1 Tesalonicenses 2:19 - Nuevo Testamento Toba Maskoy

¹⁹ Avanhek nemmahai'a angelvetekhak mokhom ketlhengkap ngkanek apkelpaiesekha mota engelvalhok. Ketlhengkap malha netlhevaikamok akianmoma la nennaksepma nempekkenekha empatek anak, hengellaiangko nhan alel·halhnekama engelvalho'ok envanka'ak hata nhan nkolalhkok engelvalho'ok napaqtek apveske Jesús apvaktamo ta hengke'e.

1 Tesalonicenses 2:19 ပူးပေါင်းရင်းမြစ်များ

Marcos 8:38

¡Ellailhono! Menmangkankek hetlhenek ko'o apkelvakho ta napaqtavek enenlhet apkellanekamok anak ngkollatsekama kanhan apkelleliasepkasekama nak. Koka apkenmangko la hetlhenek asvesai'a ko'o, Enenlhet Apketka nak emangkak hata nhan etlhenek apkelvesai'a ketlhengkap apvaktamo ta akieplomo apmopvana apkaikamok aniem'o Apiapom ma'a, ángeles apkelpokkanma hato ka apketlhelhma'ak ma'a —lhna aptemak.

Juan 21:22

Ka apkatemmongka lhta Jesús ma'a, lhta aptak: —Askelto la niekhe eloka mokhom enenlhet anak akvakmo asvaktamo ta, mankoietok lheiap eihok ma'a, lheiap koka heieplomaha —lhta aptak Jesús.

1 Corintios 15:23

Apmanie aplhatekhangveiam alhta Cristo ngkanek apto neten apankek ma'a apiaspommap, netamen apvaktamo ta mokhom ma'a, enaklhatekhangvomok hata m'a apkellelto nak apkennemolhema apankave nak.

1 Corintios 4:5

Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.

Filipenses 2:16

melieniav ankek na ania'a aktaqmanma akto nak hengaikamok neniennaktema, netamen nkaqhama ta evalhok ko'o m'a apvaktamo ta Cristo ngkanek have aqhemo akientalhnema asmakmekama apieseksek ketlhengkap ham.

Filipenses 4:1

Ka m'a astakha lhkek askellano, ntasek etlhengkesek akiennaktema nkek apkelleliehekho Apveske ketlhengkap elialheng'a askellasekhai'o, heliepvaiakmek nahan, apkelpaiesekha mota evalhok, malha akianmoma la alhevai'a asnaksepma askelhanma epatek ketlhengkap.

1 Tesalonicenses 2:20

Hai', ketlhengkap hengeltemeskeskama alammalhko engelvalho'ok, apkelpaiesakhek na engelvalho'ok.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

1 Tesalonicenses 4:15

Nengeleltennaskek ennengko'o mota hengetlhekmoskama nak aniem'o Apveske, apmaniaie ta elaqlakhak apkellelto nak apkeletsepma meliaskeiam, netamen hata nhan m'a nengelelto nak enhalhnanko'ok apvaktamo ta hengke'e Apveske.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

2 Tesalonicenses 1:4

Vanlha mota netlhenaikama aktaqmanma apkelvesai'a ketlhengkap akieto mo'ok la iglesias apankok Eniapom Neten, ngkanek ketlhengkap nheklhek apketlhengkeskama aliennaktema apvalho'ok meliaskeiam neksa nema akmenlhenaikama kanhan apkellengaiangko akientalhnema.

2 Tesalonicenses 1:7

ellangkok hata nhan apkeliamposammap ketlhengkap apkellelto apkellengaiangko nak akientalhnema, ennengko'o ta nhan ma'a. Hata nkovak ma'a apkelhiakmo ta neten apveske engankok Jesús, apketlhelhma'ak ángeles aknema apkenmopvanka'a aiseksek talha aleivoma.

2 Tesalonicenses 2:1

Ketlhengkap elialheng'a, nengeleltavek angellapiosama angelleltennaksek aktemakha nak ma'a apvaktamo ta apveske engankok Jesucristo kakpota hengankesekhak ennengko'o m'a,

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Santiago 5:7

Ketlhengkap elialheng'a, ellaielh hata aknem metka apkelpekheskama apvektanlha ta Apveske, malha aptonak ma'a aniep aniapom la'a metka apekheskama nak apkelailhema aknem akmamai'akha nak kakpota nhan netamen enaklhek akielhna m'a.

Santiago 5:8

Nnavek na ketlhengkap ma'a elienna ta apkellailhema m'a metka apkelpekheskama ngkanek ketse nkaimelhkak apvektanlha ta Apveske.

1 Pedro 5:4

Netamen apvaktamo ta m'a Apveske apanko'ok apkellanekama nepkesek, etlhevangkok hata akianmoma apkennaksepma apkelelhnekha apkatko'ok metka aktepelkammalhka nhan ma'a.

2 Pedro 1:16

Lhamakho netlhekmosekamok anak aktemakha apmopvana apveske engankok Jesucristo, aktemakha nhan apvektanlha ta m'a, have aniem'o m'a nema hengeltennasekama nak malha nkotno iokhalhme, neliokho engankave lhta nelvetai'a ennengko'o m'a apientalhnakha Apveske.

2 Pedro 3:4

hata etnangkok ellanak ketlhengkap heng: "Ieee, malha apmopvana ania'a aplheianma Cristo evatak hata, apkeletsepaiakmek eniapma'ak, nheklhe mota aktemakha nellaniemhaikama ampai'o lhnak nanek nemo alanei'o lhmankek ham akvakmo nenvanlha nak", hata etnangkok apkelvannaikama m'a.

1 Juan 2:28

Ketlhengkap eietkak apketkok, etlhengkes hata apkelpasmekha Cristo kakpota apvanka'ak na elteteskamok metka apkenmangkasekama, metka altaikama nhan apvalho'ok apvaktamo ta m'a.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.

Apocalipsis 1:7

Elhiemok hata Cristo aiseksek iephopai'a, etakpok hata lhmankek ham, elvetak hata nhan apkellelto lhta apkeliaqlhai'a akvakmo akteiapvakmo nepketama napokha, lhamakho apkellavakha lhmankek ham eliapqalhek hata aniem'o m'a. Hai', hata ngkotnek ma'a. Amen.

Apocalipsis 22:12

—¡Hai, kolhvavek hata avatamok ham! Atsantengkesek hata alianmoma kakpota allangkongvatak moklhem'a enenlhet aptangkolha la apkellanekamok.