1 Tesalonicenses 2:5 - Nuevo Testamento Toba Maskoy

⁵ Apkelvetai'a lhta nentaiangkelha metka nellannengvaiam aktaqmanma nelpaqmeiasma angellanhok ketlhengkap, ma lhta nhan anteniaiangkok patakkom apanko'ok la ketlhengkap, apiavek koka Eniapom Neten akto have niapak ankek astakha nak alheianma.

1 Tesalonicenses 2:5 ပူးပေါင်းရင်းမြစ်များ

Hechos 20:33

Apkeliavek ketlhengkap metka askelelmalhnekama lhta askeleltalhnema la'a kakpota nhan patakkom.

Romanos 1:9

Eniapom Neten apto apveske ehenkok, askasennaikama mota asteniai'o nak eiempehek aspaieskamo nak ania'a aplhenammap Apketka, apiavek na m'a atlheianmo mota evalhok ketlhengkap ham.

Romanos 16:18

Nkanek have apkellasennaikama Apveske engankok Cristo m'a enenlhet'avok anak, vanlha aptengiaikamo mota anmahai'elha la apvalho'ok apanko'ok apankavek. Apkeltakmelkasave mota apkelpaqmetkesaikama apkellelto nak meliangveiakmo kakpota eliennengkesek ma'a.

Romanos 9:1

Have niapak ankek asmak'akha nak atnek alheianma, metka asmopvana ania'a ngkanek moi'askeiam Cristo, kanhan Espíritu Santo apmaikama mota aklhenaikama nak evalhok.

2 Corintios 12:17

Hetlheianmo lhna lhta nhan askapaskamo nak Tito kanhan enialheng kakpota aliennengkesek ketlhengkap ma'a. ¿Apkeliennengkeskangke nlho Tito ketlhengkap ham, he? ¡Mma', meliennengkeskamak ma'a! Aptenkek koka malha astonak ko'o, aknemo nhan evalhok ko m'a.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

2 Corintios 4:2

Man na angellanengkok qaselha la nelielhaskeskamo henmankaskama nak, man na nteniangkok na neliennengkeskama la'a, mangeliaqmongkasekhak na mo'ok aktemakha ania'a aktaqmanma nak netlheianma hengellaikamo lhta nhan Eniapom Neten ma'a. Apiavek koka nhan Eniapom Neten akto netlheianma iokhalhmek, apkeliavek na enenlhet'avok ka ngkeniemai'ak manghengeliaskamek ma'a.

2 Corintios 7:2

Elialheng'a, hengenmekho ta takha mokhom ketlhengkap ennengko'o, mongellaneiangkok ennengko'o nkoietemo napaqtavek ketlhengkap, man na annaktevaskamak ma'a, monnaqtevaskamok na angenmakmesamaha.

Galatas 1:20

have niapak ankek lhta m'a aktemakha nak astalheskama, napaqtek na Eniapom Neten astakha nak.

1 Tesalonicenses 2:10

Apkelvetai'a lhta ketlhengkap kanhan Eniapom Neten aktaqmanma akpeivomo nentaiangkolha apieseksek ketlhengkap meliaskeiam anak, nellanengke lhta nhan qaselha akpeivomo, mankollapvanke lhta nhan hengetlhenek enenlhet.

1 Timoteo 3:3

Have apto nak anmen ato', apkennapommap anak, ntasek koka etnek apiamolhma apanko ie, etenia mota metka akmaska, ntasek na etnek metka apiaspekamok apteniai'a patakkom.

1 Timoteo 3:8

Apkenmak'o la etnangkok diaconos nkaimelhkek na ngkotnek nema allai'o apieseksek enenlhet'avok, have nhan etnangkok mangiamo atlhenakha apvalho'ok la'a, have nhan etnangkok anmen ato'ok, have nhan eteniangkok akianmoma aniem'o apkeliennengkeskama enenlhet'avok.

Tito 1:7

Hai, lhema apkemhama apmanie la'a nkaimelhkek etnek metka la aplhenammap ngkanek Eniapom Neten aptemeskeskama m'a kakpota ellanama takhaplhet'ok apkellelto nak Jesucristo apkennemolhema, metnek apkammakpoho, metka aploma, metka nhan akieihama lhma, metka apkennapommap, metka nhan apielhammakpo elkangkok patakkom apteniai'a la akianmoma apmakmekama.

1 Pedro 5:2

Asmak'ak allangkok lhema aspaioma, eltaqmelkes hata enenlhet'avok apkeltemo lhta Eniapom Neten ellanamaha, malha la nepkesek ma'a. Eltaqmelkes hata nhan anmahai'o nkek apvalho'ok, have m'a kno la aliatengko ellanhok qaselha, have nhan akno la akianmoma patakkom, etnamok koka alleklemo nkek apvalho'ok.

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.

2 Pedro 2:3

Ka apketsekama ania'a nak avanhek ankek hata nha ngkotnek apteniaikamok patakkom, elvetak hata m'a aniem'o aptaikamok apkenmopvanka'a ania'a, koka nkovak hato ka nhan iokhalhmek ankek nema aliaqmongkaskesekha' apkeltemakha ngkollatsekama, lhennenga nhan nema akpeneskeskamo ngkolhek hata aliaqmongkaskesakho apkeltemakha m'a.

Judas 1:11

¡Aii enenlhet'avok la ie! Aptaiangkek ma'a aptemakha lhnak nanek Cain. Apkeliennengkeskangkek enenlhet aniem'o apteniaikamok patakkom ka aptemo lhnak nanek na Balaam ma'a. Eletsepok hata m'a aniem'o meleliehekhok ka aptemo lhnak nanek na Core m'a.