1 Tesalonicenses 1:10 - Nuevo Testamento Toba Maskoy

¹⁰ apkelel·halhneiangka lhna lhta nhan Apketka Jesús apto lhta nhan aplhatekhangveiam apieseksek apkenmaskengvaiakmo enielhiemok ma'a neten evatamok mokhom hengke'e kakpota hengelvongkesek tep ennengko'o neksa akvai'a ta apiaqmongkasekha apkeltemakha ngkollatsekama enenlhet'avok halhmankek ham.

1 Tesalonicenses 1:10 ပူးပေါင်းရင်းမြစ်များ

Lucas 2:25

Apnengkek nak ma'a lhema enenlhet apvesai'a Simeon, apeivomo lhnak ma'a, apkeliehekho lhna mota Eniapom Neten. Avanhek ankek nak apkel·halhanma ngkolhek hata alpaieskeskakmo apvalho'ok ko Israel, Espíritu Santo lhna songke mota aplhelhma m'a Simeon.

Lucas 3:7

Man na ntek enenlhet'avok apkelmeiekha apnakha Juan kakpota ellavkesangkok konne iemmen ma'a, lhna aptemak apkellanemo: —¡Menasma ketlhengkap! ¡Have niapak ankek nkovak hata nema aliaqmongkaskesekha apkeltemakha ketlhengkap, mangkolenketek hata m'a!

Hechos 1:11

—Enenlhet'avok ko Galilea, moliemes apvalho'ok aktakha nak nema akiantemekha neten Jesús, hata ngkotnek na apkelhiakmo ta mokhom —lhna aptaiangkok ma'a.

Hechos 17:31

Eniapom Neten alhta apkeliekieskama lhema aknem kakpota eliekpelkok aktaqmanma, nlho ka la ngkollatsekama enenlhet'avok. Akietemo nkek hata etnek ma'a. Apkeliekieskamo nhan lhema enenlhet kakpota elanak ma'a, apkelvetaskeskamo lhta nhan enenlhet'avok ma'a aniem'o nhan aplhatekhaskeiam apieseksek apkenmaskengvaiakmo —lhnak aptemak Pablo.

Hechos 2:24

Netamen aplhatekhaskeiakme lhta nhan apieseksek apkenmaskengvaiakmo, apaknengkasekhe lhta akmaska nengetsepma, mankavankek mokhom ngkomangkok ma'a.

Hechos 2:32

Jesús alhta m'a, nelvet'a lhta ennengko'o Eniapom Neten apto aplhatekhaskeiam ma'a.

Hechos 3:15

Alleniemai'o lhtoka ketlhengkap apmatnamo m'a apto niekhe apkelanai'a neniennaktema nak, Eniapom Neten koka nhan aplhatekhaskeiakmok ma'a, ennengko'o nhan nelvetaiangko m'a.

Hechos 3:21

Koka Jesús elhek hata mokhom ma'a neten akvakmo apeneso lhamakho qaselha alhnanko'ok Eniapom Neten, aptemo lhnak nanek aplheianma aniem'o apketlhenekho apkeleltennaskama ania'a apanko'ok apkelpokkanma.

Hechos 4:10

Aleltennasangko ta ketlhengkap kakpota nhan aplhamakho enenlhet'avok ko Israel, ka enenlhet alhta aptaqmalveiam aniem'o koka m'a apvesai'a Jesús ko Nazaret, apkellaqhema lhta ketlhengkap neten iamet aktenneskama, Eniapom Neten alhta nhan aplhatekhaskakmok ma'a.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

Romanos 4:25

Apto lhta nhan ma'a nema ankongvaiam kakpota ematong hengiaqmoiekha ennengko'o aniem'o nellanekamo nkollatsekama. Netamen nemo nhan aklhatekhaskeiakmo kakpota hengeltemeskesek nengelpeivomo m'a.

Romanos 8:34

Mamma nhan nkotlhenek apketselhnanemmap ma'a, ngkanek apketsepme Cristo Jesús apkeliaqmekha m'a. Netamen aptaiekho lhta nhan mokhom aphalhnankok, kolhva koka apnek ma'a napokha akiennakha Eniapom Neten, apkeltennaske mota apkeltemo elpasmok ma'a.

1 Corintios 1:7

Hai, apkellangke lhta Eniapom Neten aklhamakho apkenmopvanka'a, kolhva koka mamma alaimelhkelha qaselha neksa apkelel·halhanma apteiapvo'o ta apveske engankok Jesucristo.

Galatas 3:13

Hengel·hatsoskakhe lhta Cristo apianmongkeskekho akianmoma neksa hennaqtevaskama ley, malha nha ntemak apatmekha la nema hennaqtevaskama m'a. Ka ntemak na aklheianma vakkahak Eniapom Neten apaivoma hengke'e: «Nema akiematkeskama apto la apketsepma apiepetkasemmap neten iamet poste».

