1 Pedro 5:9 - Nuevo Testamento Toba Maskoy

⁹ Elammelh hata nhan akieplomo akiennaktema meliaskeiam ma'a, ka aliepkonma nak ketlhengkap nnavek na apkelvetai'a m'a apkelialheng'a aplhamakho lhmankek ham.

1 Pedro 5:9 ပူးပေါင်းရင်းမြစ်များ

Lucas 22:32

Ko'o koka askenmalhneskasak Eniapom Neten kakpota mankomaskengvomek mei'askeiam lheiap. Netamen hato ka m'a eiennekhok hata mokhom ma'a, kakpota mokhom elpasmekhak na apketlhelhma'ak anak eliennekhok hata nhan ma'a —lhna aptemak Jesús apkanemo Pedro.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

1 Corintios 10:13

Koka lhamakho nak akientalhnema apkelvetai'a ketlhengkap ntemengkek na m'a aplhamakho enenlhet, meniankehek hata Eniapom Neten na nkoiavangkok aliaqhapma akientalhnema akvakmo akvo'o la mankolelianmommalhko, eliephongveskamhok hato ka nhan ma'a Eniapom Neten neksa akvai'a akientalhnema nak aniem'o hempasmoma mota.

Efesios 4:27

kakpota mankovhek aveske keliaqhameiok nkomama m'a apvalho'ok.

Efesios 6:16

¡Neten ankek aktaqmanma elapkesakpok hata nhan akielhnengvai'a nak ianka akvesai'a m'a mongiaskeiam! Kakpota nkonmievok ma'a akielhnengvai'a ianka akieplomo talha nepketama aniem'o keliaqhameio'.

Colosenses 2:5

Kolhva koka molhnemak apieseksek ketlhengkap ham, evalhok koka malha ntemak aknema ham, avanhek akpaihekha evalhok ngkanek avanhek apkeltakmelkeskamo apankavek apkakhaikamok ham, apketlhengkeskangkek na aliennaktema nkek meliaskeiam Cristo.

1 Tesalonicenses 3:3

neksa akvai'a akientalhnema kakpota mankoltemeskesantaniek na koneng ketlhengkap ham. Apkeliavek na akientalhnema nak mankavankek hengieka'.

1 Timoteo 6:12

Ka apvanko koka ennapakpok aniem'o apkenmasmo mei'askeiam anak, meniangko nhan ngkolhek aklekkaso akiennaktema apneniek mangkotnengvaiam annelha, ngkanek lheiap apto apkeliekieskama Eniapom Neten, apkelvetaskaskek na napaqtavek enenlhet'avok akietnema mei'askeiam lheiap.

2 Timoteo 3:12

Have niapak ankek ellengangkok hata nema akmenlhenaikama aplhamakho apkellelto la apkenmahai'a ellanangkok qaselha altaqmelo aniem'o nhan apkelleliehekho Cristo Jesús,

2 Timoteo 4:7

ngkanek heiasennaikama aktaqmanma nkek ma'a, astemengke mota nhan malha kto nak soldado apmopvana la ennapakpok, malha nhan astemak ma'a apkelpaivasemmap la'a apvaiam anak akiensasemmalhka nak, molvateskakmok na moi'askeiam.

Hebreos 11:33

Apkel·hatsoskasekhe lhnak nanek lhepop apanko'ok po'ok enenlhet ma'a aniem'o meliaskeiam ma'a, apkellanei'o nhan aptaikamok apkelpeivomo. Apkelienlhanmeiangko mota apteniaiangko apiempeiok akvakmo apkelvetangvakmo qaselha aplheianmo lhnak nanek Eniapom Neten ellangkok hata m'a. Apkennaveskamo lhnak nanek na iama kmeiva kakpota mankotavankek ma'a aniem'o lhnak nanek na meliaskeiam ma'a.

Hebreos 12:8

Koka metko la apkennaveskama Eniapom Neten ketlhengkap, have apketkak apankavek ketlhengkap ma'a, apnek po'ok apkeliapom ma'a.

Santiago 4:7

Eleliehekho' Eniapom Neten, eltakneva koka m'a aveske keliaqhameio' nak, netamen nkoniek hata m'a.

1 Pedro 1:6

Avanhek alpaiesekha apvalho'ok ketlhengkap ania'a nak, niekhe apkelvetai'a moklhem'a aknem aliepkonma, koka iakvatakho nkek ma'a.

1 Pedro 2:21

Neksa apkellavekama lhta Eniapom Neten ketlhengkap apiamave lhtoka nhan elvetak hata akientalhnema aniem'o aknaikamok apkelleliehekho ma'a, ka aptemo lhta nhan Cristo aplengaiangko aniem'o apkelpasmoma ketlhengkap, apkeleltemo lhta nhan ketlhengkap elvanangkok ma'a aptemakha.

1 Pedro 3:14

Aktakmelakho nkek apkelvetai'a nak akientalhnema neksa apkellanekamok akpeivomo. Mellaga nkek enenlhet, mennelhtengankek na neten,

1 Pedro 4:13

Kolpaihekha toka mota apvalho'ok apkelvet'o la apkellengaiangko, ka aktemo lhta nhan Cristo m'a, netamen nkolpaihekhak hata nhan apvalho'ok apkelhiakmo ta m'a akieplomo akiavai'a apientalhnemo.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 6:11

Ka kno lhta allangko apkelentalhnema apkenmopai'a apankek ma'a, kno lhta nhan allelto elel·halhnek sekhe ketsek akvakmo apsavhekpo ta aptekievekha aplhamakha apkelaimommap apkelialheng'a apketlhelhma'ak ma'a, ka aktemo lhta aptekievekho nhan ma'a.

Apocalipsis 7:14

—Ma', lheiap koka apiave —lhta stak askatemmongka m'a. Koka lhta aptak mokhom heiano: —Koka enenlhet'avok anak hengke'e apkellelto lhta apkelvetaiangko akientalhnema, malha apkelieniesekamok apkelentalhnema kakpota enmopekhak ma'a aniem'o lhta ema apankok Nepkesek Apketkok.