1 Tesalonicenses 2:14 - Nuevo Testamento Toba Maskoy

¹⁴ Apaivomolhema apankave lhta nhan apkenmenlhenaikama ketlhengkap ma'a, lhta nhan ntemak ma'a iglesia apankok Eniapom Neten akieto m'a Judea aniem'o meliaskeiam Cristo, apaivomo lhema apankave lhta judios apkenmenlhenaikama m'a.

1 Tesalonicenses 2:14 ပူးပေါင်းရင်းမြစ်များ

Hechos 11:19

Netamen apmatnama lhnak Esteban ma'a, ampai'akha lhnak aknema akmenlhenaikama apkellelto meliaskeiam. Moklhem'a lhnak apkenmaiangkok apkeniaikamok akieto Fenicia, Chipre, kakpota nhan Antioquia, ka apkeleltennaskeiakmo lhnak Eniapom Neten apaivoma m'a apkelvaianlha la'a. Vanlha lhnoka apkellelto judios ma'a, man noka eleltennaskamak metnangko nak judios.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 14:19

Koka nietemavek nak na apkelvai'o judios apkelleniem'o Iconio kakpota nhan Antioquia, ka apkelpengkangvekho lhnak apvalho'ok enenlhet ma'a kakpota ellammelhkasekha Pablo. Ka apkeliaqneiangko lhnak metaimong ma'a, atlheianmo lhnak apvalho'ok enietsepmak ma'a, apkelienioseikokho lhnak na akieto nepiava temma.

Hechos 14:2

Koka moklhem'a judios apkeliaskeiakmek nak ma'a, ka apkellavkeskamo lhnak na moklhem'a metnangko judios ma'a kakpota ellammelhekhak engelialheng'a.

Hechos 14:4

Koka enenlhet'avok anak ma'a apkelhpankesammakpek nak ma'a, napokha lhnak apkelieplomak apkelemhama apmaniaie judios kakpota nhan napokha nema allapaskamo.

Hechos 14:5

Ka netamen nak ma'a apiepetkekho lhnak po'ok moklhem'a judios, metnangko judios kakpota nhan apkelemhama apmaniaie apkeleltemo enaqtevaksek Pablo kakpota nhan Bernabe, eliaqnangkok na metaimong kakpota ennapok ma'a.

Hechos 17:13

Koka apkellengai'ak nak judios akieto m'a Tesalonica apkeltennaikama Pablo Eniapom Neten apaivoma natemma Berea, ka apkenmeiekho lhnak ma'a, apkeltemeskeskekho lhnak na mokhom apkeliennengkeskama lhma enenlhet'avok aniem'o apkellammelhma Pablo.

Hechos 18:12

Netamen ma'a aptaiekho lhnak gobernador natemma Acaya lhema enenlhet apvesai'a Galion, apkaqnekho lhnak moklhem'a judios apkellammelhma Pablo, ka apkeliantemekho lhnak akieto aliekpelkammalhkelha nentaiangkolha m'a,

Hechos 8:1

Apnengkek nak ma'a Saulo apkennapmo enenlhet Esteban, nietemavek nak na aktemakha aklheianma apvalhok ma'a. Koka aknem nak ma'a ampai'o lhnak nema akmenlhenaikama iglesia akieto Jerusalen, apkelhpanmek nak aplhamakho apkenmaiangko lhnak mok iokhalhma Judea kakpota nhan Samaria, koka nema allapaskamo mang nak enieniaiangkok ma'a.

Hechos 8:3

Man nak eltaqmelkeskamak Saulo apkellelto iglesia, apkelentalhnekama lhnak apkakhaiangkelha kakpota elentepkesek neksa mellasekhai'a apkelennava'ak kakpota nhan ngkelvana'ak, apkelentalhneskamo lhnak na nengaqlhengkasemmalhkelha m'a.

