a aptemakha.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.