Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Tesalonicenses 1:5 - Nuevo Testamento Toba Maskoy

5 Have vanlha mo'ok engatno'ok alhta nentangkok neksa neleltennaskama lhta ania'a aktaqmanma apieseksek ketlhengkap ham, nellan'a lhta nhan qaselha hempelapkeskama aniem'o apmopvana Eniapom Neten kakpota nhan Espíritu Santo. Ka alpekhesangka lhta ketlhengkap metka apkaimommap akto have niapak ankek ania'a nengeltennaikama ennengko'o. Hai, apkeliavek ketlhengkap vanlha lhta mota nengeleltemo nkoltaqmelek apkakhaikamok neksa nengakhengveiam alhta ham.

အခန်းကိုကြည့်ပါ။ ကော်ပီ




1 Tesalonicenses 1:5
60 ပူးပေါင်းရင်းမြစ်များ  

Ka apketlhengamo lhnak apkeltamesaikamok, apkeleltennaseiangka lhnak ania'a aktaqmanma lhma nkek ham, apkelpasmongkek nak na Apveske ma'a, apkellaiangkek nak apkenmopvanka'a kakpota ellanangkok qaselha mongenatkeskama. Apkeltemeskeskamo nhan iokhalhmek ankek apkellengai'a ania'a enenlhet'avok ma'a.


Askeltavek altennaksek ania'a lheiap aktemakha lhta hengellanei'o Eniapom Neten nenieseksa ennengko'o. Mantek na enenlhet apnaktalhesaikamok aktemakha ania'a nak ma'a,


Nnaiangkek nak apkenmopvanka'a m'a aniem'o Apveske, apkellelto apkellailhemo apkeleltennaikama apkelpengkaiakmo lhnak apvalho'ok akieto m'a apnakha Apveske, meliaskeiakmo nhan ma'a.


Lidia lhta akvesai'a lhema ngkelvana, ko Tiatira lhna lhta m'a, ietamopai'a apmennave lhta alhakhama apkelelqama'ak alhto ka iama apkel·hanaktema. Nkai'avek na lhta mota Eniapom Neten ma'a, nkailhangke lhta nhan apketlhekmoskama Pablo aniem'o Apveske aptemeskeskamak ma'a.


Ka apiantemakho lhta nhan neten apneso napokha akieto akiennakha apoktong, apkaiangkek na Espíritu Santo. Kolhva koka Jesús apiangkenkek tekhenlhet'ok ennengko'o m'a aptemakha lhta nhan apaivoma apeneskamo hengeleltennaskama, ka nkeniem'ak ma'a apkelleng'o lhkek, kanhan apkelvet'o lhkek qaselhaha.


Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.


Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.


akvo'o ta aknem Cristo Jesús hata etnek hengeliekpelkemo m'a qaselha alielhammalhko nak engelvalho'ok nenlhamakho aptemakha nellanekamok. Hai', hata ngkotnek ma'a astemakha na mota asketlhekmoskama ania'a aktaqmanma nak.


Koka nengelelto nak hengellavekama Eniapom Neten, judios kanhan griegos, neliavek aktaqmanma nke nak apeneskamo lhta apmak'akha etnek Eniapom Neten, apkapaskama Cristo kakpota enietsepok neten iamet aktenneskama, ntemenke lhta m'a aniem'o apmopvana m'a.


Askelienlhanakmek ko mota nkollekkasama apvalho'ok aplhamakho enenlhet'avok astemakha, metka asteniai'a ehenkok ehenke', asteniak koka kakpota altakmelkeskesek apkellangiemhaikama emmo'ok la'a kakpota nhan ngkolhek alvongkaso tep.


Kotlhen hata apvalho'ok ketlhengkap elialheng'a, malha Eniapom Neten apnemakha ketlhengkap, apnek Espíritu apankok Eniapom Neten apvalho'ok ketlhengkap.


Malha askanma lhta ko'o aktek, netamen Apolos alhto ka apiaskesaikamok, Eniapom Neten alhto ka nhan apkaktengkeskama m'a.


Nkanek aptemakha nak Apveske Eniapom Neten have mok engatong neliatekama m'a, vanlha koka aknema akmovana m'a.


