1 Tesalonicenses 1:6 - Nuevo Testamento Toba Maskoy

⁶ Apketlhengkeskangkek ketlhengkap hengelvanekamo nentaiangkolha ennengko'o kakpota nhan aptemakha lhta Apveske, avanhe lhta niekhe apkellengaiangko akientalhnema ketlhengkap ham, nkaqho lhtoka apkenmaiangkek takha ania'a aktaqmanma akieplomo alpaihekha apvalho'ok aniem'o Espíritu Santo m'a.

1 Tesalonicenses 1:6 ပူးပေါင်းရင်းမြစ်များ

Juan 8:12

Lhta aptak mokhom Jesús apkellano enenlhet: —Ko'o asto malha apommatema apieseksek enenlhet'avok apkellokha la'a, apkellelto la helieplekama nkolhnangkok hata apommatema hengaikamok akiennaktema enneniek, melloka ta ienaqtesakha lhma —lhta aptak.

Hechos 13:52

Koka neptamna'ak nema altamesaikamok ma'a akieto Antioquia nkelpaihekhek nak apvalho'ok kakpota nhan apkellaneiangkek nak apvalhok Espíritu Santo m'a.

Hechos 5:41

Ka apkellenteiapmo lhnak nema alapaskamo napaqtave apkelientalhnakha apkelveskaie, nkelpaihekhek nak apvalho'ok ngkanek apkellengaiangkek nak akmaska aniem'o apketlheianma Apvesai'a m'a.

Hechos 9:31

Metka akmaska lhna ntemak apkakhaikamok ma'a apkellelto iglesias akieto iokhalhma Judea, Galilea, kakpota nhan Samaria. Ntepeiangkek nak apkeliangveiakmo aptemakha Eniapom Neten, aplhameiangkek nak enenlhet ma'a aniem'o apkelpasmoma Espíritu Santo, apkellai'avek na mota Apveske m'a.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

1 Corintios 11:1

¡Helvanamo ta mota astemakha nak ko'o, ko'o nhan asvaneiangke aptemakha lhta Cristo!

1 Corintios 11:2

Askeltaqneskasengkek ketlhengkap ngkanek nketlheianvakhe mota apvalho'ok ko'o, apkelleliahakhavek na askeleltennasekamo lhta etnangkok.

1 Corintios 4:16

ka nkanek askeltavek helieplo'ok amai astemakha nak ko'o.

2 Corintios 6:10

Malha anmaiosak'a engelvalho'ok hengeltemeskeskamak ma'a, koka avanhek ankek alpaihekha engelvalho'ok. Lhamakho aknem nellaniemhaikama metka qaselha engankok, koka nkaqhok nelpasmongkek enenlhet'avok kakpota etlhevangkok akiavai'a malha aknema apkelletsekama la'a aniem'o ania'a aktaqmanma nelpaieskama. Malha nhan nentaiangkok enenlhet la metka apkelletsekama, koka nnaiangkek niekhe qaselha alaimommalhkelha la'a ennengko'o.

2 Corintios 8:5

Apkelpenesave lhta nhan apketlheianma kakpota ellasennama aktaqmanma nkek Apveske, kakpota nhan angellasennama ennengko'o. Aptangke lhta apkelleltemakha la etnangkok Eniapom Neten ma'a.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Efesios 5:1

Ntasek elvanangkok ketlhengkap aptemakha nak Eniapom Neten aniem'o apketkak apkellamelaiakmo m'a.

Filipenses 3:17

Ketlhengkap elialheng'a, elieplavkes hata astemakha nak ko'o, ellanhok na napokha aptaiangkolha apketlhengkeskama nak aktaqmanma, apkellelto nak apkelieplavkeskama nentaiangkolha nak ennengko'o.

2 Tesalonicenses 1:4

Vanlha mota netlhenaikama aktaqmanma apkelvesai'a ketlhengkap akieto mo'ok la iglesias apankok Eniapom Neten, ngkanek ketlhengkap nheklhek apketlhengkeskama aliennaktema apvalho'ok meliaskeiam neksa nema akmenlhenaikama kanhan apkellengaiangko akientalhnema.

2 Tesalonicenses 3:7

Ketlhengkap koka ntasek elvanangkok nentaiangkolha lhta ennengko'o hengelvetai'o lhta ham, akietemo nke lhta nentaiangkolha m'a,

2 Tesalonicenses 3:9

Envanka'a nlho lhta niekhe angellelmalhnama hengelpasmoma aniem'o nelemhama enmaniaie ennengko'o, koka montaiangkok ma'a kakpota nhan etnangkok ketlhengkap ma'a nentaiangkolha lhta ennengko'o.

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

Hebreos 10:34

Apkelietnai'ave lhta nhan napaqta'a aplhatmommap la'a, nkelpaihekhe lhta nhan apvalho'ok neksa nemo al·hatsoskeskama qaselha apanko'ok ngkanek apkeliavek ketlhengkap nnaiangkek qaselha apanko'o metka akmaskengvaiam ma'a neten.

1 Pedro 1:6

Avanhek alpaiesekha apvalho'ok ketlhengkap ania'a nak, niekhe apkelvetai'a moklhem'a aknem aliepkonma, koka iakvatakho nkek ma'a.

1 Pedro 1:8

Melvetai'ok ketlhengkap Jesucristo, apkellasekhai'o koka m'a, mang na eliaskeiakmok nahan, avanhek ankek na alpaihekha apvalho'ok aliekangveiakmo

1 Pedro 3:13

Koka apkellanengko la mota ketlhengkap qaselha altaqmelo, netamen mamma enenlhet ellaneskeskak na qaselha ngkolatsekama m'a,

3 Juan 1:11

Lheiap eialheng askasekhai'o, meieplavkesankek lheiap aptaiangkolha nak meliamolhma, ntasek koka eieplavkesek ma'a aptaiangkolha nak enenlhet apkeliamolhma nak. Enenlhet apkelan'o la qaselha aktaqmelo, koka apto apasmekha Eniapom Neten ma'a. Koka enenlhet apkelan'o la qaselha ngkolatsekama, metak Eniapom Neten.