1 Tesalonicenses 1:3 - Nuevo Testamento Toba Maskoy

³ Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.

1 Tesalonicenses 1:3 ပူးပေါင်းရင်းမြစ်များ

Juan 14:15

—Lhta hellasekho la niekhe ketlhengkap, eleliehekho lhta nhan henganemakha ehenkok anak.

Juan 15:10

Eleliehekhok na askanemakha etnangkok kakpota elvetak enenlhet ma'a hellasekhai'o. Ka stonak ko'o askeliehekhek apkanemakha atnek Tata, apkelvetai'ak na enenlhet askasekhai'o ko'o Tata.

Hechos 10:31

lhta aptak heiano: "Cornelio, apneng'ak lheiap apkenmalhnonkoma Eniapom Neten, apvet'ak na apkelpasmoma metka nak apkeletsekama.

Hechos 3:19

Ntase kolhva eliaqmongkasekha mo'ok apvalho'ok ketlhengkap, elpengkamok na apvalho'ok akieto m'a apnakha Apveske, netamen hata m'a ngkolhek anmaskeskaso apkeltemakha ngkollatsekama.

Romanos 12:12

Kolpaihekha ta mota apvalho'ok aniem'o alel·halhnekama apvalho'ok elvetak hata aktaqmanma. Neksa apkelvetai'a la akientalhnema, elel·halhen hata metka apkelpekheskama apkeleltemo elpasmok Eniapom Neten, elelmalhna ta mota metka nnelha m'a.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Romanos 15:4

Lhamakho aktemakha nak aktalhesammalhka Vakkahak Eniapom Neten Apaivoma kakpota hengetlhekmoksek ennengko'o m'a, akpaieskaiam engvalho'ok, hentemeskeskama nhan metka nempekheskama, hengaikamok na al·halhnekama engvalho'ok angelvetak aktaqmanma.

Romanos 16:26

Kolhva koka aplekvakhe', hengelvetaskaskek nahan, nlheianmek nak nane mota Vakkahak apkeleltennasemmap ania'a annenga apanko'ok ma'a. ¡Hai! Eniapom Neten apto menietsepmak aplekvakhek kolhva hengelvetaskaske alhnakho nkoie apmahai'akha lhta etnehek kakpota eleliehekhok, meliaskamek nahan enenlhet'avok lhmankek ham.

Romanos 16:6

Nlhenkek na evalhok María, avanhe lhta akmakmekama kakpota nkoltaqmelek apkellangiemhaikama ketlhengkap ham.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

1 Corintios 13:13

Nietnek koka hanetolhem'a qaselha allelto mankonmaskengvaiam, ka kto nak alvesai'a mongiaskeiam, al·halhnekama engvalhok angvetak aktaqmanma kakpota nhan nengasekhai'o, koka aktema neten ankek ma'a nengasekhai'o nak.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

Galatas 1:4

Apkaiangkave lhta m'a Jesucristo apmatnama aniem'o mongeleliehekho hengaskamakha Eniapom Neten. Hengelpaqnengkasekho nhan ngkolatsekama hengenmaikamok nenvanlha nak aniem'o nhan Eniapom Neten apkeltema m'a.

Galatas 5:13

Apkellavekama lhta Eniapom Neten ketlhengkap elialheng'a kakpota etnokhak metka apkenmammap, koka menmamankek metka apkenmammap anak kakpota ellanangkok qaselha ngkollatsekama mokhom, ntasek koka elpasmo mota po'ok la'a aniem'o apkellasekhai'o.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Galatas 6:9

Ka ngkanek na ketlhengkap mel·halhiengvomek apkellanekamok qaselha altaqmelo netamen hata m'a akieto la aktaqmelakha aknem avanhek hata ngkotnek apnaklhekamok akielhna altakmanma metko la alvannammalhka apvalho'ok.

1 Tesalonicenses 3:6

Apvaktame lhta Timoteo hengke'e apkeniaktamo ham Tesalonica, apsantanie lhta ania'a aktaqmanma, avanhek na lhta akietnema meliaskeiam ketlhengkap, nengasekhai'o, avanhek nak na apkenmahai'a hengelvetekhak ketlhengkap ennengko'o, ennengko'o nhan ntak ma'a avanhek nemmahai'a angelvetekhak ketlhengkap.

