1 Tesalonicenses 2:13 - Nuevo Testamento Toba Maskoy

¹³ Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

1 Tesalonicenses 2:13 ပူးပေါင်းရင်းမြစ်များ

Lucas 11:28

Koka apkatemmoiangka lhnak Jesús, lhna aptemak: —Koka neten ankek ma'a aktaqmelakho enenlhet apkelelto apkellailhemo Eniapom Neten kakpota nhan apkeleliehekho —lhnak aptemak ma'a.

Lucas 5:1

Aplomaka lhnak Jesús nekha alvata akieto Genesaret, apkanvei'o lhnak enenlhet'avok apnakha m'a kakpota ellailhok ania'a aniem'o Eniapom Neten.

Lucas 8:11

Hai', kolhva smak'ak alpeiveskasekhak asietkeskama lhkek. Ka aktek anak akietkesammalhka Eniapom Neten apaivoma.

Lucas 8:21

Ka apkatemmoiangka lhnak Jesús ma'a, lhna aptemak: —Enenlhet apkellelto apkellailhemo ania'a aktaqmanma, apkellasekhai'o nhan Eniapom Neten, koka elialheng'a m'a ka nhan meme' —lhna aptemak.

Juan 15:3

Apkelalhnai'o ketlhengkap aniem'o aspaioma askeleltennaskama.

Juan 17:17

Etneskesamok apkelpokkanma lheiap aniem'o apaivoma akto have niapak ankek.

Juan 17:19

Aspokkenammalhko nak kakpota atlhekmosangkok helieplekama lheiap apaivoma akto aktaqmanma nkek, kakpota etnangkok na apkelpokkanma apkellasennaikama la lheiap.

Hechos 10:33

Ka askellapaso lhta enenlhet kakpota eliantementak lheiap hengke'e, ka apkelhiakmo hengke'e ngkanek apiave lhma lheiap, koka kolhvave nak ennengko'o nelanelhkek nengakhangko napaqtek Eniapom Neten, nemmak'ak angellailhok aplheno lhta Apveske lheiap —lhna aptemak Cornelio.

Hechos 13:48

Nkelpaihekhek nak apvalho'ok metnangko judios apkellengai'o m'a, apketlheianmo lhnak na aktaqmanma Eniapom Neten apaivoma, meliaskeiakmo nhan apkellelto apkeliekieskama Eniapom Neten kakpota ngkoitek aliennaktema apnenio'ok mankotnengvaianlha nnelha.

Hechos 16:14

Lidia lhta akvesai'a lhema ngkelvana, ko Tiatira lhna lhta m'a, ietamopai'a apmennave lhta alhakhama apkelelqama'ak alhto ka iama apkel·hanaktema. Nkai'avek na lhta mota Eniapom Neten ma'a, nkailhangke lhta nhan apketlhekmoskama Pablo aniem'o Apveske aptemeskeskamak ma'a.

Hechos 17:11

Apkeltakmelkasemmakpo apankavek nak ma'a judios, havek lhnak aptangko nak judios ko Tesalonica, apkelleltakmelkeskamavek nak apkellailhemo apketlhekmoskama Pablo. Apkelleliaiangka lhnak na Vakkahak Eniapom Neten Apaivoma kakpota elvetak have niapak ankek aptemakha apketlhekmoskama Pablo.

Hechos 17:32

Neksa apkellengai'a lhnak enenlhet'avok aktemakha nennaklhatekhangveianlha apieseksek apkenmaskengvaiakmo, ka apkeliematkesaiangka lhnak Pablo m'a, lhnak aptemak po'ok: —Mo'ok aknem hata angetlhengkasekhok mokhom nellailhemo aktemakha aplheno nak lheiap —lhnak aptaiangkok ma'a.

Hechos 2:41

Nnengkek nak allavkeskamo konne iemmen apkellelto meliaskeiam aptemakha apkeltennaikama Pedro m'a, aplhameiangkek nak aptaikamok meliaskeiam Jesús ma'a, malha lhnak 3.000 enenlhet'avok ma'a.

