1 Tesalonicenses 2:16 - Nuevo Testamento Toba Maskoy

¹⁶ Ma lhta nhan hengellaiangkoho angelpaiaksek ania'a aktaqmanma nenvongkasemmalhka tep apieseksek metnangko judios, koka m'a niaveiangke lhta nhan ngkollatsekama apkellanekamok, koka nkovak hata nhan akiavai'a nema aliaqmongkaskesekha apkeltemakha m'a.

1 Tesalonicenses 2:16 ပူးပေါင်းရင်းမြစ်များ

Marcos 16:16

Mang hata nkek eliaskakmok, ngkolhek hata nhan allavkeso konne iemmen, elvongkasakpok hata nhan tep ma'a. Koka apkeliaskakmo la'a, etlhenakpok hata apnaqtevasemmap.

Hechos 13:45

Apkeliasepkeskangkek noka judios apkelvetai'o enenlhet'avok apentalhnema apkankesekha Pablo m'a, ka apkelempai'akha lhnak apkeliaskama apatno'ok kakpota nhan apkeltaknongkomo neksa apkeltennaikama Pablo m'a.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 14:19

Koka nietemavek nak na apkelvai'o judios apkelleniem'o Iconio kakpota nhan Antioquia, ka apkelpengkangvekho lhnak apvalho'ok enenlhet ma'a kakpota ellammelhkasekha Pablo. Ka apkeliaqneiangko lhnak metaimong ma'a, atlheianmo lhnak apvalho'ok enietsepmak ma'a, apkelienioseikokho lhnak na akieto nepiava temma.

Hechos 14:2

Koka moklhem'a judios apkeliaskeiakmek nak ma'a, ka apkellavkeskamo lhnak na moklhem'a metnangko judios ma'a kakpota ellammelhekhak engelialheng'a.

Hechos 14:5

Ka netamen nak ma'a apiepetkekho lhnak po'ok moklhem'a judios, metnangko judios kakpota nhan apkelemhama apmaniaie apkeleltemo enaqtevaksek Pablo kakpota nhan Bernabe, eliaqnangkok na metaimong kakpota ennapok ma'a.

Hechos 17:13

Koka apkellengai'ak nak judios akieto m'a Tesalonica apkeltennaikama Pablo Eniapom Neten apaivoma natemma Berea, ka apkenmeiekho lhnak ma'a, apkeltemeskeskekho lhnak na mokhom apkeliennengkeskama lhma enenlhet'avok aniem'o apkellammelhma Pablo.

Hechos 19:9

Koka moklhem'a judios nkolleihak ankek nak apvalho'ok, man na nkomahai'ak etnangkok meliaskeiam ma'a. Ka apkelempai'o lhnak apkeliematkesaikama Alhnankok Amai napaqtavek aplhamakho enenlhet'avok ma'a. Netamen Pablo apteiapmo lhnak m'a nemaknekhelha, ka aplaqlekho lhnak na nema altamesaikamok akieto escuela apankok lhema enenlhet apvesai'a Tirano, ka apketlhekmoskamo mota nhan Pablo m'a

Hechos 21:21

Koka apkellengai'ak na ania'a aktemakha apketlhekmoskama lheiap ma'a judios apankave nak apkakhangko m'a apieseksek metnangko nak judios, aplheianveiakmo lhna lhta lheiap ntasek elieniekhak ley Moises anak, ntasek na lhta nhan elieniekhak aptaiangkolha nak apkeltemeskesaikamok apkeliaqtemenkeskama nekha tkok apkellammelhakha apketkak, kakpota nhan ntasek na lhta nhan elieniekhak nentaiangkolha nak ennengko'o hengke'e judios.

Hechos 23:12

Mo'ok aknem na lhta ntemak ma'a, moklhem'a judios, tep 40 lhna lhta m'a, apkelpeneskamo lhna lhta ania'a kakpota ennapok Pablo. Apkelpeneskamo lhna lhta nhan apkelpaqmeiasma metka aptaveikokha, metka apienaikamok akvaiakmo lhna lhta apkennapo Pablo. Lhna lhta metnangko la aptaiangkolha lhnak ma'a, ntasek na lhta nkovak akientalhnema takhaplhet'ok ma'a.