2 Tesalonicenses 1:11

Eniapom Neten apto apkellavekama ketlhengkap ka ngkanek ntasek eltaqmelkasakpok akietemo nkek, nengelelmalhneskaske mota Eniapom Neten elpasmok eleliehekhok ma'a, ellangkok na apkenmopvanka'a kakpota ellanangkok lhamakho qaselha altaqmelo apkenmak'akha la ellanangkok aniem'o alpekhesaikama meliaskeiam.

2 Tesalonicenses 1:3

Ketlhengkap Elialheng'a, nietavek antangko mota gracias Eniapom Neten ngkanek ngvaneniek meliaskeiam anak ketlhengkap lhamakho aknem, ngvaneniek na apkellasekhammakpo apieseksek anak ketlhengkap ham.

1 Timoteo 1:14

Nkaqhok koka avanhe kanke lhta aktaqmanma helanei'o Apveske engankok, heiaiangko lhta nhan moi'askeiam, nengasekhai'o aniem'o m'a Cristo Jesús.

1 Timoteo 2:3

Koka qaselha nak altaqmelo m'a, akleklemelha nhan apvalhok Eniapom Neten apto hengelvongkeskamo tep,

Hebreos 10:36

Elel·halhen hata metka apkelpekheskama ellanangko mota nhan apkellanemakha etnangkok Eniapom Neten, netamen etlhevangkok hata qaselha apeneskamo lhta aplheianma ellangkok hata m'a.

Hebreos 11:17

Mang nak nanek na ei'askeiakmok Abraham lhna nkeniemai'ak apiantamo apketka Isaak kakpota eniaqhe niekhe m'a, eniangkok na Eniapom Neten neksa apiepkonma m'a. Hai, apkeltemavek nak nanek eniangkok apketka lhema aphapak apankek Abraham Eniapom Neten ma'a neksa apiamo lhnak nanek niekhe Abraham Eniapom Neten eniangkok hata qaselha apeneskamo lhnak nanek apaivoma m'a,

Hebreos 13:21

Askeltavek ko'o Eniapom Neten elentepkeskesek apvalho'ok ketlhengkap lhamakho aktemakha altaqmanma akleklemelha la mota apvalhok ma'a, aniem'o nhan Jesucristo, apto akietemo nkek neniavenkeskamo apvesai'a m'a metka akvaiam annelha aliekaikamok iantelhkapa.

Hebreos 4:11

Hai, ntasek koka mota anteniangkok eniempeiok kakpota angelentalhnengvomok ma'a neniamposammalhkelha, montangkek ma'a aptaiangkolha lhnak nanek enenlhet'avok apkeliaskeiakmek nak nanek ma'a.

Hebreos 6:15

Mang nak nanek epekheskamak Abraham apkelailhemo apkeltennaskamo lhnak nanek apaivoma Eniapom Neten ellangkok hata, netamen lhnak nanek aplhevai'o lhamakho qaselha m'a.

1 Pedro 3:4

Koka nlekavek apvalhok Eniapom Neten ma'a ketlhengka' malha alalhnaskama av'alho'ok anak ngkanek mankomaskengvomek aktaqmanma m'a, akto nhan nalhepek av'alho'ok kanhan altakmelkeskamo av'alho'ok.

1 Juan 3:18

Eietkak apketko'ok, mangkolatsema etnangkok mok apatno'ok apkellasekhai'o po'ok, ntasek koka elpasmok ma'a.

1 Juan 3:21

Ketlhengkap apkellelto nak askellamelaiam, ka alketamekama nak engelvalho'ok manghengetlhenkeskekho la nellanekamok qaselha ngkollatsekama, koka envanka'a angelteteskakhak metka altaikama engelvalho'ok napaqtek Eniapom Neten ma'a.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.

1 Juan 5:3

Hai, nengasekhai'o Eniapom Neten aniem'o neleliehekhok hengellanemakha nak antangkok ma'a, nkelhievak'ave na ngkotnek apkanemakha apanke nak ma'a

Apocalipsis 2:19

"Asiave ko'o lhamakho qaselha apkelanai'a lheiap, asiavek na mangheiaskeiam ko'o, heiamelaiam nahan, asiavek na nkanantaiangkek apmakmekama, mangkolhnok ma'a sekhek anke lhta, metka nnelha apmakmekama lheiap kakpota eltaqmelkeskesek apkellangiemhaikama po'ok.

Apocalipsis 3:10

Aptaqmelkaskek na aspaioma askanemakha etnek lheiap metka apkelvateskaiam heieplekama, ka ngkanek ataqmelkesek hata akvo'o ta aplengaiangko akientalhnema takhalhet lhmankek ham.