Filipenses 3:20

Ennengko'o koka nellavakha neten, avanhek ankek hata ngkotnek nelel·halhanma neltemo elhiemok apto hengelvongkeskama ta tep, apto nhan apveske engankok Jesucristo.

Colosenses 1:18

Cristo nhan apto malha apqatek iglesia, koka ntaiekhek malha apiokha m'a. Cristo apto apmanie', apto nhan apmanie aplhatekhangveiam apieseksek apkenmaskengvaiakmo, aptemo nha mota apmanie pankek ma'a.

1 Tesalonicenses 1:7

Netamen apkelvaneiangko lhta nhan aptaiangkolha ketlhengkap aplhamakho apkellelto nak meliaskeiam ma'a akieto iokhalhma' Macedonia kakpota nhan Acaya.

1 Tesalonicenses 2:16

Ma lhta nhan hengellaiangkoho angelpaiaksek ania'a aktaqmanma nenvongkasemmalhka tep apieseksek metnangko judios, koka m'a niaveiangke lhta nhan ngkollatsekama apkellanekamok, koka nkovak hata nhan akiavai'a nema aliaqmongkaskesekha apkeltemakha m'a.

1 Tesalonicenses 2:7

Envanka'a nlho lhta niekhe angeliatangkok hengelleliehekhok ennengko'o ketlhengkap, ngkanek nengelelto hengellapaskamo pankok Cristo, koka ma lhta ntaiangkok ma'a, malha alhta nentaiangkok aktaiangkolha nak nematkak. Neltaqmelkeskanke lhta mota malha aktona ngken altakmelkeskama nak atkak.

1 Tesalonicenses 5:9

Hengeliekieskangkek ennengko'o Eniapom Neten have apmahai'a hengellangkok apiaqmongkasekha nentaiangkolha, vanlha koka apmahai'o hengelvongkesek tep aniem'o apveske Jesucristo,

2 Timoteo 4:1

Askeltavek ko etnek lheiap napaqtek Eniapom Neten kanhan Cristo Jesús apto ta nhan apvekta kakpota etnek apveske, eliekpelkok hata nhan aktemakha apkellanekamok aktaqmanma nlho ka la ngkollatsekama apkellelto nak aphalhnanko'ok kakpota nhan apkenmaskengvaiakmo,

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Hebreos 10:27

Vanlha koka ngkotnek nelel·halhanma akiavai'a nengai'a akvakmo ta aknem apkeliekpelkemelha nentaiangkolha Eniapom Neten, nkonaqtevaksek hata talha apkellelto nak apkellammelhmakha m'a.

Hebreos 9:28

Nnavek na Cristo m'a, lhema aktema apkaiangko pankek apmatnama kakpota el·hatsoskasangkok apkellanekamok ngkollatsekama aplhamakma enenlhet'avok. Netamen ma'a evatak hata mokhom have apmahai'a elaneskasekhak apvalho'ok enenlhet'avok apkellanekamok ngkollatsekama, vanlha koka apmahai'a elvongkeskatak tep ma'a apkellelto la mota apkelel·halhanma.

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.

1 Pedro 1:3

Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke

1 Pedro 2:21

Neksa apkellavekama lhta Eniapom Neten ketlhengkap apiamave lhtoka nhan elvetak hata akientalhnema aniem'o aknaikamok apkelleliehekho ma'a, ka aptemo lhta nhan Cristo aplengaiangko aniem'o apkelpasmoma ketlhengkap, apkeleltemo lhta nhan ketlhengkap elvanangkok ma'a aptemakha.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

2 Pedro 3:12

Eliavenkaso ta apkelel·halhanma nkovak aknem apkeliekpelkemelha Eniapom Neten aplhamakho enenlhet'avok, nkonietek hata neten anak, nkolpaihekhak hata nhan qaselha aknaiangko nak ma'a aniem'o talha alpaiesekha'.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

Apocalipsis 1:18

Asto ehalhnankok, asketsepme lhta ko'o sekhe lhta, kolhva koka astakhek ehalhnankok metka akvaiam annelha ta aliekaikamok iantelhkapa, nietnek na llave ankok ngkolatsenkolha apkeletsepma.

Apocalipsis 1:7

Elhiemok hata Cristo aiseksek iephopai'a, etakpok hata lhmankek ham, elvetak hata nhan apkellelto lhta apkeliaqlhai'a akvakmo akteiapvakmo nepketama napokha, lhamakho apkellavakha lhmankek ham eliapqalhek hata aniem'o m'a. Hai', hata ngkotnek ma'a. Amen.