Hechos 24:9

Apkeltemeskeskangkek na lhta nhan iokhalhmek napokha judios apkellelto apkelvaiam ma'a.

Hechos 25:2

Ka apkelteteskai'o lhnak ma'a apkelemhama apmaniaie sacerdotes kakpota nhan judios apkellelto neten apankavek ma'a apkenmahai'a etselhnanak mokhom Pablo.

Hechos 25:7

Apkelvekhek nak na m'a judios apkelleniem'o Jerusalen, apketlheianmo lhnak meihamolhma Pablo m'a, apkelanei'o nhan ngkolatsekama nkek, mannoka niekhe elvetaskeskamak iokhalhmek ankek apkelanai'a qaselha ngkolatsekama Pablo m'a.

Hechos 4:12

Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.

Hechos 9:23

Netamen nlhaniek na ntemak aknem akiekai'a m'a, apkellanekho lhnak aptangkolha apkelemhama apmaniaie apkenmahai'a ellaqhek Saulo m'a.

1 Corintios 10:33

Askelienlhanakmek ko mota nkollekkasama apvalho'ok aplhamakho enenlhet'avok astemakha, metka asteniai'a ehenkok ehenke', asteniak koka kakpota altakmelkeskesek apkellangiemhaikama emmo'ok la'a kakpota nhan ngkolhek alvongkaso tep.

Galatas 5:11

Elialheng'a, nlho lhta askeleltennasengka la eliaqtemenek nekha tkok apkellammelhakha ketlhengkap, manghemenlhenama nlho lhta judios, melleve nlho lhta nhan hellanhoho alheno la ania'a aktemakha iamet aktenneskama.

Efesios 3:13

Ka nkanek ntasek mankollaiosek apvalho'ok ketlhengkap aniem'o apkellengai'a aslengaiangko akientalhnema henke'e, aslengangkek ko aniem'o asmahai'a alpasmok ketlhengkap, koka ntasek malha alammalhko apvalho'ok hellanghok ketlhengkap ham.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

1 Tesalonicenses 1:10

apkelel·halhneiangka lhna lhta nhan Apketka Jesús apto lhta nhan aplhatekhangveiam apieseksek apkenmaskengvaiakmo enielhiemok ma'a neten evatamok mokhom hengke'e kakpota hengelvongkesek tep ennengko'o neksa akvai'a ta apiaqmongkasekha apkeltemakha ngkollatsekama enenlhet'avok halhmankek ham.

2 Tesalonicenses 2:10

Elanekhak hata aptakha m'a lhamakho aktemakha qaselha ngkolatsekama kakpota eliennengkesek enenlhet'avok apkellelto ta apkenmaikamok ma'a akieto apkenmaskengvaianlha ngkanek mankonmahai'ak enmankok takha akto have niapak ankek, mellamelaikama nhan ma'a kakpota elvongkasakpok niekhe tep ma'a.

1 Timoteo 2:4

apkeltemo nhan angelvongkasalhkak tep nenlhamakho, angeliangvomhok na akto have niapak anke'.

Hebreos 6:8

Koka aktepo la vanlha menevke kanhan iammeiak, mankolatsama ta m'a lhepop aktek anak. Ketsek hata nhan nkaimalhkak nema akiemetkeskama ta m'a, netamen ngkolhek hata nhan alvanlhakho m'a.

Apocalipsis 22:11

Eniangko ta enenlhet meihamolhma la'a elhengkese pankek aptemakha m'a, eniangko ta nhan enenlhet akpaiseiam la apvalhok elhengkese pankek na m'a. Eniangko ta nhan enenlhet apto la apeivomo elhengkese apankek aptema apeivomo m'a, kanhan enenlhet apto la apokkenammap eniangko nhan elhengkese pankek aptema apokkenammap ma'a —lhta aptak heiano m'a ángel.