Hechos 9:1

Aplomavek nak Saulo apmahai'avek nak ennapok aplhamakho apkeltamesaikamok Apveske, ka apmeiekho lhnak ma'a akieto apnakha apiav'akha sacerdote.

Hechos 9:13

Ka apkatemmoiangka lhnak Ananias, lhna aptemak: —Apveske, aslengai'ak ko'o apvesai'a enenlhet anak ma'a, avanhek apnaqtevaskama apkellelto lheiap apkelpokkanma akieto m'a Jerusalen.

Hechos 9:31

Metka akmaska lhna ntemak apkakhaikamok ma'a apkellelto iglesias akieto iokhalhma Judea, Galilea, kakpota nhan Samaria. Ntepeiangkek nak apkeliangveiakmo aptemakha Eniapom Neten, aplhameiangkek nak enenlhet ma'a aniem'o apkelpasmoma Espíritu Santo, apkellai'avek na mota Apveske m'a.

1 Corintios 10:32

Mellanamo nkek qaselha alietnokhaskeskama la apvalho'ok judios, metnangko nak judios, ka nhan apkellelto nak iglesia apankok Eniapom Neten.

1 Corintios 7:17

Asmak'ak alhenek mokhom, apkellavema lhta Eniapom Neten ketlhengkap neksa metka nema aliaqtemenkeskama nekhatko'ok apkellammelhakha, ntasek na kolhvave nak meteniankek ma'a. Apkellavema lhta nhan Eniapom Neten neksa aknaikamo nak aliaqtemenammalhka nekhatko'ok apkellammelhakha ketlhengkap, melposamonkoie aknangko la aliaqtemenammalhka nekhatko'ok apkellammelhakha. Ka henganemakha askellaikamok ketlhengkap hengke'e, kanhan askellaikamok aplhamakho iglesias asmaiangkolha lhta mota, ntasek mokhom elieplavkesek aptaiangkolha apankave lhta neksa apkellavekama Eniapom Neten.

Galatas 1:22

Lhtoka mangheliekpelkemak asiokha ehenkek ma'a iglesias apankok anak Cristo akieto m'a iokhalhma Judea,

1 Tesalonicenses 1:1

Ennengko'o Pablo, Silvano, kakpota nhan Timoteo, nketlhenkek engelvalho'ok iglesia akieto nak ham Tesalonica, apkellelto apkelpasmekha Eniapom Neten apto eniapma'ak kakpota nhan Apveske Jesucristo. Nengeleltavek eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

1 Tesalonicenses 1:6

Apketlhengkeskangkek ketlhengkap hengelvanekamo nentaiangkolha ennengko'o kakpota nhan aptemakha lhta Apveske, avanhe lhta niekhe apkellengaiangko akientalhnema ketlhengkap ham, nkaqho lhtoka apkenmaiangkek takha ania'a aktaqmanma akieplomo alpaihekha apvalho'ok aniem'o Espíritu Santo m'a.

1 Tesalonicenses 3:4

Neksa nengakhengveiam alhta apieseksek anak ketlhengkap ham nelpenesave lhta neleltennaskama nkovak hata akientalhnema, ntemengkek na lhta m'a apkelvetai'a ketlhengkap.

2 Tesalonicenses 1:1

Ennengko'o Pablo, Silvano kanhan Timoteo nketlhenkek engelvalho'ok iglesias akieto apiav'akha temma Tesalonica apkellelto nhan apkelpasmekha Eniapom Neten eniapma'ak ennengko'o kanhan apveske engankok Jesucristo.

2 Tesalonicenses 1:4

Vanlha mota netlhenaikama aktaqmanma apkelvesai'a ketlhengkap akieto mo'ok la iglesias apankok Eniapom Neten, ngkanek ketlhengkap nheklhek apketlhengkeskama aliennaktema apvalho'ok meliaskeiam neksa nema akmenlhenaikama kanhan apkellengaiangko akientalhnema.