1 Tesalonicenses 3:2 - Nuevo Testamento Toba Maskoy

² Ka nellapaso lhta enialheng Timoteo ham apto nhan Eniapom Neten apkasennaikama, nenmakmekamo lhemek nahan nelpaieskama ania'a aktaqmanma aplhenammap Cristo, nellapaske lhta ham kakpota eliatekho, elpasmok nahan nkoliennak meliaskeiam ketlhengkap

1 Tesalonicenses 3:2 ပူးပေါင်းရင်းမြစ်များ

Hechos 16:1

Apvekhek nak Pablo m'a akieto iokhalhma Derbe kakpota nhan Listra, aplomaka lhnak na m'a lhema apketkok nema altameskama apvesai'a Timoteo, ngken noka akto judia mankoiaskeiam nak na m'a, apiapom noka apto griego.

Hechos 16:5

Aplhameiangkek nak moklhem'a iglesias, nkeliennaktengkek nak na meliaskeiam ma'a.

Hechos 18:5

Ka apkelvekho lhnak ma'a Silas kakpota nhan Timoteo, iokhalhma Macedonia lhnak apkeleniektak ma'a. Ka apkempai'akha lhnak Pablo akiokho nkek aplheianma mota ania'a aktaqmanma, apmahai'a elvetaskesek judios aptemakha Jesús apto Cristo.

Romanos 16:21

Nlhenkek na apvalhok ketlhengkap alhelhma nak apvesai'a Timoteo. Nketlhenkek na apvalho'ok hengke'e aspaiomo lhema nak apkelvesai'a Lucio, Jason kakpota nhan Sosipatro.

1 Corintios 3:10

Hetaqmelkeskaskek ko'o askaniemhaikama Eniapom Neten heliekieskama kakpota atnek pa'at aniapom, askellan'ak ko'o akiennakteskama avhak pa'at, po'ok koka apto apkakheskama ietaphaimakko'ok. ¡Ellaho ta m'a eltaqmelkaso ta apkellanai'a pa'at!

1 Corintios 4:17

Ka ngkanek na askapaskamo lhta Timoteo ham, apto malha eietka ehenke askamelaiam meietnekho nhan netamen ko'o, etlhenkeskeskakhok apvalho'ok astemakha na mota ko'o aniem'o moi'askeiam Cristo, ka astemakha na mota asketlhekmoskamok aplhamakho iglesias.

2 Corintios 1:1

Ko'o Pablo asto heiapaskama Cristo Jesús aniem'o nhan aptema Eniapom Neten, alhelhma koka ko'o Timoteo hengke'e. Nengenmak'ak angellapaksek atlheianma engvalho'ok apkellelto iglesia apankok Eniapom Neten ham na temma Corinto, kakpota nhan aplhamakho apkelpokkenammap apkakhangko m'a iokhalhma Acaya.

2 Corintios 1:19

Ennengko'o Silvano, Timoteo kakpota nhan ko'o have nentaiangkolha alpengkammalhka atlheianma engelvalho'ok, nelieplavkaskek ennengko'o aptemakha lhta mota Eniapom Neten, metka aptema hai, nlho ka la mma'. Vanlha aptema hai' ma'a aplheianmo mota aptemakha Apketka Jesucristo.

2 Corintios 2:12

Smak'ak aleltennasama ketlhengkap asmeiakho lhta akieto natemma Troade kakpota altennama ania'a aktaqmanma aplhenammap Cristo apto Apveske, apkelpenesave lhtoka apkenmahai'a ellailhok askeltennaikama m'a.

2 Corintios 2:13

Koka ntama lhta evalhok ko'o m'a ngkanek ma lhta atak stema eialheng Tito, ka askelpaivesangko lhta m'a, asmeiakho lhta Macedonia.

2 Corintios 8:23

Koka aptemakha nhan Tito, alhelhma ko nhan mota m'a, nenmakmekama nempasmekha kakpota nkoltaqmelkeskesek apkellangiemhaikama ketlhengkap ham. Koka apqanet lhek engelialheng'a, apkellelto apkellapaskama iglesias, apkellai'o lhnak na Apveske m'a.

Filipenses 1:25

Hai', asiavek ko'o askaimelhke mota apieseksek anak ketlhengkap ham, ka ngkanek mongvetsepak mokhom, alpasmok hata mokhom kakpota nkovanamok meliaskeiam, elloka ta nhan alpaihekha apvalho'ok.

Colosenses 1:1

Ko'o Pablo, asto heiapaskama Jesucristo aniem'o aptema Eniapom Neten, Timoteo nhan alhelhma hengke'e.

Colosenses 1:7

Epafras alhta apto apketlhekmoskama ketlhengkap qaselha nak ma'a, apto nhan nengellamelaiam netlhelhma'ak ennengko'o m'a, apto apkennengkasema apkasekhai'o Cristo apmakmekama nak apieseksek ketlhengkap ham.

Colosenses 4:12

Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

Colosenses 4:9

Onesimo ta nhan etnek aplhelhma m'a, apaivomolhema apankave nak ketlhengkap, avanhek nellamelaiam ma'a, apto nhan hengasekhai'o, eleltennasama ta nhan lhamakho qaselha aktemakha akvetammalhka hengke'e.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

1 Tesalonicenses 3:5

Nlhenaikama evalhok nketlhengkaske lhta mankolianmolhkek asleng'o ania'a apkellengaiangko akientalhnema ketlhengkap ham, ka nkeniemai'ak askapaskamo lhta Timoteo kakpota hesantengkesek ania'a, asmahai'a aihok ania'a aktemakha meliaskeiam ketlhengkap ham. Avanhe lhta ko askai'a hengel·hanmo ngken anak nkolpalesemma ketlhengkap ham, lhta akto la m'a, akhemo lhta ngkotnek nengetlhekmosekamok ketlhengkap ham.

2 Tesalonicenses 2:17

Nelelmalhnema nhan ma'a Eniapom Neten eliennakteskesekhok apvalho'ok, ellangkok nak apkeliennaktema kakpota ellanangkok, etlhenek na mota altaqmelo qaselha.