Hechos 8:14

Apkellengai'ak nak ma'a nema allapaskamo akieto Jerusalen enenlhet ko Samaria apkenmaiangko takha ania'a Eniapom Neten apaivoma, ka knemo lhnak allapaskamo Pedro kakpota nhan Juan ma'a.

Romanos 10:17

Amanie sekhek ellailhok ania'a aktaqmanma, netamen ma'a nkovak meliaskeiam Eniapom Neten apaivoma.

2 Corintios 3:18

Ennengko'o nhan nnengkek hengel·hatsoskeskamo malha ietamopai'a nengelapma nengaqta'ak, malha nhan ennengko'o akto nak ieiam appok nelanei'o nak nenga'at, apkelvet'o la ieiam appok lhaiek apkelvet'ak na apiavai'a apankek Eniapom Neten ma'a, niavengkek na aklhamakho aknem nennekho m'a aniem'o Espíritu.

Galatas 4:14

Malha aliasekamo lhma lhta ntemak nemmaskema ehenkok ketlhengkap ma'a, mokhom alhto ka heltaqmelkeskama m'a, mang na heltaknongkomak, henmankek takha malha stonak ángel Eniapom Neten la apkapaskama, malha niekhe nhan Cristo apanke'.

Colosenses 1:6

akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.

Hebreos 4:12

Ka Eniapom Neten anak apaivoma nietnek akmovana, hengaikamok na akiennaktema ennenio'ok, malha aktonak pelettav akvenaktema akmovana nkoiaqtemenek neten ankek koka m'a, aselhtek ma'a pelettav anak hanet nekha'ak la anmalhnemmalhka. Nkoklhek akvakmo konne kankek engvalhok kanhan akvakho eniempehek. Akvakmo konne kankek apvalho'ok la enenlhet, kanhan akiekpelkemo alketamekama apvalho'ok kanhan apkenmak'akha la ellanangkok.

Hebreos 4:2

Nnengke lhta hengeleltennaskamo ennengko'o ania'a aktaqmanma nak, ka ntemak na nelieihengka'a m'a apkellengai'ak nahan, aqhemo koka ntemak ngkanek apkeliaskeiakme lhta m'a ania'a nak.

Santiago 1:18

Hengeltemeskeskangke lhta malha alhnankok nelpalleiam Eniapom Neten aniem'o ania'a aktaqmanma nak akto have niapak ankek akvakmo nentangko malha qaselha apankok la allelto neten ankavek altakmanma aiseksek ma'a lhamakho qaselha apkelentepkeskama lhta.

1 Pedro 1:23

ngkanek malha apalleiam la alhnankok mokhom, have aktonak ma'a engken anak hentengkeskama, ketlhengkap koka apalleiam aniem'o Eniapom Neten apaivoma nak akto akietnema aktema alhnankok, mangkotnengvaiam na nnelha.

1 Pedro 1:25

koka Eniapom Neten apaivoma nak metka aktemongvaiam annelha». Ka apaivoma nak akvesai'a ania'a aktaqmanma nema aleltennaskama lhta mota ketlhengkap.

1 Pedro 2:2

Malha aptonak nematka nak kolhva apteiam la'a niaksek emahak neme, melles hata nhan enmahangkok ketlhengkap malha aptekamok aktaqmanma nke allaikamok la aliennaktema apvalho'ok kakpota nkovanamok meliaskeiam, ngkolhek na alvongkaso tep ma'a

2 Pedro 3:2

Kotlheianvakho no apvalho'ok apketlhekmosekamo lhnak nanek apkeleltennasemmap ania'a annenga apkelpokkenammap, kotlheianvakho ta nhan apvalho'ok apkellanemakha etnangkok apveske apto henvonkeskama tep, kakpota nhan apketlhekmosekamo alhta nema allapaskama.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.