Apveske nhan apkeltemo etlhevangkok akianmoma apkellelto nak apkelpaieskama ania'a aktaqmanma.


Hengellangke lhta nhan Eniapom Neten nenmopvanka'a angelpaiaksek hata ania'a aktemakha alhnankok annemo mo'ok apvalho'ok apkenmahai'akha etnangkok ma'a aniem'o nhan Espíritu apto nhan hengaikamok akiennaktema enneniek, koka have aniem'o m'a ley henlheianma nak ammatong hata.


Eniapom Neten alhta heteskeskama apkeltemo aniakhak ma'a, nengaqnakhe lhta m'a mok engankavek ennengko'o m'a apkelientalhnakha apkelemhama apmaniaie nemakha allai'o m'a, askeleltennasema lhta ania'a aktaqmanma aktemakha askeleltennasekama mota apieseksek ma'a metnangko nak judios kakpota elvetak iokhalhmek ankek ma'a nkotno aqhemo m'a asmakmekama.


Ennengko'o koka alel·halhnekama engelvalho'ok aniem'o Espíritu ngkolhek hata hengeltemeskaso nengelpeivomo aniem'o mongiaskeiam, have niapak ma'a.


Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.


Kolhva koka ntasek angeltakneskasangkok Eniapom neten apto apmopvana hengeltaqmelkeskesek nellaniemhaikama akiavai'a nkek, tep ankek ma'a nengellanemakha nkolhok alietnaikama engaqto'ok anak, tep ankek na m'a nengelelmalhnengka la'a aniem'o apmopvana nak aknema engvalho'ok anak.


Eniapom Neten hata elpekhesama ellanangkok qaselha altaqmelo, elpasmok hata nhan kakpota ellanangkok ma'a aniem'o apiamolhma.


Ellanamok hata mota lhamakho astemakha lhta mota asketlhekmoskama apkelvetai'o lhta askellanai'a, elvanamok hata mota astemakha nak, netamen Eniapom Neten apto nak aktaqmelaikama envalhok aniapom etnangkok hata mota apketlhelhma'ak ma'a.


Avanhek na asteniai'o eiempehek askeliatekhoho aplhamakho m'a askeltemo etlhengkesek apkelpasmommakpo, ellasekhakpoho kakpota nkovak akiokho nkek apkeliekpelkangveiam kanhan apkeliangveiakmo qaselha akielhammalhka nak apeneskamo lhnak nanek Eniapom Neten aplheianmo lhnak nanek eniapaksek Cristo,


Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.


Apkellavekama lhta Eniapom Neten aniem'o nhan ania'a aktaqmanma neleltennaskama sekhe lhta kakpota elpasengvomok ma'a apientalhnemo apveske engankok Jesucristo.


Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.


Koietnama ta apaqtek lheiap aktemakha lhta apkaniemhaikama Jesucristo, apto aptaven neptamen David, aplhatekhangveiakmo lhta nhan apieseksek apkenmaskengvaiakmo m'a, ka ania'a aktaqmanma nak alheianmo na mota ko'o,


Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.


¡Ntasek etlhengkese mota mokhom ketlhengkap ma'a metka akpensangveiam, metka nhan apkeliamasangveiam alleklemo apvalho'ok! Netamen etlhevangkok hata qaselha altaqmelo apkelel·halhanmo mota nkovak hata.


nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!


Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke


Metnamo nkek na ellanhok aptemakha nak apveske apkellaikamo nak akientalhnema nke apkenmakmekama enenlhet, elvetaskesakpo ta nhan apankavek aptaikamok apkeltakmelkasemmakpo napaqtavek ma'a.


Ketlhengkap elialheng'a, apkellavema lhta Eniapom Neten, apkeliekiesaikamo lhta nhan ma'a, ntasek enmeivo mota m'a qaselha altaqmelo nak apvalho'ok kakpota mepallemmek.


ka nkeniemai'ak neltemeskeskamo iokhalhmek ankek ania'a apketlheianmo lhnak nanek apkeleltennasemmap ania'a annenga, ntasek na ketlhengkap eltaqmelkasok apkellailhemo ania'a nak ngkanek malha talha alhankok la m'a altetkeskama nak ienaqtesakha lhma akvakmo aptepo malha iav'a apiavai'a apvalho'ok ketlhengkap ma'a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