1 Tesalonicenses 2:11 - Nuevo Testamento Toba Maskoy

^11-12 Apkelvetai'a lhta nhan neliatekho ketlhengkap kanhan nelpaieskaiakmo apvalho'ok moklhem'a ketlhengkap malha apto nak lhema apiapom nematka aptaqmelkeskaiam la apvalhok apketka, nengeleltennaso lhta nhan etnangkok aptaiangkolha apkelpeivomo ngkanek apkellelto apkennemolhema Eniapom Neten, apto lhta nhan apkellavekama kakpota eltemengvomok ma'a apkelveskaie' kakpota nhan apkelientalhnemo.

1 Tesalonicenses 2:11 ပူးပေါင်းရင်းမြစ်များ

Lucas 16:28

kakpota eleltennaskakhak 5 elialheng'a aktakha asvetai'a hengke'e, elianmongkesek hata apvalho'ok kakpota melvek hengke'e nenlengaiankolha nak akmaska akiavai'a", lhna aptemak ma'a.

Hechos 20:2

Aptaiangka lhnak amaika'a m'a lhamakho apkellavakha akietelha la apmeiekhelha, apkeliatekho lhnak apkelialheng'a m'a, netamen nak ma'a apvakho lhnak Grecia.

Efesios 4:17

Kolhva asmak'ak atnek allana aktaqmanma nkek hengke'e akieplomo apvesai'a Apveske, ¡metnamo nkek ketlhengkap aptaiangkolha nak melioho nak Eniapom Neten! Apkelieplavkaske mota alietnaikama apaqto'ok nkolietemo m'a.

1 Tesalonicenses 2:7

Envanka'a nlho lhta niekhe angeliatangkok hengelleliehekhok ennengko'o ketlhengkap, ngkanek nengelelto hengellapaskamo pankok Cristo, koka ma lhta ntaiangkok ma'a, malha alhta nentaiangkok aktaiangkolha nak nematkak. Neltaqmelkeskanke lhta mota malha aktona ngken altakmelkeskama nak atkak.

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

1 Tesalonicenses 4:6

Menaqtevaskamanke lhma, meliennengkes na po'ok aktemakha m'a qaselha ngkolatsekama lhkek, nellaskangke lhta ennengko'o m'a akiavai'a nkek la apiaqmongkasekhak Apveske.

1 Tesalonicenses 5:11

Ka ngkanek ntasek eleliatekhok po'ok, eleliennakteskasekhok na apvalho'ok po'ok lhamakho aknem.

1 Tesalonicenses 5:14

Elialheng'a, nengellapiosavek ennengko'o ketlhengkap neleltemo ennavaksek apkellelto la menmakmekama ham, eliatekho ta nhan ma'a apkellelto nak anmaiosak'a apvalho'ok, elpasem hata nhan meliennaktema nak, kakpota nhan etnangkok metka apkelpekhesammap apieseksek anak ham.

2 Tesalonicenses 2:5

¡Nkotlheianvakho ta mota apvalho'ok, askeleltennaskamo lhta mota qaselha ngkolatsekama nak neksa asnema lhta ham!

2 Tesalonicenses 3:12

Koka nentangkok nellano ennengko'o enenlhet'avok anak ma'a ntasek enmakmama kakpota elvetak aptekamok, nengeleltavek ennengko'o m'a aniem'o apientalhnemo apveske engankok Jesucristo.

1 Timoteo 5:21

Askeltave etnek lheiap napaqtek Eniapom Neten, Jesucristo, kanhan ángeles apkeliekieskama, eliehekhok henganemakha astakha lhkek askano, etne apeivomo napaqtavek aplhamakho enenlhet'avok, etne ta nhan apneskamo mo'ok apkellanei'o po'ok.

1 Timoteo 5:7

Lheiap Timoteo, eniana ta eleliehekhok lhamakho askeltakha nak etnangkok kakpota mankolentepkasalhkek apkelvesai'a m'a,

1 Timoteo 6:13

Koka kolhvave nak napaqtek Eniapom Neten apto apkellaikamok aliennaktema lhamakho qaselha lhmankek ham, kanhan napaqtek Jesucristo apto apvetaskeskamo lhta napaqtek Pilato metka apkelanai'a ngkolatsekama, apvetaskeskaiakmo lhta nhan aktaqmelo hengetlhekmoskama aktemakha mongiaskeiam anak,

1 Timoteo 6:17

Elelto ta nhan lheiap menianek ellakpok apkellelto nak nema apkelletsekama nenvanlha nak, mellanek na nkolhnangkok alel·halhnekama apvalho'ok aniem'o nkeskama apkelletsekama ngkanek nkomaskengvomok hata m'a. Koka ntasek ma'a nkolhnangkok alel·halhnekama apvalho'ok aniem'o Eniapom Neten, hengellaiangko nhan nkeskama qaselha aimommalhkelha la m'a kakpota nkoltaqmelek nellaniemhaikama m'a.

1 Timoteo 6:2

Moklhem'a koka apkakhangkek apkelveskai'e apanko'ok apkellelto Jesucristo apkennemolhema m'a, motlhenankek na apvalho'ok apkenmakmesangka la'a ntasek meteniankek apiempeiok ngkanek malha apkelialheng'a apankavek. ¡Ma'! Ntasek eteniangkok apiempeiok neksa apkenmakmesaikama m'a aniem'o aknemo mo'ok meliaskeiam ketlhengkap ma'a, malha apkelto nak apkelialheng'a apankavek apkellamelammakpo la'a. Askeltavek ko'o etnek lheiap apketlhekmoso ta hengke'e,

Tito 2:15

Hai', ka hengke'e ntase mota etlhekmoksek lheiap. ¡Eliatekhok, ennaves nahan akieplomo apientalhnemo, meniangko nhan lheiap ngkolhek aktemeskesantamo koneng!

Tito 2:6

Eleltennasamok hata nhan apketko'ok anak nkotlhenek apvalho'ok amanie apkenmak'akha la ellanangkok lhamakho qaselhaha,

Tito 2:9

Eleltennasamok hata nhan apkelelto nak nema allasennaikama nema apkelianmoma ellanak eleliehekhok apveske apanko'ok, ellana ta nhan etnangkok ellanhok nalhep'avek apvalho'ok ma'a, have nhan ellatemmongho'.

Hebreos 13:22

Elialheng'a, ntasek eltaqmelkaso apkellailhemo akiakvatema nke niekhe askeliatekho nak asnaktalheskeskama ketlhengkap.

3 Juan 1:4

Avanhek ankek na akpaihekha evalhok neksa aslengai'a ania'a eietkak apkelleliehekho akvesai'a nak akto have niapak anke.